Tilboð tryggingafélaga til neytenda ekki í samræmi við eðlilega og heilbrigða viðskiptahætti

Fjármálaeftirlitið framkvæmdi athugun á því hvernig tryggingafélögin sundurliðuðu tilboð til viðskiptavina sinna og hvort að þær upplýsingar væru skýrar og skiljanlegar. Niðurstaðan var sú að svo er ekki.

Á meðal þess sem Fjármálaeftirlitið kannaði var tilboðsgerð vegna ökutækjatrygginga, sem eru lögbundnar.
Á meðal þess sem Fjármálaeftirlitið kannaði var tilboðsgerð vegna ökutækjatrygginga, sem eru lögbundnar.
Auglýsing

Fjár­mála­eft­ir­litið hefur birt nið­ur­stöðu athug­unar sinnar á sund­ur­liðun á kostn­aði við til­boðs­gerð hjá vátrygg­inga­fé­lög­unum fjórum, Sjó­vá, TM, VÍS og Verði. Athug­unin hófst í júlí 2019 með því að eft­ir­litið kann­aði hvernig félögin fjögur sund­ur­lið­uðu kostnað og afslætti vátrygg­inga við til­boðs­gerð til ein­stak­linga vegna öku­tækja­trygg­inga og eigna­trygg­inga. Nið­ur­stöður lágu fyrir í nóv­em­ber 2019.

Mark­mið athug­unar Fjár­mála­eft­ir­lits­ins var að kanna hvort sund­ur­liðun kostn­aðar við til­boðs­gerð væri í sam­ræmi við reglur um eðli­lega og heil­brigða við­skipta­hætti vátrygg­inga­fé­laga. Þær reglur segja til um að upp­lýs­ingar um vöru og þjón­ustu, þar með talin allan kostn­að, skuli veittar á skýran og skilj­an­legan hátt, áður en við­skipti fara fram og meðan á við­skipta­sam­bandi stend­ur. 

Eft­ir­litið skoð­aði meðal ann­ars hvernig til­boðs­gerð fór fram hjá trygg­inga­fé­lög­un­um, hvaða for­sendur voru lagðar til grund­vallar og hvernig upp­setn­ing til­boða til við­skipta­vina var.  Í gagn­sæ­istil­kynn­ingu sem Fjár­mála­eft­ir­litið birti í dag segir að í þeim til­gangi hafi verið óskað eftir afriti af verð­skrám félag­anna, upp­lýs­ingum um hvernig til­boðs­gerð til við­skipta­vina færi fram og afriti af þremur fyrstu til­boðum fyrstu tveggja árs­fjórð­unga árs­ins 2019. 

Nið­ur­staða athug­unar eft­ir­lits­ins var sú að öll trygg­inga­fé­lögin fjögur fram­kvæmdu ofan­greint á hátt sem var ekki í sam­ræmi við eðli­lega og heil­brigða við­skipta­hætti á vátrygg­ing­ar­mark­aði.

Við­skipta­vinir gátu síður tekið upp­lýsta ákvörðun

Í til­felli Sjóvar kom í ljós að í til­boðum félags­ins til vátrygg­ing­ar­taka vegna öku­tækja­trygg­inga var ekki að finna sund­ur­liðun kostn­aðar niður á ábyrgð­ar­trygg­ingu öku­tæk­is, slysa­trygg­ingu öku­manns og eig­anda og bíl­rúðu­trygg­ingu. „Eft­ir­litið taldi að fram­setn­ing kostn­aðar með þessum hætti væri hvorki í sam­ræmi við eðli­lega og heil­brigða við­skipta­hætti á vátrygg­ing­ar­mark­aði né gæti talist fram­kvæmd sem miði að því að hafa hags­muni vátrygg­inga­taka...að leið­ar­ljósi.“ Við­skipta­vinir ættu síður kost á að taka upp­lýsta ákvörðun um vátrygg­ingar ef kostn­aður vegna þeirra væri ekki sund­ur­lið­að­ur. í gagn­sæ­istil­kynn­ing­unni sem birt var í dag segir að Fjár­mála­eft­ir­litið hafi þv athuga­semd við að Sjóvá birti ekki sund­ur­liðun á kostn­aði við ábyrgð­ar­trygg­ingu öku­tæk­is, slysa­trygg­ingu öku­manns og eig­anda og bíl­rúðu­trygg­ing­u.“

