Blaða­­menn, ljós­­mynd­­arar og mynda­­töku­­menn á stærstu vef­miðlum lands­ins, Vísi, Mbl, Frétta­­blaðs­ins og RÚV, hafa lagt niður störf en þetta er önnur vinn­u­­stöðv­­unin af fjórum í verk­­falls­að­­gerðum sem Blaða­­manna­­fé­lag Íslands hefur boð­að.

Samn­inga­nefndir blaða­manna og Sam­taka atvinnu­lífs­ins náðu ekki samn­ingum eftir sex klukku­stunda fund í gær­kvöld. Deilu­að­ilar sögðu að fund­ur­inn hjá sátta­semj­ara hefði verið góður en enn væri of langt á milli til að ná sátt­um. Gert er ráð fyrir öðrum fundi í næstu viku.

Kjarn­inn, Birt­ingur og Stundin hafa þegar sam­­­þykkt að ganga að kröfum Blaða­­­manna­­­fé­lags­ins en það á ekki við um stærstu fyr­ir­tæk­in, Sýn, Torg útgáfu­­­fé­lag Frétta­­­blaðs­ins, og Árvak­­­ur, og RÚV. Verk­fallið nær enn fremur ekki til félaga í Félagi frétta­manna á RÚV eða félaga í Raf­iðn­að­ar­sam­band­inu á Sýn.

Verk­takar, utan­fé­lags­fólk, fólk í öðrum stétt­ar­fé­lögum skuli ekki vinna

Fram­kvæmd verk­falls­ins er, sam­kvæmt Blaða­mann­fé­lag­inu, að ekk­ert skuli fara inn á vef­ina þessa átta klukku­tíma og ljós­mynd­arar og töku­menn skuli jafn­framt ekki fara í tök­ur.

„Verk­takar vinna ekki, utan­fé­lags­fólk vinnur ekki, fólk í öðrum stétt­ar­fé­lögum vinnur ekki,“ segir á Face­book-­síðu BÍ.

Stefna Árvakri

Athygli vakti að á vef mbl.is birt­ust þónokkrar fréttir þegar verk­fallið stóð yfir í síð­ustu viku. Vísir og Frétta­­blaðið birtu ekki fréttir á meðan verk­falli stóð en það gerði RÚV aftur á móti. Í frétt RÚV um verk­­fallið kom fram að áhrif á starf­­semi ruv.is væru tak­­mörkuð þar sem stærstur hluti frétta­­manna á frétta­­stofu RÚV væri í Félagi frétta­­manna en ekki Blaða­­manna­­fé­lag­inu.

Blaða­manna­fé­lag Íslands hefur stefnt Árvakri, útgáfu­fé­lagi Morg­un­blaðs­ins fyrir félags­dóm vegna meintra verk­falls­brota sem framin voru síð­ast­lið­inn föstu­dag þegar verk­falls­að­gerðir stóðu yfir.

Í frétt BÍ um málið kemur fram að alls sé um að ræða bort í yfir 20 liðum sem framin hafi verið af níu ein­stak­ling­um. Í stefn­unni er þess kraf­ist að við­ur­kennt sé með dómi að Árvakur hafi brotið gegn lögum um stétta­fé­lög og vinnu­deilur og verði dæmt til greiðslu sektar í rík­is­sjóðs og greiðslu máls­kostn­að­ar. Málið verður þing­fest næst­kom­andi þriðju­dag.