Búið að vísa Klausturmálinu til siðanefndar Alþingis

Tveir tímabundnir varaforsetar forsætisnefndar hafa vísað Klausturmálinu, sem snýst um drykkjutal sex þingmanna Miðflokksins, til siðanefndar Alþingis.

Þingmenn - Klaustur bar
Auglýsing

Klaust­ur­málið svo­kall­aða er komið til siða­nefndar Alþingis frá for­sætis­nefnd. Þetta stað­festir Stein­unn Þóra Árna­dótt­ir, þing­maður Vinstri grænna og annar tíma­bund­inna vara­for­seta for­sætis­nefndar sem fjall­aði um mál­ið, í sam­tali við Kjarn­ann.

­Stein­unn og og Har­aldur Bene­dikts­son þing­­maður Sjálf­­stæð­is­­flokks­ins voru kjörin vara­­for­­setar for­­sæt­is­­nefndar Alþingis í jan­úar síð­ast­liðnum til að fjalla um Klaust­ur­málið eftir að Stein­grímur J. Sig­­fús­­son, for­­seti Alþing­is, og allir vara­­for­­setar úr hópi þing­­manna, sögðu sig frá umfjöllun um Klaust­­ur­­mál­ið, vegna van­hæfis þann 17. des­em­ber 2019.

Siða­nefnd hefur þegar skilað for­sætis­nefnd áliti vegna Klaust­ur­máls­ins, en það var birt í lok mars síð­ast­lið­ins. Stein­unn Þóra og Har­aldur höfðu óskað eftir álit­inu. Í því sagði meðal ann­ars: „„Al­­þing­is­­­menn eru op­in­ber­ar per­­­són­­­ur, sú hátt­­­semi sem um ræðir átti sér stað á op­in­ber­um vett­vangi og teng­ist mál­um sem hafa verið áber­andi í þjóð­­fé­lags­um­­ræð­unni. Þar sem hátt­ernið varðar al­­­menn­ing verður ekki litið á þau at­vik sem hér um ræðir sem einka­­­sam­­tal.“

Auglýsing
Var það mat meiri­hluta nefnd­ar­innar að sam­ræð­­urnar sem fóru fram á barnum Klaustri á milli sex þing­­manna Mið­­flokks­ins og Flokks fólks­ins, á þeim tíma sem sam­ræð­­urnar áttu sér stað,  falli undir gild­is­­svið siða­reglna þings­ins.

Sex þing­menn á bar

Klaust­ur­málið snýst um eft­ir­far­andi: Þriðju­dag­inn 20. nóv­em­ber fóru sex þing­menn – fjórir úr Mið­flokki og tveir úr Flokki fólks­ins – á bar­inn Klaust­ur, í námunda við Alþing­is­hús­ið. Þar sett­ust þeir nið­ur, drukku áfengi og töl­uðu með niðr­andi og meið­andi hætti um sam­starfs­fólk sitt í stjórn­mál­um.

Þeir stærðu sig einnig að póli­tískum hrossa­kaupum með sendi­herra­stöð­ur, þing­menn Mið­flokks­ins reyndu að telja þing­menn Flokks fólks­ins um að ganga til liðs við sig auk þess sem nið­ur­lægj­andi orð eru látin falla um Freyju Har­alds­dótt­ur, fyrr­ver­andi vara­þing­mann og þekktan bar­áttu­mann fyrir auknum rétt­indum fatl­aðra sem glímir við sjald­gæfan bein­sjúk­dóm, og þekktan sam­kyn­hneigðan tón­list­ar­mann.

Það sem þing­menn­irnir sex, þeir Sig­­­mundur Dav­­íð Gunn­laugs­son, for­maður Mið­flokks­ins , Gunnar Bragi Sveins­son, vara­for­maður hans, Anna Kol­brún Árna­dótt­ir, rit­ari flokks­ins, Berg­þór Óla­son, þing­maður Mið­flokks­ins og Karl Gauti Hjalta­­­son og Ólafur Ísleifs­­­son úr Flokki fólks­ins, vissu ekki var að í nálægð við þá sat ein­stak­lingur sem upp­haf­lega kall­aði sig bara „Mar­vin“. Sá tók upp það sem fram fór. Og sendi á valda fjöl­miðla.

Upp­tök­urnar voru síðar birtar í fjöl­miðlum og „Mar­vin“ steig síðar fram sem Bára Hall­dórs­dótt­ir.

Karl Gauti Hjalta­son og Ólafur Ísleifs­son hafa gengið til liðs við Mið­flokk­inn.

