Efna­hagslægð Breta mun hefj­ast á næsta ári verði eng­inn samn­ingur gerður um útgöngu Breta úr Evr­ópu­sam­band­inu sam­kvæmt Skrif­stofu Bret­lands um ábyrg fjár­lög, the Office for Budget Responsi­bility, OBR. Sam­drátt­ur­inn mun lík­lega nema tveimur pró­sentum við lok árs 2020. Þetta kemur fram í frétt BBC. 

OBR telur að breskur efna­hagur myndi drag­ast saman árið 2020 en ná að ein­hverju leiti að jafna sig árið 2021. Þetta væri einna helst vegna mik­illar efna­hags­legrar óvissu sem myndi fæla frá fjár­fest­ingar auk þess sem tollar ESB myndu fara út í verð­lag. 

Skýrslan kemur á afar við­kvæmum tíma vegna þess að báðir fram­bjóð­endur til for­sæt­is­ráð­herra Bret­lands hafa sagt að mögu­leiki væri á að engir samn­ingar um útgöngu muni nást, en Bret­land ætti að ganga út úr ESB þann 31. októ­ber næst­kom­andi.

OBR þarf sam­kvæmt lögum að meta allar áhættur er varða fjár­mál hins opin­bera og sér stofn­unin fram á minnkun rík­is­tekna sem lækki hlut­falls­lega meira en upp­hæðin sem Bret­land borgi nú til ESB.

Til langs tíma verður einnig skaði, sam­kvæmt skýrslu stofn­un­ar­inn­ar. Spá Seðla­banka Eng­lands er þó mun svart­sýnni, sam­kvæmt BBC. Sú spá gerir ráð fyrir að náist ekki samn­ingar myndi það valda verri kreppu í Bret­landi en efna­hag­skreppan 2008.