62 börnum synjað um efnislega meðferð

Samkvæmt dómsmálaráðherra var 62 börnum synjað um efnislega meðferð hér á landi og var 255 börnum synjað um vernd, viðbótarvernd og mannúðarleyfi í kjölfar efnislegrar meðferðar á sex ára tímabili.

lebanon-syrian-refugee-camp_20493671273_o.jpg
Auglýsing

Af þeim 317 börnum sem þurftu að yfir­gefa Ísland í kjöl­far ákvörð­unar Útlend­inga­stofn­unar á tíma­bil­inu 13. mars 2013 til 10. apríl 2019 var 62 börnum synjað um efn­is­lega með­ferð og 255 börnum var synjað um vernd, við­bót­ar­vernd og mann­úð­ar­leyfi í kjöl­far efn­is­legrar með­ferð­ar.

Þetta kemur fram í svari dóms­mála­ráð­herra, Þór­dísar Kol­brúnar R. Gylfa­dótt­ur, við fyr­ir­spurn frá Jóni Þór Ólafs­syni, þing­manni Pírata, um brott­vísun barna sem sótt hafa um alþjóð­lega vernd.

Af þeim 317 börnum sem vísað er til voru 274 börn frá ríkjum sem eru á lista yfir örugg upp­runa­ríki. Af þeim voru fjögur fylgd­ar­laus, eitt 15 ára, eitt 16 ára og eitt 17 ára og eitt sem var orðið 18 ára þegar því var fylgt úr landi. Fylgd­ar­lausu börnin voru öll frá öruggum upp­runa­ríkj­um, sam­kvæmt ráð­herra.

Auglýsing

Þá spurði Jón Þór enn fremur hvort það hefði í öllum til­fellum – við ákvörðun í málum barn­anna 317 – verið tekin skrif­leg afstaða til þess sem hefði verið barn­inu fyrir bestu, eins og mælt væri fyrir um í útlend­inga­lögum og litið til mögu­leika barns á fjöl­skyldu­sam­ein­ingu, öryggis þess, vel­ferðar og félags­legs þroska og skoð­ana barns­ins í sam­ræmi við aldur þess og þroska.

„Fyrir gild­is­töku nýrra laga um útlend­inga var lagt mat á hags­muni barns­ins í sam­ræmi við Barna­sátt­mál­ann og ákvæði þágild­andi laga um útlend­inga. Matið fór fram með öðrum hætti en nú og báru ákvarð­anir Útlend­inga­stofn­unar ekki eins skýr merki um matið og nú,“ segir í svari Þór­dís­ar.

Fram kemur í svar­inu að frá því að ný lög um útlend­inga sem tóku gildi þann 1. jan­úar 2017 hafi ákvæðum þeirra verið fylgt. Því hafi verið tekið mið af sér­stöku ákvæði í öllum málum er varða börn frá því að ákvæðið kom í lög.

Í ákvæð­inu segir að í málum sem varða börn, fylgd­ar­laus sem önn­ur, skuli það sem barn­inu er fyrir bestu haft að leið­ar­ljósi. Við mat á því hvað barni er fyrir bestu skuli Útlend­inga­stofnun líta til mögu­leika barns á fjöl­skyldu­sam­ein­ingu, öryggis þess, vel­ferðar og félags­legs þroska auk þess sem taka skuli til­lit til skoð­ana barns­ins í sam­ræmi við aldur þess og þroska. „Við ákvörðun í máli er varðar hags­muni barns skal Útlend­inga­stofnun taka skrif­lega afstöðu til fram­an­greindra atriða sam­kvæmt grein þess­ari. Við fram­kvæmd þess­arar greinar skal stofn­unin eiga sam­ráð við barna­vernd­ar­yf­ir­völd og þegar um er að ræða fylgd­ar­laus börn er skylt að leita umsagnar Barna­vernd­ar­stofu áður en ákvörðun er tek­in.“

Leita eftir umsögn Barna­vernd­ar­stofu

Þá segir í svar­inu að sam­kvæmt fyrr­nefndu ákvæði útlend­inga­laga skuli Útlend­inga­stofnun eiga sam­ráð við barna­vernd­ar­yf­ir­völd við fram­kvæmd grein­ar­innar og hafi það verið gert með reglu­legum fund­um, eða að minnsta kosti einum fundi í mán­uði og oftar ef á þurfi að halda.

„Þegar um fylgd­ar­laus börn er að ræða er alltaf leitað eftir umsögn Barna­vernd­ar­stofu í sam­ræmi við það sem segir í ákvæð­inu. Í sam­ráði við Barna­vernd­ar­stofu veitti Barna­hús starfs­fólki Útlend­inga­stofn­unar sér­staka fræðslu um hvernig taka skuli rann­sókn­ar­við­töl við börn. Í kjöl­farið var við­mið­un­ar­aldur barna sem boðið er í við­tal hjá Útlend­inga­stofnun lækk­aður niður í sex ára en áður hafði verið miðað við 15 ára,“ segir í svar­inu.

