Justin Tru­deau, for­sæt­is­ráð­herra Kana­da, segir að öllum steinum verði velt við, til að kom­ast að því hvað gerð­ist þegar Boeing 737 vél brot­lent skömmu eftir flug­tak í Íran, með þeim afleið­ingum að allir um borð lét­ust. Þar af voru 63 Kanada­menn en alls lét­ust 180. 

Stjórn­völd í Íran hafa sagt að þau muni ekki hleypa yfir­völdum í Banda­ríkj­unum að rann­sókn máls­ins, en sem kunn­ugt er hafa 737 vélar Boeing - af Max gerð - verið kyrr­settar frá því í mars í fyrra, en gripið var til þess eftir tvenn flug­slys, í Indónesíu og Eþíóp­íu, þar sem 346 létu­st, allir um borð í báðum vél­u­m. 

Yfir­völd í Íran hafa sagt, að allt bendi til þess að ein­hver galli í vél­inni hafi leitt til þessa hörmu­lega slyss, og að það sé ekki tengt átökum á milli Banda­ríkj­anna og Íran. 

Vélin var í flota U­kraine International Air­lines, af 737 - 800 gerð, og aðeins þriggja á hálfs árs göm­ul.

Don­ald Trump Banda­ríkja­for­seti ávarp­aði þjóð­ina í dag, og sagði að spennan milli land­anna tveggja færi minnkandi, og að það væri ekki mark­mið að fara í stríð við Íran, en Banda­ríkja­her væri alltaf til­bú­inn ef hann þyrfti að verja Banda­rík­in. 

Frá því 29. októ­ber 2018 hafa sam­tals 526 far­þegar látið lífið í þremur flug­slysum, þar sem til­tölu­lega nýjar vélar úr 737 flota Boeing, tog­ast til jarð­ar. Rann­sóknir á slys­unum í Indónesíu og Eþíópíu eru enn í gangi, en frum­nið­ur­stöður benda til þess að vél­arnar hafi verið gall­að­ar, og þá einkum svo­nefndur MCAS-­bún­að­ur, sem á að sporna gegn ofrisi. 

Alþjóð­leg kyrr­setn­ing er enn í gildi vegna Max-­vél­anna, og ekki ljóst hvenær henni verður aflétt.