Lög eitt og menning annað

Forseti ASÍ segir að barátta transfólks afhjúpi hið rótgróna kynjaða kerfi sem Íslendingar búi við og hversu kynjað tungumálið sé. Barátta transfólks og alls hinsegin fólks sé jafnframt nátengd annarri jafnréttisbaráttu.

gay-pride-52_15994998791_o.jpg
Auglýsing

Drífa Snædal, for­seti ASÍ, segir að lög séu eitt og menn­ing ann­að. „Þó að fáir kippi sér upp við það þegar sam­starfs­fé­lagi mætir með maka af sama kyni í jóla­hlað­borðið þykir það enn tölu­vert mál í sam­fé­lag­inu að fara í kyn­leið­rétt­ingu og skipta um for­nafn. Bar­átta trans­fólks afhjúpar þannig hið rót­gróna kynj­aða kerfi sem við búum við, hversu kynjað tungu­málið okkar er og allar upp­lýs­ingar sem við veitum um okk­ur. Bar­átta trans­fólks og alls hinsegin fólks er nátengd annarri jafn­rétt­is­bar­átt­u.“

Þetta kemur fram í stöðu­upp­færslu ASÍ í dag sem skrifuð er vegna Hinsegin daga sem standa nú yfir.

Drífa Snædal Mynd: ASÍÞá segir Drífa að rétt­inda­bar­átta hinsegin fólks sé þannig orðin órjúf­an­legur hluti af fram­sæknum bar­áttu­málum og að á þingi Alþjóða vinnu­mála­stofn­un­ar­innar í sumar hafi LGBT+ verið skil­greint í umræð­unni sem hópur sem á undir högg að sækja.

„Þetta var mjög áber­andi í umræðum um nýja sam­þykkt gegn ofbeldi og áreitni í vinnu­um­hverf­inu gagn­vart við­kvæmum hóp­um. Alþýðu­sam­bandið mun leggja áherslu á að þessi sam­þykkt verði full­gilt hér á landi og í því felist að hinsegin fólk sé skil­greint sem minni­hluta­hópur sem þurfi enn sem komið er að njóta verndar og athygli þegar gætt er jafn­ræðis á vinnu­mark­að­i,“ skrifar hún.

Auglýsing

Stutt síðan hommar og les­b­íur sættu aðkasti

Drífa segir að mann­rétt­inda­bar­átta hinsegin fólks sé ein árang­urs­rík­asta bar­átta sem háð hefur verið síð­ustu ára­tugi. Það sé ótrú­lega stutt síðan hommar og les­b­íur sættu aðkasti og jafn­vel úti­lokun í íslensku sam­fé­lagi. Góðu heilli hafi margt breyst síð­ustu tvo ára­tugi og ótal laga­leg og menn­ing­ar­leg skref verið stigin í átt til betri veg­ar. Reykja­vík Pride sé ein stærsta fjöl­skyldu­há­tíð lands­ins þar sem fjöl­breyti­leik­anum er fagnað og for­dómum úthýst.

Það sama gildi um vinnu­mark­að­inn. Á síð­asta ári hafi verið sam­þykkt lög sem fjalla sér­stak­lega um jafna með­ferð óháð kyn­hneigð, kyn­vit­und, kynein­kennum eða kyntján­ingu. „Það er sem sagt bannað að mis­muna fólki á vinnu­mark­aði sem er hinsegin – eðli­lega.“

Ekki í lagi að hinsegin fólk telji sig þurfa að leyna kyn­hneigð sinni

„Sem hags­muna­sam­tök vinn­andi fólks eru stétt­ar­fé­lög til­búin að taka upp hansk­ann fyrir félags­menn sem eru beittir órétti og heild­ar­sam­tök vinn­andi fólks á almennum vinnu­mark­aði styður heils­hugar hinsegin bar­áttu. Það er ekki í lagi að hinsegin fólk telji sig þurfa að leyna kyn­hneigð sinni eða kyn­vit­und fyrir vinnu­fé­lögum eins og vís­bend­ingar eru um. Það er því enn verk að vinna til að breyta hugs­ana­hætti og menn­ingu til hins betra. Mætum á Reykja­vík Pride, verum stolt af árangrinum en gerum get­ur!“ skrifar Drífa að lok­um.

Drífa Snæ­dal for­seti ASÍ skrif­ar: ­Gleði­lega hinsegin daga – Reykja­vík Pride! ­Mann­rétt­inda­bar­átta hinsegin fólks er ein...

