Útflutningsverðmæti eldisfisks sjöfaldast

Magn slátraðs eldisfisks hefur næstum fjórfaldast hér á landi á síðustu 10 árum og nam rúmum 19 þúsund tonnum árið 2018. Þá hefur útflutningsverðmæti eldisfisks nær sjöfaldast á sama tímabili og nam 13,1 milljarði króna í fyrra.

7DM_9720_raw_2223.JPG
Auglýsing

Mik­ill vöxtur hefur verið í fisk­eldi á Íslandi und­an­farin ár og heild­ar­fram­leiðslu­magn hefur nær fjór­fald­ast á síð­ustu tíu árum. Þá hefur heild­ar­út­flutn­ings­verð­mæti eld­is­fisks nær sjö­fald­ast á sama tíma­bili, úr tæpum tveim millj­örðum króna árið 2008 í 13,7 millj­arða króna árið 2017. Alls námu tekjur fyr­ir­tækja í fisk­eldi rúmum 19 millj­örðum árið 2017. Þetta kemur fram á vef Hag­stofu Íslands.

Fram­leiðslan fjór­fald­ast

Magn slátraðs eld­is­fisks hefur næstum fjór­fald­ast hér á landi á síð­ustu 10 árum og nam rúmum 19 þús­und tonnum árið 2018. ­Uppi­staðan í fisk­eld­inu voru lax og bleikja, en árið 2018 voru fram­leidd 13,5 þús­und tonn af eld­is­laxi og tæp 5 þús­und tonn af bleikju. 

Mynd: Hagstofan

Mest aukn­ing hefur orðið í lax­eldi á síð­ustu árum sem fer úr 292 tonnum árið 2008 í tæp 13,5 þús­und tonn árið 2018. Bleikju­eldi hefur verið stöðugra yfir tíma­bilið en tæpum 5 þús­und tonnum var slátrað á síð­asta ári sam­an­borið við 3,1 þús­und tonn árið 2008. Eldi á regn­boga­sil­ungi jókst mikið á tíma­bil­inu og náði hámarki árið 2017 þegar 4,6 þús­und tonnum var slátrað en árið 2018 nam fram­leiðslan ein­ungis 295 tonn­um. 

Bleikja er alin í ferskvatni, en mikið er um að eldi laxa­seiða og regn­boga­sil­ungs­seiða sé í ferskvatni áður en fisk­arnir eru settir í sjókvíar.

Auglýsing

Ísland í fjórða sæti í fram­leiðslu eld­is­lax

Á vef Hag­stof­unn­ar  ­segir að mikil fjár­fest­ing hafi verið í grein­inni á síð­ustu árum en þrátt fyrir það sé eig­in­fjár­hlut­fall sterkt, eða um 51 pró­sent árið 2017. Fjöldi laun­þega hjá fisk­eld­is­fyr­ir­tækjum hefur auk­ist mikið á síð­ustu árum og voru um 435 manns árið 2017. Tekjur fyr­ir­tækja í fisk­eldi námu 19,3 millj­örðum árið 2017 og hafa ríf­lega tvö­fald­ast frá árinu 2015. 

Sam­kvæmt Eurostat, Hag­stofu Evr­ópu­sam­bands­ins, var Ísland í fjórða sæti yfir Evr­ópu­lönd sem fram­leiða eld­is­lax árið 2016 og hér var fram­leitt mest magn af bleikju. ­Sam­hliða auk­inni fram­leiðslu hefur útflutn­ings­verð­mæti fisk­eld­is­af­urða auk­ist mikið og nam 13,1 millj­arði árið 2018. ­Út­flutn­ingur á laxi árið 2017 var aðal­lega til Banda­ríkj­anna, Bret­lands, Dan­merk­ur, Hollands og Þýska­lands. Bleikja hefur aðal­lega verið flutt út til Banda­ríkj­anna, Jap­an, Pól­lands og Þýska­lands.

Skiptar skoð­anir um frum­varp ráð­herra um fisk­eldi

­Fisk­eldi hefur verið mikið í umræð­unni hér á landi á und­an­förnum mán­uðum og þá sér­stak­lega umhverfá­hrif af opnum sjó­kví­um. Mikil ólga skap­að­ist um málið þegar úrskurð­­ar­­nefnd auð­linda- og umhverf­is­­mál felldi úr gildi ákvörðun Mat­væla­­stofn­unar frá 22. des­em­ber 2017 um að veita Fjarð­­ar­­lax ehf. rekstr­­ar­­leyfi fyrir 10.700 tonna árs­fram­­leiðslu á laxi í opnum sjó­kvíum í Pat­­reks­­firði og Tálkna­­firði í sept­em­ber í fyrra. 

Krist­ján Þór Júl­í­us­­son­, ­­sjá­v­­­ar­út­­­vegs- og land­­bún­­að­­ar­ráð­herra ,lagði fram frum­varp um breyt­ingu á ýmsum laga­á­­kvæðum sem tengj­­ast fisk­eldi á Alþingi í lok febr­úar á þessu ári. Í til­­kynn­ingu frá ráðu­­neyt­inu segir að frum­varpið byggi á sátt­­mála rík­­is­­stjórn­­­ar­innar og var við und­ir­­bún­­ing þess byggt að veru­­legu leyti á skýrslu starfs­hóps um stefn­u­­mótun í fisk­eldi sem skil­aði til­­lögum sínum með skýrslu hinn 21. ágúst 2017. 

Frum­varps­drögin voru birt á sam­ráðs­­gátt­inni í des­em­ber síð­­ast­liðnum og alls bár­ust 31 umsögn um frum­varp­ið. Í umsögn­unum má finna skiptar skoð­anir um frum­varpið en Lands­sam­band veiði­fé­laga hafa meðal ann­ars gert alvar­legar athuga­semdir við frum­varpið og segir það grafi undan áhættu­mati um erfða­blönd­un. ­Nátt­úru­vernd­ar­sam­tökin Icelandic Wild­li­fe Fund hafa einnig gagn­rýnt frum­varpið og segja það stríðs­­yf­ir­­­lýs­ingu á hendur þeim sem vilji vernda líf­ríki.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ingibjörg Dögg Kjartansdóttir er ritstjóri Stundarinnar, en Jón Trausti Reynisson er framkvæmdastjóri útgáfufélagsins auk þess að vera blaðamaður á miðlinum.
Útgáfufélag Stundarinnar tapaði rúmlega milljón krónum á síðasta ári
Tekjur útgáfufélags Stundarinnar námu 233,9 milljónum króna á síðasta ári og jukust þær um fjögur prósent á milli ára. Tapið af rekstrinum nam 1,2 milljónum króna í fyrra, samanborið við rúmlega sjö milljóna hagnað árið 2020.
Kjarninn 12. ágúst 2022
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Meira úr sama flokkiInnlent