Leið­togar Evr­ópu­sam­bands­ins sam­þykktu í gær að festa í lög þá stefnu að sam­bandið verði kolefn­is­hlut­laust árið 2050. Pól­land var eina þjóðin sem skrif­aði ekki undir sam­komu­lag­ið. Sam­komu­lagið kemur í kjöl­far þess að leið­toga­ráð og fram­kvæmda­stjórn Evr­ópu­sam­bands­ins kynntu til sög­unnar Grænan sátt­mála Evr­ópu fyrr í vik­unni. Frá þessu er greint á vef BBC.

Sátt­mál­inn kveður meðal ann­ars á um 100 millj­arða evra fjár­veit­ingu sem styðja á við orku­skipti innan álf­unn­ar. Auk þess felst í sátt­mál­anum áætlun um á aukið hringrás­ar­hag­kerfi innan sam­bands­ins.

Stíft var fundið um sam­komu­lagið á leið­toga­fund­inum sem hald­inn var í Brus­sel í gær. Tékk­ar, Ung­verjar og Pól­verjar voru mót­fallnir sam­komu­lag­inu í fyrstu þar sem þeim þótti úti­lokað að 100 millj­arðar nægðu til ná kolefn­is­hlut­leysi innan 27 ríkja sam­bands­ins. Eftir að stað­fest hefði verið að kjarn­orka væri inni­falin í sam­komu­lag­inu sam­þykktu Tékkar og Ung­verjar að skrifa undir sam­komu­lagið óbreytt. 

Pól­verjar sem reiða sig að lang­mestu leyti á kol við sína orku­fram­leiðslu sögð­ust hins vegar þurfa meira tíma til að skipta yfir í grænni orku og skrif­uðu því ekki undir sam­komu­lag­ið. Haft er eftir Charles Michael, nýja for­seta leið­toga­ráðs Evr­ópu­sam­bands­ins, að sam­bandið myndi á næstu miss­erum halda áfram að reyna sann­færa Pól­verja um að styðja sam­komu­lag­ið. 

Ursula von der Leyen, for­seti fram­kvæmda­stjórnar Evr­ópu­sam­bands­ins, sagð­ist von­ast til að aðild­ar­ríkin nái að full­gilda og inn­leiða sam­komu­lagið strax á næsta ári. Bret­land tók ekki þátt í sam­komu­lag­inu þar sem þeir stefna á að yfir­gefa Evr­ópu­sam­bandið í lok jan­úar á næsta ári. Hins vegar lýsti breska rík­is­stjórnin því yfir í sumar að Bret­land stefndi að kolefn­is­hlut­leysi fyrir 2050.