„Ég sé ekki alveg hvernig sér­stök smit­hætta á að vera af því að fólk setji upp tjald eða safn­ist saman á Aust­ur­velli.“ Þetta segir Þórólfur Guðna­son sótt­varna­læknir í svari við fyr­ir­spurn Kjarn­ans vegna skrifa Björns Bjarna­son­ar, fyrr­ver­andi ráð­herra og þing­manns Sjálf­stæð­is­flokks­ins.

Sótt­varna­læknir hefur meiri áhyggjur af hrein­læt­is­að­stöðu víðs vegar um landið fyrir ferða­menn. Í svar­inu segir Þórólfur að honum finn­ist þetta ekki eiga við um það að fólk safn­ist saman á Aust­ur­velli. Hann seg­ist jafn­framt enga sér­staka skoðun hafa á orðum Björns, hann viti hrein­lega ekki hvort þetta eigi að vera grín.

Björn skrif­aði pistil, sem birt­ist á blogg­síðu hans í gær, sem nefn­ist Fryst­ing eyðir ekki smit­hættu. Þar fjallar hann um við­tal Morg­un­blaðs­ins við Katrínu Andr­és­dóttur sem var í áraraðir hér­aðs­dýra­læknir á Suð­ur­landi um smit­varnir og inn­flutn­ing á mat­væl­um.

Spyr hvort gætt hafi verið allra nauð­syn­legra hrein­læt­is- og örygg­is­krafna

Björn hefur á orði í pistli sínum að í við­tal­inu við Katrínu hafi komið fram að með fleiri ferða­mönnum auk­ist hættan á því að smit og ónæmar bakt­er­íur ber­ist til lands­ins. Nauð­syn­legt væri að huga að sjúk­dóma­vörnum í því til­liti og gæta fyllsta hrein­læt­is.

Með pistl­inum lætur Björn fylgja tvær myndir eftir Rúnar Gunn­ars­son af mót­mælum flótta­fólks og hæl­is­leit­enda á Aust­ur­velli. „Þær vekja spurn­ingar um hvort gætt hafi verið allra nauð­syn­legra hrein­læt­is- og örygg­is­krafna með aðkomu réttra stjórn­valda þegar borg­ar­stjóri leyfði að Aust­ur­velli yrði breytt í tjald­stæði og stytt­unni af Jóni Sig­urðs­syni breytt í snaga fyrir mót­mæla­spjöld,“ skrifar Björn.

Hann segir enn­fremur að ákvörðun borg­ar­stjóra og að for­sætis­nefnd alþingis láti sér þetta lynda ýti enn undir hnign­andi virð­ingu borg­ar­stjórnar og þings­ins. „Áður fyrr þótti máli skipta að almenn­ingur kæmi saman á Aust­ur­velli til að láta í ljós vilja sinn til fagn­aðar eða and­mæla. Nú hefur allt yfir­bragð þarna breyst á þann veg að engin leið er að átta sig á hvort eitt­hvað skipti máli sem teng­ist aðgerðum á Aust­ur­velli eða ekki, risið hefur lækkað jafn og þétt. Mynd­irnar segja meira en mörg orð.“

Búin að taka niður tjaldið

Hæl­is­leit­end­urnir eru nú búnir að taka niður tjaldið á Aust­ur­velli. Elín­borg Harpa Önund­ar­dóttir hjá No Border­s-­sam­tök­unum segir í sam­tali við Frétta­blaðið að ástæðan sé heilsu­leysi hæl­is­leit­end­anna, bæði and­legt og lík­am­legt, og mikil útlend­inga­andúð sem þau hafi orðið vör við und­an­farna viku.

„Það voru nokkrir byrj­aðir að veikj­ast þannig að okkur leist ekk­ert á blik­una þó að þeir sjálfir vildu vera áfram. En svo var búið að vera mikið af fólki með útlend­inga­andúð á Aust­ur­velli, sér­stak­lega í gær,“ segir Elín­borg Harpa við Frétta­blað­ið. „Þetta er ekki bara á sam­fé­lags­miðl­um, það er lif­andi fólk á Aust­ur­velli sem kemur og er með dólg. Á hverjum deg­i.“