Rósa Björk Brynj­ólfs­dótt­ir, þing­mað­ur­ VG og nefnd­ar­maður í at­vinnu­vega­nefnd, segir að fram undan bíði þing­mönnum risa­stórt verk­efni sem felst í því að upp­ræta við­skipta­hætti og við­skiptasið­fræði sem sé „ólíð­andi og ó­boð­leg­t“. Jafn­fram­t þurfi að efla traust á íslenska ­sjáv­ar­út­veg­in­um, íslensku atvinnu­lífi og orð­spori ­ís­lenskra við­skipta­hátta. 

„Þess vegna megum við alls ekki smætta Sam­herj­a­mál­ið, held­ur þvert á móti vinna öt­ul­­lega að þessu,“ segir Rósa Björk í Face­book-­færslu í dag.

Fundað var um Sam­herj­a­málið að ósk Rósu Bjarkar í at­vinn­u­­vega­­nefnd Alþing­is í gær og var Krist­ján Þór Júlí­us­­son sjá­v­­­ar­út­­­vegs­ráð­herra kall­aður fyr­ir nefnd­ina til þess að svara spurn­ing­um vegna máls­ins.

Rósa Björk segir í færslu sinni að gagn­legt hafi verið að fá ráð­herra á fund nefnd­ar­innar en að enn sé margt mjög óljóst og óskýrt. Hún segir jafn­fram­t að Krist­ján Þór hafi per­sónu­lega verið frekar óljós með það hvort að hann væri best til þess fall­inn að halda utan um þessa til­tekt og þessa upp­bygg­ingu traust.

„Þá verðum við að horf­­ast í augu við það hvort við­kom­andi ráð­herra sé hæf­ur til þess að halda utan um það mik­il­væga verk­efni með öll sín tengsl og sögu við Sam­herj­a,“ segir Rósa Björk og seg­ist jafn­fram­t vilja sjá heild­­stæða út­­tekt af hálfu yfir­valda á starfs­hátt­um og við­skipta­hátt­um Sam­herj­a. 

„Al­þing­i þarf líka að fylgj­­ast með og sinna sínu aðhalds­­hlut­verki sem því ber sam­­kvæmt lög­­um, bæði þing­­menn og þing­­nefnd­ir, og ég von­­ast auð­vitað til þess að við mun­um sinna því öll,“ segir Rósa Björk að lok­um.