Ísland, Liechten­stein og Nor­egur hafa öll bætt frammi­stöðu sína við inn­leið­ingu EES til­skip­ana og reglu­gerða. Nor­egur stendur sig best og Ísland við­heldur sögu­lega bestu frammi­stöðu sinni við inn­leið­ingu til­skip­ana en hall­inn er nú 0,5 pró­sent.

Þetta kemur fram í til­kynn­ingu frá­ ­Eft­ir­lits­stofnun EFTA (ESA) sem send var út í gær.

Í henni segir jafn­framt að þetta sé 43. frammi­stöðu­mat innra mark­aðs­sviðs Eft­ir­lits­stofn­unar EFTA en inn­leið­ing­ar­hall­inn gefur til kynna hversu margar til­skip­anir og reglu­gerðir EES ríkin hafa ekki inn­leitt á réttum tíma. „ESA birtir þessar tölur og minnir ríkin á að halda inn­leið­ing­ar­hall­anum undir 1 pró­senti. Sein eða röng inn­leið­ing getur orðið til þess að fólk og fyr­ir­tæki njóta ekki rétt­inda sinna á EES svæð­in­u,“ segir í til­kynn­ing­unni.

Nýja frammi­stöðu­matið sýnir að Ísland hafi bætt frammi­stöðu sína við inn­leið­ingu til­skip­ana og er hall­inn nú 0,5 pró­sent eins og áður segir en fjórar til­skip­anir hafa ekki verið inn­leidd­ar.

Gera athuga­semdir við ­vax­andi inn­leið­ing­ar­halla reglu­gerða

Hins vegar gerir ESA athuga­semdir við vax­andi inn­leið­ing­ar­halla reglu­gerða. Þær voru 25 en eru nú 35, sem er inn­leið­ing­ar­halli upp á 1.1 pró­sent. Flestar reglu­gerð­irnar eru á sviði fjár­mála­þjón­ustu og þurfa íslensk stjórn­völd að bregð­ast sér­stak­lega við þessu, sam­kvæmt ESA.

Liechten­stein hefur ekki inn­leitt fimm til­skip­anir og er inn­leið­ing­ar­hall­inn þar 0,6 pró­sent. Allar til­skip­an­irnar tengj­ast útgáfu öku­skír­teina og hafa beðið inn­leið­ingar í tvö ár eða leng­ur.

Nor­egur stendur sig enn best

Nor­egur stendur sig best með 0,1 pró­sent inn­leið­ing­ar­halla. Aðeins ein til­skipun hefur ekki verið inn­leidd að fullu. Nor­egur hefur jafn­framt staðið sig vel þegar kemur að inn­leið­ingu á reglu­gerðum og eru aðeins þrjár útaf­stand­andi.

Síðar á þessu ári mun ESA birta upp­fært frammi­stöðu­mat þar sem borin verður saman frammi­stöða EFTA ríkj­anna og ann­arra EES ríkja.