„Frum­varps­drögin sem kynnt voru í gær valda miklum von­brigðum þar sem í þeim er lögð til veru­leg veik­ing á sam­keppn­is­lögum sem rýra munu kjör almenn­ings.“ Þetta kemur fram í frétt á vef Sam­keppn­is­eft­ir­lits­ins sem birt var í dag. Til­efnið er fram­lagn­ing nýs frum­varps iðn­­að­­ar- og nýsköp­un­­ar­ráð­herra þar sem lagt er til að koma í veg fyrir að Sam­keppn­is­eft­ir­litið geti borið nið­­ur­­stöður áfrýj­un­­ar­­nefndar undir dóm­stóla og að eft­ir­litið get­i þvingað fram breyt­ingar á skipu­lagi fyr­ir­tækja.

Í frétt eft­ir­lits­ins segir að það sé alvar­legt að með frum­varp­inu sé lagt til að felld verði niður heim­ild Sam­keppn­is­eft­ir­lits­ins til mál­skots til dóm­stóla til að verja hags­muni almenn­ings og fyr­ir­tækja sem mátt hafa þolað skað­legar sam­keppn­is­hindr­an­ir. „Þannig verður Sam­keppn­is­eft­ir­lit­inu gert ókleift að tryggja að hags­munir þess­ara aðila fái fulln­að­ar­úr­lausn fyrir dóm­stól­um. Stór fyr­ir­tæki sem eru ósátt við úrskurði áfrýj­un­ar­nefndar sam­keppn­is­mála geta borið þá undir hér­aðs­dóm, Lands­rétt og eftir atvikum Hæsta­rétt. Verði frum­varpið að lögum mun hins vegar engin gæslu­maður almanna­hags­muna geta borið úrskurði nefnd­ar­innar undir dóm­stóla. Verður þá skapað kerfi þar sem hags­muna­gæsla öfl­ugra fyr­ir­tækja nýtur að þessu leyti for­gangs og yfir­burða gagn­vart hags­munum neyt­enda og smærri fyr­ir­tækja.“

Samkeppniseftirlitið gerir líka athuga­semd við, og telur mikið áhyggju­efni, að lagt sé til að lögð verði niður heim­ild þess til að grípa til íhlut­unar vegna til­tek­inna skað­legra sam­keppn­is­að­stæðna. Heim­ildin gerir eft­ir­lit­inu til dæmis kleift að koma í veg fyrir að fyr­ir­tæki sitji óáreitt að ein­ok­un­ar­hagn­aði almenn­ingi til tjóns. „Þá er líka ljóst að frum­varpið er í beinu ósam­ræmi við aðgerðir á vett­vangi ráðu­neyt­is­ins, í sam­starfi við OECD, sem miðar að því að draga úr sam­keppn­is­hindr­un­um, þ. á m. reglu­byrði, sem stafar af lögum og regl­um. Sú vinna miðar að því að efla sam­keppni, almenn­ingi til hags­bóta, á meðan til­lögur í frum­varp­inu hafa í veiga­miklum atriðum þver­öfug áhrif, þ.e. veikja sam­keppn­is­lögin og draga úr mögu­leikum Sam­keppn­is­eft­ir­lits­ins til að stuðla að auk­inni sam­keppn­i.“

Sam­keppn­is­eft­ir­litið seigr að það muni, í umsögn sinni til ráð­herra vegna frum­varps­ins, vara ein­dregið við lög­fest­ingu þess í núver­andi horfi.