Apple hefur vikið verk­tökum sem hlust­uðu á upp­tökur frá Siri, radd­þjón­ustu í iPhone sím­um, úr starfi. Upp­sagn­irnar koma í kjöl­far upp­lýs­inga sem the Guar­dian birti á vef sín­um. 

Rann­sókn The Guar­dian sýndi fram á að verk­tak­arnir gátu hlustað á sam­ræður almennra not­enda og komust þannig á snoðir um per­sónu­legar upp­lýs­ingar ein­stak­linga. Til að mynda hafi verk­tak­arnir hlustað á fólk hafa sam­ræði og fíkni­efna­kaup. Þeir hafi einnig heyrt upp­lýs­ingar um lyfja­notkun fólks. 

Verk­tak­arnir voru ráðnir til þess að gefa Siri, radd­stýrðri þjón­ustu App­le, ein­kunn. Þeir áttu að meta hvort að virkjun Siri í símum not­enda hefði verið vilj­andi eða ekki, hvort Siri gæti svarað fyr­ir­spurnum not­enda og hvort Siri svar­aði á réttan hátt. 

Apple sagði blaða­mönnum The Guar­dian að ein­ungis væri rýnt í lít­inn hluta sam­skipta not­enda við Siri og væru verk­tak­arnir bundnir þagn­ar­skyldu. Tals­menn Apple segja fyr­ir­tækið ekki munu halda áfram með verk­efnið fyrr en ítar­lega væri farið yfir verk­ferla þess.

Upp­ljóstr­ari sem vinnur fyrir Apple sagði The Guar­dian að hann hefði heyrt fjöl­margar upp­tökur af afar við­kvæmum sam­skiptum not­enda iPho­ne. Til að mynda hefði hann heyrt fólk tala við lækni sinn, heyrt af við­skipta­samn­ing­um, ólög­legum athöfnum fólks og sam­ræði fólks. Hann hefði jafn­framt séð stað­setn­ingu þeirra, hver þau voru og hvaða síma þau voru með.