Guð­rún Ögmunds­dótt­ir, fyrr­ver­andi þing­maður og borg­ar­full­trúi, er lát­in. Hún lést á gaml­árs­dag og var bana­mein hennar krabba­mein. Eig­in­maður hennar greindi frá þessu í stöðu­upp­færslu á Face­book í dag. 

Guð­rún sat á þingi fyrir Sam­fylk­ing­una frá árinu 1999 og fram til árs­ins 2007. Hún var borg­ar­full­trúi frá árinu 1992 og til árs­ins 1998 og hafði þar áður verið vara­borg­ar­full­trú­i. 

Guð­rún var fædd í Reykja­vík 19. októ­ber 1950. Hún lauk námi í félags­fræði og félags­ráð­gjöf frá Rosk­ilde Uni­versitetscenter 1983, fram­halds­nám við sama skóla í fjöl­miðla­fræði 1983–1985, cand. comm.-­próf 1985.

Guðrún vann ýmis störf áður en nám hóf­st, m.a. á dag­skrár­deild Rík­is­út­varps­ins, var sviðs­maður í Þjóð­leik­hús­inu, upp­eld­is­full­trúi við sér­deildir Hlíða­skóla og starf­aði á Grein­ing­ar- og ráð­gjaf­ar­stöð rík­is­ins. Þá var hún starfs­maður SÍNE 1985–1988, verk­efn­is­stjóri hjá LÍN, hand­leiðsla hjá Styrkt­ar­fé­lagi van­gef­inna, fram­kvæmda­stjóri nám­skeiða fyrir aðstand­endur fatl­aðra barna og félags­mála­full­trúi hjá Sjálfs­björgu, yfir­fé­lags­ráð­gjafi á kvenna­deild Land­spít­ala 1988–1994, stunda­kenn­ari við lækna­deild og félags­vís­inda­deild HÍ og deild­ar­stjóri í félags­mála­ráðu­neyt­inu 1998–1999.

Und­an­­farin ár, eftir að þing­ferli lauk, starf­aði Guð­rún fyrst sem sér­fræð­ingur í mennta­mála­ráðu­neyt­inu en svo sem tengiliður vegna vist­heim­ila hjá dóms­­mála­ráðu­­neyt­inu auk þess sem hún var for­maður Unicef árin 2016-2018. 

Guð­rún var gift Gísla Arn­óri Vík­ings­syni og átti tvö börn. Kjarn­inn sendir fjöl­skyldu Guð­rúnar sam­úð­ar­kveðj­ur.