Þor­gerður Katrín Gunn­ars­dótt­ir, for­maður Við­reisn­ar, segir að henni hafi, líkt og öll­um, verið veru­lega brugðið við frétta­flutn­ing Kveiks og Stund­ar­innar af Sam­herja. Hún segir að eðli­lega verði þetta stór­mál rann­sakað og að gefa verði þartil­gerðum aðilum gott svig­rúm til þess. Hún sé hins vegar á sama tíma þeirrar skoð­unar að ekki megi leyfa „öld­unum að lægja“ án þess að nokkur breyt­ing eigi sér stað. Þetta kemur fram í stöðu­færslu Þor­gerðar Katrínar á Face­book. 

Grímu­laus sér­hags­muna­gæsla rík­is­stjórn­ar­flokk­anna

„Við höfum upp­lifað grímu­lausa sér­hags­muna­gæslu rík­is­stjórn­ar­flokk­anna á þessu kjör­tíma­bil­i,“ segir Þor­gerður Katrín og bætir því við að það sé engin til­viljun að rík­is­stjórnin hafi beitt sér fyrir millj­arða lækkun á veiði­gjald­i. 

Hún segir jafn­framt að drög að stjórn­ar­skrár­á­kvæð­i um auð­lindir sem for­sæt­is­ráð­herra hafi sett fram í sam­ráðs­gátt séu ákveðin von­brigð­i. „Ég ótt­ast að verði þetta ákvæði að veru­leika, eins og það er sett fram í dag af hálfu rík­is­stjórn­ar­innar og ef tíma­bundnir samn­ingar verði ekki inn­leiddir sam­hliða að nið­ur­staðan verði sú að kvót­inn verði til var­an­legrar nýt­ingar og að end­ingu alfarið í eig­u ­út­gerð­ar­manna. Í boði rík­is­stjórn­ar­inn­ar,“ segir Þor­gerður Katrín. 

90 pró­sent af styrkjum sjáv­ar­út­vegs­fyr­ir­tækja til rík­is­stjórn­ar­flokk­anna

Enn fremur veltir Þor­gerður Katrín upp þeirri spurn­ingu um hvort greiðslur lög­að­ila til­ ­stjórn­mála­flokka eigi að vera heim­il­aðar yfir­höf­uð. „Það teikn­ast að minnsta kosti upp ansi ó­þægi­leg ­mynd þegar veru­leik­inn er sá að 90% af styrkjum sjáv­ar­út­vegs­fyr­ir­tækja til stjórn­mála­flokka sem sæti eiga á Alþingi í dag runnu til rík­is­stjórn­ar­flokk­anna þriggja á síð­asta ári,“ segir Þor­gerður Katrín.