Losun vegna flutn­inga með flugi jókst um tæp 27 pró­sent frá árinu 2016 til árs­ins 2017. Þá er áætlað að losun frá þessum geira í fyrra sé 5 pró­sent hærri en árið áður eða 2781 kílótonn af hit­un­ar­gild­um( CO2 í­gild­i). Þetta kemur fram í los­un­ar­bók­haldi gróð­ur­húsa­loft­teg­unda frá hag­kerfi Íslands sem Hag­stofan heldur utan um. 

Los­unin auk­ist um 2000 kílótonn síðan 2010

Los­un hit­un­ar­gilda er ekki það er ekki sama og los­un koltví­sýr­ings heldur einnig losun ann­arra loft­teg­unda. Sú losun sem um er að ræða í los­un­ar­bók­haldi Hag­stof­unnar er sú losun gróð­ur­húsa­loft­teg­unda frá hverri hag­kerf­is­ein­ingu sem íslenskt hag­kerfi byggir á auk heim­ila. Losun þarf því ekki að eiga sér stað á land­svæði Íslands, heldur þarf ákvörð­un­ar­taka um notkun efna og þar með losun að vera í höndum inn­lendra aðila.

Flug­sam­göngur eru áfram með mestu los­un­ina frá hag­kerfi Íslands árið 2018 en losun hit­un­ar­gilda frá flug­sam­göngum innan íslenska hag­kerf­is­ins hefur auk­ist gríð­ar­lega á síð­ustu árum. Árið 2010 var losun frá­ flug­sam­göng­um 770,6 kílótonn af hit­un­ar­gildum en los­unin í fyrra er áætl­uð 2781 kílótonn. Los­unin hefur því auk­ist um rúm­lega 2000 kílótonn á átta árum. 

Losun frá sjó­sam­göngum auk­ist um 70 pró­sent 

Losun hit­un­ar­gilda frá sjó­sam­göngum hefur einnig auk­ist nokkuð á síð­ustu árum en sam­kvæmt Hag­stof­unni kemur þar inn aukin notkun á jarð­efna­elds­neyti og á kæli­m­iðlum í flutn­ing­um. Í þessum lið eru flutn­inga­skip og skip sem notuð eru til skemmti­sigl­inga, að því gefnu að þessi skip séu með inn­lendan rekstr­ar­að­ila. Erlend skemmti­ferða­skip, flutn­inga­skip og ferjur eru hins vegar utan við los­un­ar­bók­hald hag­kerfis Íslands. 

Frá árinu 2010 til 2017 jókst losun á CO2 ígildum frá sjó­sam­göngum um 253,8 kílótonn, eða um nær 70 pró­sent frá 2010 en þetta tíma­bil ein­kennd­ist af miklum vexti í ferða­manna­iðn­aði. Hag­stofan áætlar að losun frá skipa­flot­anum fari fram úr losun frá land­bún­aði og mat­væla­iðn­aði fyrir árið 2018 en áætluð losun frá skipa­flot­anum er 672 kílótonn á síð­asta ári en losun frá land­búbaði og mat­væla­iðn­aði 650 kílótonn.

Fyr­ir­huguð losun frá kís­il­iðn­aði er 1080 kílótonn 

Á und­an­förnum árum hefur verið unnið að upp­bygg­ingu kís­il­iðn­að­ar­ins á Íslandi en sam­kvæmt ­mats­á­ætl­un­um ­fyrir sam­þykktum fram­kvæmdum verður losun frá þessum ið­an­að­i allt að 1080 kílótonn af CO2 þegar fram­leiðslan nær fullum afköst­u­m. 

Þessi losun bæt­ist þá, að óbreyttu, við þau 1.819 kílótonn ígilda sem nú þegar koma frá málm­fram­leiðslu, eða allt að 60 pró­sent til við­bót­ar.