Telur tregðu íslenskra dómstóla að fylgja dómum MDE vera á undanhaldi

Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.

Róbert R. Spanó, lögmaður og dómari við Mannréttindadómstól Evrópu
Róbert R. Spanó, lögmaður og dómari við Mannréttindadómstól Evrópu
Auglýsing

Upp­haf­leg tregða íslenskra dóm­stóla til þess að fylgja dómum Mann­rétt­inda­dóm­stóls­ins er á und­an­haldi að mati Róberts Ragn­ar­s ­Spanó, ­dóm­ara við Mann­rétt­inda­dóm­stól Evr­ópu. Róbert fjall­aði um hvernig íslenskir dóm­stólar taka mið af dómum Mann­rétt­inda­dóm­stóls­ins við úrlausn um ákvæði mann­rétt­inda­sátt­mál­ans og stjórn­ar­skrár­innar á hádeg­is­verð­ar­fundi í nóv­em­ber á síð­asta ári. Í nýjasta tölu­blaði Lög­manna­blaðs­ins er að finna nokk­urs konar end­ur­sögn á fyr­ir­lestri Róberts. 

Að mati Róberts hef­ur ­dóma­fram­kvæmd íslenskra dóm­stóla þró­ast veru­lega frá lög­fest­ingu mann­rétt­inda­sátt­mál­ans og stjórn­ar­skrár­breyt­ing­unni 1995. Í fyr­ir­lestri sínum sagði hann að svo virð­ist sem Hæsti­réttur vísi nú ekki ein­ungis almennt til fram­kvæmdar Mann­rétt­inda­dóm­stóls­ins heldur styðj­ist rétt­ur­inn í rík­ari mæli við þær aðferðir sem dóm­stól­inn hefur lagt til grund­vallar við túlkun við­kom­andi ákvæða mann­rétt­inda­sátt­mál­ans. Þá hafi íslenskir dóm­stólar und­an­farna ára­tugi leit­ast við að eiga sam­starf við dóm­stól­inn.

Auglýsing

Vægi dóma MDE hefur auk­ist jafnt og þétt í íslenskri dóma­fram­kvæmd 

Ísland gekkst undir mann­rétt­inda­sátt­mál­ann að þjóða­rétti árið 1953 en sam­kvæmt tví­eðlis­kenn­ingu þjóða­réttar hafði hann því ekki bein laga­leg áhrif hér á landi í rúm 40 ár eða fram að lög­fest­ingu árið 1994. Í kjöl­far lög­fest­ing­ar­innar var mann­rétt­inda­kafla stjórn­ar­skrár­innar breytt árið 1995 í sam­ræmi við sátt­mál­ann. Mann­rétt­inda­dóm­stól Evr­ópu er síðan ætlað að tryggja að aðild­ar­ríki Evr­ópu­ráðs­ins virði þau rétt­indi sem kveðið er á um í sátt­mál­an­um.

Dómar Mann­rétt­inda­dóm­stóls­ins eru þó ekki bind­andi að íslenskum lands­lögum og hafa þannig ekki bein og milli­liða­laust rétt­ar­á­hrif að íslenskum rétti. Sam­kvæmt athuga­semdum með frum­varpi að stjórn­skip­un­ar­lög­unum 1995 var þó reiknað með að dómar Mann­rétt­inda­dóm­stóls­ins myndu hafa leið­sagn­ar­gildi við skýr­ingu mann­rétt­inda­á­kvæða. Róbert sagði í fyr­ir­lestri sínum að dóm­arnir væru þannig ein­hvers konar for­spá um þá lág­marks­vernd sem stað­fest hafi verið að þjóða­rétti við túlkun ákvæða mann­rétt­inda­sátt­mál­ans en íslenskum dóm­stólum er þó að formi til heim­ilt að hafna þeim leið­bein­ingum sem er að finna í dómum Mann­rétt­inda­dóm­stóls­ins. 

Róbert sagði að þrátt fyrir þetta væri ljóst, af réttar­ör­ygg­is­sjón­ar­miðum og þjóð­rétt­ar­skuld­bind­ingum Íslands, að íslenskum dóm­stólum væri rétt að fylgja alla jafna þeirri leið­sögn sem leiðir af dómum Mann­rétt­inda­dóm­stóls­ins. Enda væri ljóst að efni mann­rétt­inda­sátt­mál­ans yrði ekki ráðið með því einu að lesa ákvæði hans heldur væri auk þess nauð­syn­legt að kanna hvernig Mann­rétt­inda­dóm­stóll­inn hafi túlkað við­eig­andi ákvæði. Hann sagði jafn­framt að þótt dóm­arnir hafi að formi til ekki bein rétt­ar­á­hrif kæmi það ekki í veg fyrir að dómar dóm­stóls­ins hafi beina laga­lega þýð­ingu við úrlausn mála fyrir íslenskum dóm­stólum í gegnum við­ur­kenndar lög­skýr­ing­ar­að­ferðir við túlkun mann­rétt­inda­sátt­mál­ans. 

