Paul Ric­hard Horner og Gunnar Sturlu­son voru kjörnir í stjórn Arion banka á hlut­hafa­fundi sem hald­inn var í gær. Alls sótt­ust þrír eftir tveimur stjórn­ar­sæt­um, en þriðji fram­bjóð­and­inn var Már Wolf­gang Mixa. Til­nefn­ing­ar­nefnd bank­ans hafði mælt með Gunn­ari og Horn­er. 

Þá var Júl­íus Þor­finns­son, fram­kvæmda­stjóri Stoða, kjör­inn í til­nefn­ing­ar­nefnd Arion banka á fund­in­um. Stoðir er stærsti íslenski einka­fjár­festir­inn í Arion banka með tæp­lega fimm pró­sent eign­ar­hlut. 

Fyrir utan kosn­ingu í þessar þrjár stöður var eitt mál á dag­skrá hlut­hafa­fund­ar­ins: til­laga frá Rún­ari Ein­ars­syni, hlut­hafa í bank­an­um, sem lagði til að hætt yrði að gera kaupauka­samn­inga, fram­virka hluta­fjár­samn­inga við æðstu stjórn­endur og að öll önnur bónus­kerfi bank­ans yrðu afnum­in. 

Rúnar lagði einnig til að öll störf bank­ans þar sem laun væru yfir ein milljón króna á mán­uði aug­lýst og umsækj­endur látnir setja fram launa­kröfur í lokað umslag. Hæfn­is­nefnd yrði svo látin fara yfir umsóknir og sá umsækj­andi sem upp­fyllti allar kröfur sem farið væru fram á í umsókn og jafn­framt óskaði eftir lægstu laun­unum yrði ráð­inn í starf­ið. „Báðar þessar hug­myndir ganga út á að lækka kostnað bank­ans og auka þar með hagnað hlut­hafa þannig að hægt verði að greiða hærri arð­greiðsl­ur,“ sagði í til­lögu Rún­ar­s. 

Hluthafafundur hafn­aði til­lögu Rún­ar­s. 

Banka­stjór­inn fékk tvö­föld árs­laun við starfs­lok

Launa­kostn­aður Arion banka hefur verið í sviðs­ljós­inu eftir að bank­inn birti hálfs­árs­upp­gjör sitt á fimmtu­dag. Í því kom meðal ann­ars fram að kostn­aður bank­ans vegna upp­sagnar Hösk­uldar H. Ólafs­son­ar, fyrr­ver­andi banka­stjóra, næmi 150 millj­ónum króna á öðrum árs­fjórð­ungi 2019. 

Ekki er til­greint í reikn­ingnum hvað felist í greiðsl­unni en Hösk­uldur sagði það opin­ber­lega að hann hefði ekki verið rek­inn, heldur hafi hann hætt af sjálfs­dáð­um. Sjald­gæft er að upp­sagn­ar­frestir séu greiddir við slíkar aðstæður á almennum vinnu­mark­aði.

Hösk­uldur hafði fengið alls 67,5 millj­ónir króna í laun á árinu 2018 og 7,2 millj­ónir króna í árang­urstengdar greiðsl­ur. Sú greiðsla sem Arion innti af hendi til Hösk­uldar vegna starfs­loka hans á öðrum árs­fjórð­ungi er því tvö­föld heild­ar­árs­laun hans á síð­asta heila árinu sem hann starf­aði sem banka­stjóri Arion banka.