Alls selja rúm­lega fimmt­ungur íslenskra fyr­ir­tækja sínar vörur og þjón­ustu í gegnum vef­síður eða öpp. Það er tölu­vert hærra hlut­fall fyr­ir­tækja en með­al­hlut­fall innan Evr­ópu­sam­bands­ins sem er 16 pró­sent. Rúm­lega helm­ingur íslenskra fyr­ir­tækja aug­lýsir jafn­framt á net­in­u. 

Þetta kemur fram í nið­ur­stöðum sam­evr­ópskrar rann­sóknar Hag­stofu Íslands á við­skiptum fyr­ir­tækja í gegnum net­ið. 

Helm­ingur aug­lýsir á net­inu 

Hærra hlut­fall fyr­ir­tækja selur þó þjón­ustu sína í gegnum netið í Sví­þjóð, Noreg og Dan­mörku eða rúm­lega 25 pró­sent. Hæst er þó hlut­fallið í Írlandi eða alls 30 pró­sent fyr­ir­tækja. 

Í könn­un­inni kemur jafn­framt fram að sala fyr­ir­tækja á vörum og þjón­ustu árið 2019 í gegnum vef­síður eða öpp á Íslandi var 6 pró­sent af rekstr­ar­tekjum fyr­ir­tækja, þar af var 68 pró­sent í gegnum eigin vef­síður eða öpp og 32 pró­sent í gegnum almennar sölu­síð­ur.

Enn fremur kemur fram í nið­ur­stöðum könn­un­ar­innar að í fyrra greiddu rúmur helm­ingur íslenskra fyr­ir­tækja fyrir aug­lýs­ingar á net­inu eða 51 pró­sent fyr­ir­tækja sam­kvæmt sömu könn­un. Þá var minni en þriðj­ungur af heildar birt­ing­ar­kostn­aði greiddur til erlendra aðila hjá 73 pró­sent fyr­ir­tækj­anna. Hjá 14 pró­sent fyr­ir­tækja rann einn til tveir þriðj­ungar birt­ing­ar­kostn­aðar til erlendra aðila og hjá 13 fyr­ir­tækja meira en tveir þriðjungar.

Könnun Hag­stof­unnar var á meðal 2023 fyr­ir­tæki en und­an­skilin voru fyr­ir­tæki með færri en 10 starfs­menn og fyr­ir­tæki í fjár­mála­starf­semi, land­bún­aði, fisk­veið­um, skóg­rækt, eða úrvinnslu hrá­efna úr jörðu.

Þrír af hverjum fjórum Íslend­ingum versl­uðu á net­inu

Í ár versl­uðu met­hlut­fall Íslend­inga á net­inu eða alls 76,8 pró­sent lands­manna, sam­kvæmt nýrri neyslukönnun Gallup. Það er hæsta hlut­fall Íslend­inga frá því að mæl­ingar hófust. Hæst er hlut­fallið í ald­urs­hópnum 25 til 34 ára en 95 pró­sent þeirra höfðu verslað á net­inu á síð­ustu 12 mán­uð­um.

Þá seg­ist meiri­hluti Íslend­inga versla oftar í erlendum vef­versl­unum en íslensk­um. Fimmt­ungur seg­ist þó versla oftar í íslenskum en erlendum og 17,8 pró­sent segj­ast versla jafn­oft í erlendum og inn­lendum vef­versl­un­um.