Ekki tekið nægi­legt til­lit til dóma MDE

Róbert sagði í fyr­ir­lestri sínum að framan af hefði gætt nokk­urrar tregðu íslenskra dóm­stóla við að líta til dóma Mann­rétt­inda­dóm­stóls­ins en fyrir því hafi verið ýmsar ástæð­ur, þar á meðal tví­eðlis­kenn­ing­in, full­veld­is­sjón­ar­mið, skortur á þekk­ingu lög­manna og dóm­ara. Sú þróun hefði þó breyst og hin síð­ari ár hafi íslenskir dóm­stólar meðal ann­ars byggt á sam­ræm­is­skýr­ingu milli stjórn­ar­skrár­innar og mann­rétt­inda­sátt­mál­ans eins og hann hefur verið túlk­aður af Mann­rétt­inda­dóm­stóln­um. Það megi meðal ann­ars rekja til þess að ákvæði sátt­mál­ans, sem hafa efn­is­lega sam­stöðu með ákvæðum stjórn­ar­skrár­inn­ar, hafa nú veru­legt vægi við túlkun stjórn­ar­skrár­inn­ar. 

Á und­an­förnum árum hafi jafn­framt Mann­rétt­inda­dóm­stól­inn lagt aukna áherslu á að lands­dóm­stólar aðild­ar­ríkj­anna rök­styðji nið­ur­stöður sínar með vísan til þeirra meg­in­sjón­ar­miða sem mynd­ast hafa í fram­kvæmd dóm­stóls­ins. Ef dóm­stól­inn telur að það sjón­ar­mið skorti þá sé lík­legra að dóm­stól­inn dæmi á þann veg að dómar lands­dóm­stóla upp­fylli ekki þær lág­marks­kröfur sem felist í sátt­mál­an­um. 

Að mati Róberts hefur því dóma­fram­kvæmd íslenskra dóm­stóla þró­ast veru­lega frá lög­fest­ingu mann­rétt­inda­sátt­mál­ans og stjórn­ar­skrár­breyt­ing­unni 1995. Á síð­ustu árum hafi vægi dóma Mann­rétt­inda­dóm­stóls­ins auk­ist veru­lega í dóma­fram­kvæmd hér á landi og nú sé for­dæmi ­dóm­stóls­ins í raun orðin eðl­is­lík stöðu hefð­bund­inna for­dæma íslenskra dóm­stóla, þótt hin form­lega staða sé óbreytt. Ró­bert sagði að sjá megi þessa þróun í nýlegum dómum Hæsta­rétt­ar. 

Nú hverf­ist dómar Hæsta­réttar á því hvernig Mann­rétt­inda­dóm­stóll­inn hefur túlkað og beitt reglu sátt­mál­ans

Í fyr­ir­lestr­inum sagð­ist Róbert ekki hafa svig­rúm til þess að ræða heild­stætt dóma­þró­un­ina á þeim tíma sem lið­inn væri frá lög­fest­ingu mann­rétt­inda­sátt­mál­ans fram til árs­ins 2018. Hann fjall­aði þó um nokkur dóms­mál til að rök­styðja mál sitt, þar á meðal fjall­aði hann um dóma­þróun í tveim­ur ­mála­flokk­um, ann­ars vegar mál þar sem reynir á vernd tján­ing­ar­frelsis og hins vegar mál þar sem reynir á bann við end­ur­tek­inni máls­með­ferð til úrlausnar um refsi­verða hátt­semi.

Sam­kvæmt Róberti hafði lengi tíðkast í íslenskri ­dóma­fram­kvæmd að leysa úr meið­yrða­málum ein­göngu á grund­velli íslenskra ­kenn­inga og for­dæma án til­lits til dóma­fram­kvæmd­ar ­Mann­rétt­inda­dóm­stóls­ins og dómum Hæsta­rétt­ar var ekki skotið til dóm­stóls­ins nema með ein­staka und­an­tekn­ing­um. Hann sagði hins vegar að á þessu hafi orðið breyt­ing á árun­um 2009 til 2013 þegar fjölda meið­yrða­mála var vísað til­ ­Mann­rétt­inda­dóm­stóls­ins í kjöl­far þess að íslenskir dóm­stól­ar höfðu dæmt blaða­menn til greiðslu miska­bóta fyr­ir­ æru­meið­andi umfjöllun í fjöl­miðl­u­m. Þau mál voru leidd til­ ­lykta með átta dómum Mann­rétt­inda­dóm­stóls­ins á árun­um 2012 til 2017 en sex þeirra voru kærendum í vil þannig að ­ís­lenska rík­inu var gert að greiða blaða­mönn­unum bæt­ur ­fyrir brot gegn 10. gr. Mann­rétt­inda­sátt­mál­ans um vernd tján­ing­ar­frels­is. 

Að mati Róbert er lær­dóm­ur­inn af þessum áfell­is­dómum sá að íslenskir dóm­stólar hafi ekki nægj­an­lega lagt til­ grund­vallar þau lög­skýr­ing­ar­sjón­ar­mið og aðferðir sem ­leiða af dóma­fram­kvæmd Mann­rétt­inda­dóm­stóls Evr­ópu. 