Þór­hildur Sunna fyrst til að brjóta siða­reglur

Þór­hildur Sunna Ævar­s­dótt­ir, þing­­flokks­­for­­maður Pírata, varð í síð­ustu viku fyrst íslenskra þing­manna til að vera úrskurðuð brot­leg við siða­reglur þing­manna. Hún var talin hafa verið brot­leg við ­siða­­reglur þing­­manna með ummælum um meinta sjálftöku Ásmundar Frið­­riks­­son­­ar, þing­­manns Sjálf­­stæð­is­­flokks, þegar hún sagði, í Silfr­inu fyrr á þessu ári, eft­ir­far­and­i: „Við sjáum það að ráð­herrar þjóð­­ar­innar eru aldrei látnir sæta afleið­ing­um, þing­­menn þjóð­­ar­innar eru aldrei látnir sæta afleið­ing­­um. Nú er uppi rök­studdur grunur um það að Ásmundur Frið­­riks­­son hafi dregið að sér fé, almanna­­fé, og við erum ekki að sjá við­brögð þess efnis að það sé verið að segja á fót rann­­sókn á þessum efn­­um.“

Þór­hildur Sunna ræddi þessa nið­ur­stöðu í við­tali í sjón­varps­þætt­inum 21 á Hring­braut á þriðju­dag. Hægt er að sjá stiklu úr þætt­inum hér að neð­an:

 



Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Hæfur til að meta hæfni þar til annað kemur í ljós
Eiríkur Tómasson, formaður dómnefndar um hæfni dómara, telur sig hæfan samkvæmt stjórnsýslulögum til að meta hæfni umsækjenda um embætti við Landsrétt, en árið 2017 var hann umsagnaraðili eins þeirra sem nú sækist eftir embættinu.
Kjarninn 5. ágúst 2020
Allir ríkisstjórnarflokkarnir tapa fylgi milli mánaða
Píratar bæta verulega við sig milli mánaða í könnunum Gallup en Vinstri græn tapa umtalsverðu. Stuðningur við ríkisstjórnina heldur áfram að dala.
Kjarninn 5. ágúst 2020
Frá Beirút, þar sem gríðarlega öflug sprenging olli manntjóni og gríðarlegum skemmdum síðdegis í gær.
Rauði krossinn hefur neyðarsöfnun fyrir Beirút
Rauði krossinn á Íslandi hefur hafið neyðarsöfnun vegna sprenginganna sem urðu í Beirút höfuðborg Líbanons í gær. Forseti Íslands sendi forseta Líbanons samúðarkveðju sína og þjóðarinnar í dag.
Kjarninn 5. ágúst 2020
Ásta Logadóttir, Jóhann Björn Jóhannsson, Kristinn Alexandersson og Ólafur Hjálmarsson
Ísland í dag – Nærri tveimur áratugum síðar
Kjarninn 5. ágúst 2020
Áhyggjur og kvíði „eðlilegar tilfinningar við óeðlilegar aðstæður“
Á upplýsingafundi almannavarna í dag fór Agnes Árnadóttir, fagstjóri sálfræðiþjónustu heilsugæslunnar, yfir það hvað fólk gæti gert til að takast á við kvíða. Sóttvarnalæknir sagði kúrfuna í þessari bylgju vera svipaða þeirri síðustu.
Kjarninn 5. ágúst 2020
190 þúsund símtæki með smitrakningarappið virkt
Á upplýsingafundi almannavarna biðlaði Alma D. Möller landlæknir til Íslendinga um að halda áfram að nota smitrakningarappið Rakning C-19.
Kjarninn 5. ágúst 2020
Sólveig Anna Jónsdóttir, formaður Eflingar.
Krefur yfirvöld um betri upplýsingar um faraldurinn á erlendum tungum
„Við erum ekki öll almannavarnir ef upplýsingarnar ná ekki til okkar allra,“ segir Sólveig Anna Jónsdóttir í bréfi til forsætisráðherra, þar sem þess er krafist að bætt verði úr upplýsingamiðlun um faraldurinn til aðfluttra íbúa á Íslandi.
Kjarninn 5. ágúst 2020
Greiðslumiðlunarfyrirtækið Borgun var nýlega selt til erlendra eigenda. Ábyrgð á mögulegum blekkingum fortíðar situr eftir hjá fyrri eigendum.
Íslandsbanki mun áfram bera ábyrgð á fjártjóni í Borgunarmálinu
Þrátt fyrir að Íslandsbanki hafi selt hlut sinn í Borgun í síðasta mánuði mun bankinn áfram bera ábyrgð á að greiða hinum ríkisbankanum, Landsbankanum, bætur ef Borgunarmálið tapast. Matsmenn í málinu telja að upplýsingar hafi vantað í ársreikning.
Kjarninn 5. ágúst 2020
Meira úr sama flokkiInnlent