Posted by Alþýðu­sam­band Íslands - ASÍ on Monday, Aug­ust 12, 2019


15 pró­sent hinsegin fólks segj­ast fá færri tæki­færi

Sam­kvæmt nýrri könn­un, sem deilt var á sam­fé­lags­miðlum og send á fyr­ir­tæki og við­skipta­vini Kaup­hall­ar­inn­ar, upp­lifir 15 pró­sent hinsegin fólks sig hafa færri tæki­færi á vinnu­mark­aði en aðr­ir. Gunn­laugur Bragi Björns­son, for­maður Hinsegin daga, seg­ist í sam­tali við RÚV í dag hafa áhyggjur af þessum nið­ur­stöðum en segir þær þó ekki koma á óvart.

Þá kemur fram í könn­un­inni að um 30 pró­sent hinsegin fólks hafi fengið nær­göngular spurn­ingar frá sam­starfs­fólki. „Og þarna erum við að sjá furðu­hátt hlut­fall sem fær ein­hvers konar óvið­eig­andi athuga­semdir eða mjög nær­göngular spurn­ingar varð­andi sitt einka­líf eða kyn­líf eða ann­að,“ segir Gunn­laugur Bragi. „Og svo er það þessi áhuga­verði vink­ill það er ýmist verið að hrósa hinseg­inn fólki fyrir að vera frekar venju­legt eða hrósa því fyrir að vera ekki nógu hinseg­in, ertu viss um að þú sért hommi? Þú hefur ekki einu sinni áhuga á Eurovision.“

Sigmundur Davíð Gunnlaugsson, formaður Miðflokksins.
Leggur til að Bretland gerist tímabundið aðili að EES-samningnum
Formaður Miðflokksins og fyrrverandi forsætisráðherra telur að Bretar muni blómstra eftir útgöngu úr Evrópusambandinu.
Kjarninn 22. ágúst 2019
Vilja koma í veg fyrir að almannaheillafélög verði misnotuð
Nýr fræðslubæklingur hefur verið gefinn út sem beinist að því að fræða almannaheillafélög um góða stjórnarhætti til að koma í veg fyrir að starfsemi þeirra sé misnotuð.
Kjarninn 22. ágúst 2019
Raunlækkun á fasteignaverði síðustu 12 mánuði
Tólf mánaða hækkun vísitölu íbúðaverðs á höfuðborgarsvæðinu náði rúmlega átta ára lágmarki í júlí þegar hún mældist einungis 2,93 prósent. Á sama tíma mældist tólf mánaða verðbólga 3,1 prósent.
Kjarninn 22. ágúst 2019
Hreiðar Már Sigurðsson við meðferð CLN-málsins í héraði í sumar. Þar voru allir sakborningar sýknaðir.
CLN-málinu áfrýjað til Landsréttar
Hinu svokallaða CLN-máli gegn æðstu stjórnendum Kaupþings hefur verið áfrýjað til Landsréttar. Málið hefur flækst fram og til baka í dómskerfinu árum saman og búið er að greiða til baka hluta þeirra fjármuna sem taldir voru tapaðir.
Kjarninn 22. ágúst 2019
Þórdís Kolbrún verður ekki dómsmálaráðherra áfram
Formaður Sjálfstæðisflokksins mun ákveða hver tekur við dómsmálaráðuneytinu á næstu dögum og gera tillögu um það til þingflokks fyrir þingsetningu. Hann vill fá meira en 25 prósent fylgi í næstu kosningum.
Kjarninn 21. ágúst 2019
Skora á stjórnvöld að bjóða upp á grænkerafæði í skólum
Samtök grænkera á Íslandi skora á stjórnvöld að bjóða upp á grænkerafæði í skólum, sjúkrahúsum og öðrum opinberum stofnunum í ljósi loftslagsbreytinga.
Kjarninn 21. ágúst 2019
Hefnendurnir
Hefnendurnir
Hefnendurnir CLXXX - Bavíaninn sem át móður sína
Kjarninn 21. ágúst 2019
Jón Ólafsson, stofnandi Icelandic Glacial.
Átta milljarða fjármögnun Icelandic Glacial
Drykkjarvöruframleiðandinn Icelandic Glacial hefur lokið hlutafjáraukningu að fjárhæð tæplega 4 milljarða íslenskra króna. Jafnframt hefur fyrirtækið fengið tæplega 4,4 milljarða lán frá bandarískum skuldabréfasjóði.
Kjarninn 21. ágúst 2019
Meira úr sama flokkiInnlent