Eig­endur skulda­bréfa WOW air hafa sam­þykkt að breyta skulda­bréfum sínum í hlutafé og þá eru form­legar við­ræður hafnar við fjár­festa um mögu­lega aðkomu að rekstri félags­ins. 

Þetta kemur fram í til­kynn­ingu frá WOW air sem send var fjöl­miðlum í dag. 

„Þetta er mik­il­vægt skref í fjár­­hags­­legri end­­ur­­skipu­lagn­ingu fé­lags­ins og stöðug­­leika WOW Air til lengri tíma lit­ið,“ seg­ir í til­­kynn­ing­unn­i. 

­Fé­lagið þarf nauð­syn­lega á fjár­fest­ingu að halda, sem allra fyrst, en rætt hefur verið um að félagið þurfi minnst um 40 millj­ónir Banda­ríkja­dala, eða um 5 millj­arða króna, til að styrkja efna­hag sinn, í það minnsta til skamms tíma. 

Eins og komið hefur fram í fréttum síð­ast­lið­inna daga, þá reynir Skúli Mog­en­­sen, for­­stjóri og eig­andi WOW air, nú allt til að bjarga félag­inu frá gjald­­þroti, en staða félags­­ins er erf­ið. 

Í frétta­­skýr­ingu á vef Kjarn­ans í gær, segir að kapp sé lagt á það að styrkja fjár­­hags­­stöðu félags­­ins með því að grynnka á skuldum – með því að umbreyta þeim í hlutafé – og fá inn meira fjár­­­magn til rekstr­­ar­ins. 

Þetta er hins vegar kapp við tím­ann, þar sem fjár­­hags­­staðan er erfið og mán­að­­ar­­mót framund­an, sem kosta félagið mörg hund­ruð millj­­ónir króna, þar sem greiða þarf laun og standa við aðrar skuld­bind­ing­­ar. 

Félagið tap­aði 22 millj­örðum króna í fyrra, sam­kvæmt upp­lýs­ingum sem Morg­un­blaðið birti í gær.