Í dag sé ekki miðað við neinn sér­stakan aldur og sé börnum boðið við­tal að teknu til­liti til þroska þeirra og getu. „Hjá Útlend­inga­stofnun er lögð áhersla á að innan stofn­un­ar­innar sé til staðar nauð­syn­leg sér­þekk­ing á mál­efnum barna í leit að alþjóð­legri vernd, bæði hvað varðar þau sem eru í fylgd og þau sem eru fylgd­ar­laus. Meðal ann­ars hefur starfs­maður stofn­un­ar­innar sótt sér sér­staka fræðslu í mál­efnum barna hjá EASI, evr­ópsku stuðn­ings­skrif­stof­unni í mál­efnum umsækj­enda um alþjóð­lega vernd. Fræðslan fólst fyrst og fremst í við­tals­tækni þegar tekin eru rann­sókn­ar­við­töl við börn og þjálfun í að veita öðru starfs­fólki stofn­un­ar­innar slíka fræðslu.“

Úrskurð­irnir birtir án nafna, kennitalna og ann­arra per­sónu­grein­an­legra auð­kenna

Að lokum spurði Jón Þór hvort ráð­herra teldi að rök­stuðn­ingur Útlend­inga­stofn­unar í málum þess­ara 317 barna félli undir upp­lýs­inga­lög. Ef ekki, hvaða laga­heim­ildir hefði ráð­herra til að birta rök­stuðn­ing­inn og hverjum mætti birta hann – ann­ars vegar í heild sinni og hins vegar án per­sónu­grein­an­legra upp­lýs­inga?

Ráð­herra segir í svar­inu að í lögum um útlend­inga komi fram að kæru­nefnd útlend­inga­mála skuli að jafn­aði birta þá úrskurði sína sem fela í sér efn­is­nið­ur­stöðu, eða eftir atvikum útdrætti úr þeim. Úrskurð­irnir séu birtir án nafna, kennitalna og ann­arra per­sónu­grein­an­legra auð­kenna aðila að við­kom­andi mál­um. Að öðru leyti fari um heim­ildir ráð­herra og ann­arra stjórn­valda til að veita aðgang að upp­lýs­ingum eftir stjórn­sýslu­lögum og upp­lýs­inga­lög­um.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Kostnaður við rekstur þjóðkirkjunnar greiðist úr ríkissjóði þar sem kirkjan og ríki eru ekki aðskilin hérlendis.
Prestar ósáttir við tillögu um að hætta að rukka fyrir hjónavígslur, skírnir og útfarir
Lagt hefur verið til að hætt verði að rukka fyrir aukaverk presta. Það þyki fráhrindandi að prestur sem þjónar fólki á gleði- og sorgarstundum sendi viðkomandi síðan reikning. Einkum sé þetta „slæm birtingarmynd þegar um efnalítið fólk er að ræða.“
Kjarninn 18. október 2021
Á meðal íbúða sem Bjarg leigufélag, sem er óhagnaðardrifið, hefur byggt og leigir nú út eru íbúðir við Hallgerðargötu í Laugarneshverfi.
Þeir sem leigja af óhagnaðardrifnum leigufélögum mun ánægðari en aðrir
Uppbygging almennra íbúða í gegnum óhagnaðardrifin leigufélög hefur aukið verulega framboð á húsnæði fyrir fólk með lágar tekjur. Leigjendur í kerfinu eru mun ánægðari en aðrir leigjendur og telja sig búa við meira húsnæðisöryggi.
Kjarninn 18. október 2021
Húsnæði Seðlabanka Íslands
Gagnrýnir skarpa hækkun sveiflujöfnunaraukans
Dósent í fjármálum við Háskóla Íslands segir mikla hækkun á eiginfjárkröfum fjármálafyrirtækja ekki vera í samræmi við eigið áhættumat Seðlabankans og úr takti við helstu samanburðarlönd.
Kjarninn 17. október 2021
Búinn að eyða 500 til 600 klukkustundum samhliða fullri dagvinnu í eldgosið
Ljósmyndabókin „Í návígi við eldgos“ inniheldur 100 tilkomumestu og skemmtilegustu myndirnar úr ferðum Daníels Páls Jónssonar að eldgosinu í Fagradalsfjalli. Hann safnar nú fyrir útgáfu hennar.
Kjarninn 17. október 2021
Þótt ferðamenn séu farnir að heimsækja Ísland í meira magni en í fyrra, og störfum í geiranum hafi samhliða fjölgað, er langur vegur að því að ferðaþjónustan skapi jafn mörg störf og hún gerði fyrir heimsfaraldur.
Langtímaatvinnuleysi 143 prósent meira en það var fyrir kórónuveirufaraldur
Þótt almennt atvinnuleysi sé komið niður í sömu hlutfallstölu og fyrir faraldur þá er atvinnuleysið annars konar nú. Þúsundir eru á tímabundnum ráðningastyrkjum og 44 prósent atvinnulausra hafa verið án vinnu í ár eða lengur.
Kjarninn 17. október 2021
Eiríkur Ragnarsson
Af hverju er aldrei neitt til í IKEA?
Kjarninn 17. október 2021
Karl Gauti Hjaltason er oddviti Miðflokksins í Suðvesturkjördæmi.
„Það er búið að eyðileggja atkvæðin í þessu kjördæmi“
Atkvæðin í kosningunum í Norðvesturkjördæmi „eru því miður ónýt,“ segir Karl Gauti Hjaltason, fyrrverandi sýslumaður og „vafaþingmaður“ Miðflokksins. „Það getur enginn í raun og veru treyst því að ekki hafi verið átt við þessi atkvæði“.
Kjarninn 17. október 2021
Gabby Petito
Verður morðið á Gabby Petito leyst á TikTok?
Margrét Valdimarsdóttir, doktor í afbrotafræði, segir enga ástæðu til að óttast breyttan veruleika við umfjöllun sakamála en mikilvægt sé að að gera greinarmun á sakamálum sem afþreyingu og lögreglurannsókn.
Kjarninn 17. október 2021
Meira úr sama flokkiInnlent