Eftir að þessir dómar voru kveðnir upp var tveimur öðrum íslenskum dómum áfrýjað til Mann­rétt­inda­dóm­stóln­um. Í þeim málum komst dóm­stól­inn að þeirri ­nið­ur­stöðu að íslenska ríkið hefði ekki brotið gegn 10. gr. mann­rétt­inda­sátt­mál­ans. Í nið­ur­stöð­unni kom fram að það væri vegna þess að Hæsti­réttur hefði dæmt á grund­velli þeirra sjón­ar­miða sem leiddu af ­dóma­fram­kvæmd Mann­rétt­inda­dóm­sóls­ins. Því seg­ir Ró­bert að sjá megi á þessum síð­ustu dómum Hæsta­réttar að aðferð­ar­fræði­leg stefnu­breyt­ing hefur orðið þar sem for­sendur dóms­ins hafi hverfst að öllu leyti um það hvernig Mann­rétt­inda­dóm­stóll­inn hefur túlkað og beitt ­reglu mann­rétt­inda­sátt­mál­ans. 

Þar með hafi Hæsti­rétt­ur horfið frá þeirri til­hneig­ingu að líta fyrst og fremst til­ inn­lends réttar án þess að kanna gaum­gæfi­lega fram­kvæmd ­Mann­rétt­inda­dóm­stóls­ins. Nú sé ekki ein­ungis vísað almennt til fram­kvæmdar Mann­rétt­inda­dóm­stóls­ins heldur styðj­ist rétt­ur­inn í rík­ari mæli við þær aðferðir sem dóm­stól­inn hefur lagt til grund­vallar við túlkun við­kom­andi ákvæða mann­rétt­inda­sátt­mál­ans. Róbert benti jafn­framt á að Lands­réttur hafi einnig vísað til þess­arar aðferð­ar­fræði í dómum sínum frá­ því í sept­em­ber og októ­ber 2018. Því er að mati Róberts upp­haf­leg tregða íslenskra dóm­stóla til þess að fylgja dómum Mann­rétt­inda­dóm­stóls­ins á und­an­haldi.

Kanntu vel við Kjarnann?

Við á Kjarnanum þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Freyr Eyjólfsson
Neysla og úrgangur eykst á heimsvísu – Ákall um nýjar, grænar lausnir
Kjarninn 20. febrúar 2020
Ísold Uggadóttir og Auður Jónsdóttir
Himinhrópandi mistök í máli Maní
Kjarninn 20. febrúar 2020
Haraldur Johanessen var enn ríkislögreglustjóri þegar samkomulagið var gert. Hann lét af störfum skömmu síðar
Samkomulag ríkislögreglustjóra hækkaði laun yfirmanna um 48 prósent
Þeir yfirmenn hjá ríkislögreglustjóra sem skrifuðu undir samkomulag við embættið í fyrra hækkuðu samtals grunnlaun sín um 314 þúsund krónur á mánuði og sameiginlegar lífeyrisgreiðslur um 309 milljónir.
Kjarninn 20. febrúar 2020
Samninganefnd starfsgreinasambandsins.
Starfsgreinasambandið nær samkomulagi við ríkið um nýjan kjarasamning
Starfsgreinasambandið og ríkið náðu í gær saman um útlínur á nýjum kjarasamningi á fundi hjá ríkissáttarsemjara.
Kjarninn 20. febrúar 2020
Sólveig Anna Jónsdóttir, formaður Eflingar.
Efling fordæmir Dag fyrir að vilja ekki eiga samtal við sig
Efling segir borgarstjórann í Reykjavík tala niður kjara- og réttlætisbaráttu félagsins. Framsetning hans á tilboðum Reykjavíkurborgar um launahækkanir til félagsmanna Eflingar sé í þeim „tilgangi að fegra mögur tilboð borgarinnar.“
Kjarninn 20. febrúar 2020
Sonja Ýr Þorbergsdóttir, formaður BSRB.
Verkföll hjá BSRB hefjast að óbreyttu í byrjun mars
Verkföllin munu hafa mikil áhrif á almannaþjónustuna enda munu þau ná til starfsfólks í heilbrigðisþjónustunni, þar með talið á Landspítalanum, og í skólum, leikskólum og á frístundaheimilum.
Kjarninn 20. febrúar 2020
Hillur verslana eru í dag fullar af fersku brauði.
Uppþot vegna brauðsins stormur í vatnsglasi
„Hvenær verður næst brauð viðvörun?“ „Brauð er búið í borginni, líka hvíta brauðið. Fólk ætlar greinilega að leyfa sér þessar síðustu klukkustundir á jörðu.“ Þeir voru margir brandararnir sem fuku í sprengilægðinni í síðustu viku.
Kjarninn 20. febrúar 2020
Traust almennings á dómstólum
Auður Jónsdóttir rithöfundur hitti gamalreyndan lögmann, Ragnar Aðalsteinsson, til að ræða hið svokallaða Landsréttarmál en það vekur upp áleitnar spurningar.
Kjarninn 20. febrúar 2020
Meira úr sama flokkiInnlent