Hörður Arn­ar­son, for­stjóri Lands­virkj­un­ar, segir að það sé mikil ein­földun hjá Rio Tin­to, eig­anda álvers­ins í Straums­vík, að tengja stöðu mála í rekstri þess ein­göngu við það raf­orku­verð sem það greiðir til Lands­virkj­un­ar. 

Vitað hafi verið í nokkurn tíma að þróun á mörk­uðum fyrir ál og rekstr­ar­vandi álvers­ins gerði stöðu Rio Tinto á Íslandi erf­iða. „Þess vegna höfum við ákveðið að setj­ast niður með þeim og skoða þeirra stöðu. En ég tel það mikla ein­földun að tengja þessa stöðu ein­göngu við raf­orku­verð­ið. Það eru miklu stærri áhrifa­valdar henni tengd­ir. Til dæmis álverð á heims­mark­aði, verð­þróun á þeirri vöru sem álverið fram­leið­ir, hátt súráls­verð og það að missa út þriðj­ung af starf­sem­inni í fyrra.“

Þar vísar Hörður í að slökkt var á einum af þremur kerskálum álvers­ins í Straums­vík eftir að svo­kall­aður ljós­bogi mynd­að­ist. Það orsak­aði umtals­vert tekju­tap. 

Í jan­úar síð­ast­liðnum var greint frá því að álverið muni draga úr fram­leiðslu sinni um 15 pró­sent á árinu vegna erf­iðrar stöðu á álmörk­uðum erlend­is, en álverð lækk­aði um alls tíu pró­sent í fyrra.  

Á for­síðu Morg­un­blaðs­ins í dag birt­ist frétt um að for­svars­menn Rio Tinto hafi fundað með Bjarna Bene­dikts­syni, fjár­mála- og efna­hags­ráð­herra, vegna þess að þeir meti sem svo að raf­orku­samn­ing­ur­inn frá 2010 „þrengi svo að starf­­sem­inni að ekki verði við unað.“ Skömmu síðar birt­ist til­kynn­ing á vef Rio Tinto á Íslandi að til greina komi að loka álver­in­u. 

Ekk­ert byrjað að ræða um lægra verð

Gild­andi raf­orku­samn­ingur Lands­virkj­unar og álvers­ins í Straums­vík var gerður í júní 2010. Hann gildir til árs­ins 2036 og um er að ræða fyrsta samn­ing­inn sem Lands­virkjun gerði við álf­ram­leið­anda hér­lendis þar sem að teng­ing við álverð var afnum­in. Með því færð­ist mark­aðs­á­hættan af þróun á álmark­aði frá selj­and­anum yfir á kaup­and­ann. 

Í til­­kynn­ing­unni Rio Tinto frá því í morgun segir að fyr­ir­tækið vilji leita leiða til þess að bæta sam­keppn­is­­stöðu álver­s­ins, en að gert sé ráð fyrir því að rekstur þess verði áfram óarð­­bær til skemmri tíma sökum ósam­keppn­is­hæfs orku­verðs og lágs verðs á áli í sög­u­­legu sam­heng­i.  

Rio Tinto seg­ist nú leita allra leiða til að gera álverið arð­­bært og sam­keppn­is­hæft á alþjóða­­mörk­uð­um, meðal ann­­ars með sam­tali við stjórn­­völd og Lands­­virkj­un. Það sam­­tal snýst um að reyna að lækka raf­­orku­verð sem samið var um í nýjum samn­ingum sem gerðir voru árið 2010. 

Aðspurður hvort að til greina komi að lækka verð­ið, eða eftir atvikum gera aðrar breyt­ingar á raf­orku­samn­ingn­um, segir Hörður að það sé ekki byrjað að fjalla um það. Það sé í gildi raf­orku­samn­ingur og að óbreyttu gildi hann.