Rík­is­lög­reglu­stjóri hefur lýst yfir óvissu­stigi almanna­varna í sam­ráði við sótt­varna­lækni og emb­ætti land­læknis vegna kór­óna­veiru (2019-nCoV). Ekk­ert smit hefur verið stað­fest á Íslandi.

Þetta kemur fram í til­kynn­ingu frá emb­ætt­inu.

Í henni segir jafn­framt að í lok des­em­ber síð­ast­lið­ins hafi fregnir borist af alvar­legum lungna­sýk­ingum í Wuhan-­borg í Kína. Í kjöl­farið hafi verið stað­fest að um áður óþekkt kór­óna­veiru­af­brigði væri að ræða, sem nú kall­ist 2019-nCoV. Stað­fest sé að veiran smit­ast á milli manna og að hún geti valdið alvar­legum veik­ind­um. Far­ald­ur­inn breið­ist hratt út en enn sem komið er hafi flest til­fellin greinst í Kína.

Sam­starf stofn­ana aukið

„Í ljósi þessa, og á grund­velli áhættu­mats Alþjóða­heil­brigð­is­stofn­un­ar­innar og Sótt­varn­ar­stofn­unar ESB, hefur Rík­is­lög­reglu­stjóri lýst yfir óvissu­stigi almanna­varna í sam­ráði við sótt­varna­lækni og emb­ætti land­læknis vegna kór­óna­veiru.

Óvissu­stigi er lýst þegar grunur vaknar um að yfir­vof­andi sé atburður sem hefur áhrif á lýð­heilsu. Í kjöl­farið er sam­starf stofn­ana auk­ið, sem og upp­lýs­inga­miðl­un. Vöktun er efld, áhættu­mat end­ur­skoðað svo oft sem þurfa þykir og birgða­staða nauð­syn­legra bjarga er könnuð og skráð. Farið er yfir við­bragðs­á­ætl­anir og fyr­ir­liggj­andi verk­ferla,“ segir í til­kynn­ing­unni.

Frek­ari upp­lýs­ingar má finna á vef­síðum almanna­varna og land­læknis.