Auglýsing
Við athugun á starf­semi TM komst Fjár­mála­eft­ir­litið að þeirri nið­ur­stöðu að til­boðum félags­ins til vátrygg­ing­ar­taka vegna öku­tækja­trygg­inga var ekki að finna sund­ur­liðun kostn­aðar niður á ábyrgð­ar­trygg­ingu öku­tækis og slysa­trygg­ingu öku­manns og eig­anda. Eft­ir­litið taldi að fram­setn­ing kostn­aðar með þessum hætti væri hvorki í sam­ræmi við eðli­lega og heil­brigða við­skipta­hætti á vátrygg­ing­ar­mark­aði né gæti talist fram­kvæmd sem miði að því að hafa hags­muni vátrygg­ing­ar­taka að leið­ar­ljósi. 

Við­skipta­vinir ættu síður kost á að taka upp­lýsta ákvörðun um vátrygg­ingar ef kostn­aður vegna þeirra er ekki sund­ur­lið­að­ur. Fjár­mála­eft­ir­litið gerði því athuga­semd við að félagið birti ekki sund­ur­liðun á kostn­aði við ábyrgð­ar­trygg­ingu öku­tækis og slysa­trygg­ingu öku­manns og eig­anda.

Vant­aði sund­ur­liðun á afsláttum

Hjá VÍS var það sama uppi á ten­ingn­um. Athugun eft­ir­lits­ins leiddi í ljós að í til­boðum félags­ins til vátrygg­ing­ar­taka vegna öku­tækja­trygg­inga var ekki að finna sund­ur­liðun kostn­aðar niður á ábyrgð­ar­trygg­ingu öku­tækis og slysa­trygg­ingu öku­manns og eig­anda. Þar var heldur ekki að finna sund­ur­liðun á afsláttum niður á fyrr­nefndar trygg­ing­ar, bíl­rúðu­trygg­ingu og kaskó­trygg­ingu félags­ins. 

Eft­ir­litið taldi því að fram­setn­ing kostn­aðar og afslátta með þessum hætti væri hvorki í sam­ræmi við eðli­lega og heil­brigða við­skipta­hætti á vátrygg­ing­ar­mark­aði né gæti talist fram­kvæmd sem miði að því að hafa hags­muni vátrygg­ing­ar­taka að leið­ar­ljósi. 

Við­skipta­vinir eiga síður kost á að taka upp­lýsta ákvörðun um vátrygg­ingar ef kostn­aður vegna þeirra er ekki sund­ur­lið­að­ur. Fjár­mála­eft­ir­litið gerði því athuga­semd við að félagið birti ekki sund­ur­liðun á kostn­aði við ábyrgð­ar­trygg­ingu öku­tækis og við að veittur afsláttur væri ekki sund­ur­lið­aður niður á ein­staka trygg­ingar öku­tækja. 

Í athugun Fjár­mála­eft­ir­lits­ins á Verði kom í ljós að í til­boðum félags­ins til vátrygg­ing­ar­taka vegna öku­tækja- og eigna­trygg­inga væri loka­verð gefið upp sem „Sam­tals með afslætti“ en þó væru engir sund­ur­lið­aðir afslættir niður á ein­staka trygg­ing­ar. „Eft­ir­litið taldi að fram­setn­ing heild­ar­verðs með þessum hætti væri hvorki í sam­ræmi við eðli­lega og heil­brigða við­skipta­hætti á vátrygg­inga­mark­aði né gæti talist fram­kvæmd sem miði að því að hafa hags­muni vátrygg­inga­taka að leið­ar­ljósi.“ Fjár­mála­eft­ir­litið gerði því athuga­semd við að félagið birti loka­verð sem „Sam­tals með afslætti“ en sýndi samt sem áður enga sund­ur­lið­aða afslætti niður á ein­staka trygg­ingar í til­boðs­gerð öku­tækja- og eigna­trygg­inga.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Jair Bolsonaro, forseti Brasilíu.
Forseti Brasilíu greinist með COVID-19 en segist ekkert óttast
Jair Bolsonaro forseti Brasilíu greindi frá því í dag að hann hefði greinst með COVID-19, en hann hefur fundið fyrir slappleika frá því á sunnudag. Forsetinn hefur kallað veiruna aumt kvef, en 65.000 Brasilíumenn liggja í valnum eftir að hafa smitast.
Kjarninn 7. júlí 2020
Mikið var um að vera á COVID-19 göngudeild Landspítala í mars og apríl.
Færri alvarlega veikir – en er veiran að mildast?
Nokkrar ástæður geta verið fyrir því að alvarlegum kórónuveirutilfellum hefur fækkað verulega. Í nýju svari á Vísindavefnum er farið yfir nokkra möguleika sem kunna að útskýra hvers vegna veiran virðist vera að veikjast.
Kjarninn 7. júlí 2020
Víðir Reynisson, Þórólfur Guðnason og Alma Möller á upplýsingafundi dagsins.
Þórólfur þakkaði Íslenskri erfðagreiningu fyrir samstarfið
Sóttvarnalæknir segir að Íslensk erfðagreining hafi „nokkuð óvænt“ lýst því yfir í gær að hún muni hætta að skima á landamærum í næstu viku. Leitað verður annarra leiða til að halda landamæraskimun áfram.
Kjarninn 7. júlí 2020
Smári McCarthy, þingmaður Pírata.
Skrifist á Sjálfstæðisflokkinn og „hamfarakapítalismann þeirra“
Þingmaður Pírata segir að sama hvert litið er hafi Sjálfstæðisflokkurinn undanfarna áratugi notað valdastöðu sína til að moka verkefnum yfir á einkageirann en að ábyrgðin sé samt áfram hjá ríkinu. Þar vísar hann meðal annars til ástandsins í skimunum.
Kjarninn 7. júlí 2020
Lárus Sigurður Lárusson er fyrsti stjórnarformaður nýs Menntasjóðs námsmanna.
Lilja skipar Lárus sem stjórnarformann Menntasjóðs námsmanna
Lilja Dögg Alfreðsdóttir mennta- og menningarmálaráðherra hefur skipað Lárus Sigurð Lárusson lögmann sem stjórnarformann nýs Menntasjóðs námsmanna. Hann leiddi lista Framsóknar í Reykjavík norður til síðustu alþingiskosninga.
Kjarninn 7. júlí 2020
Kári Stefánsson, forstjóri ÍE.
Kári: Þú hreyfir þig ekki hægt í svona ástandi
Forstjóri Íslenskrar erfðagreiningar hefur boðið forsætisráðherra að koma til hans á fund í Vatnsmýrinni þar sem fyrirtækið er til húsa.
Kjarninn 7. júlí 2020
Jakob Már Ásmundsson, forstjóri Korta.
Fjártæknifyrirtækið Rapyd kaupir Korta
Fjártæknifyrirtækið Rapyd hyggst samþætta og útvíkka starfsemi Korta í posa- og veflausnum, ásamt því að „efla starfsemina á Íslandi með áframhaldandi vexti og ráðningu starfsfólks“.
Kjarninn 7. júlí 2020
Tara Margrét Vilhjálmsdóttir
Pólitíkin og eiginhagsmunirnir á bak við stríðið gegn offitu – I. hluti
Kjarninn 7. júlí 2020
Meira úr sama flokkiInnlent