Fyrrverandi ritstjóri Fréttablaðsins vill í stjórn Sýnar

Á meðal þeirra sem vilja taka sæti í stjórn eins stærsta fjölmiðlafyrirtækis Íslands er fyrrverandi ritstjóri Fréttablaðsins og fyrrverandi stjórnarformaður VÍS.

Kristín Þorsteinsdóttir.
Kristín Þorsteinsdóttir.
Auglýsing

Kristín Þor­steins­dótt­ir, fyrr­ver­andi rit­stjóri og útgef­andi Frétta­blaðs­ins, sæk­ist eftir því að setj­ast í stjórn fjar­skipta- og fjöl­miðla­fé­lags­ins Sýnar á kom­andi aðal­fundi hans, sem fram fer 20. mars næst­kom­andi. Frá þessu er greint í Mark­aðn­um, fylgi­riti Frétta­blaðs­ins um efna­hags­mál og við­skipti, í dag.

Kristín lét af störfum hjá Frétta­blað­inu í sept­em­ber í fyrra skömmu eftir eig­enda­skipti þar og var á meðal þeirra sem sótt­ust eftir því að verða næsti útvarps­stjóri, en hlaut ekki braut­ar­gengi í þeirri veg­ferð.

Í Mark­aðnum segir auk þess að Svan­hildur Nanna Vig­fús­dótt­ir, sem setið hefur í stjórn VÍS und­an­farin ár sam­hliða því að félag í hennar eigu var á meðal stærstu hlut­hafa þess félags, vilji einnig inn í stjórn Sýn­ar. Félag í eigu hennar og Guð­mundar Þórð­ar­son­ar, K2B, keypti 1,6 pró­sent hlut í Sýn í byrjun árs en seldi 7,5 pró­sent hlut sinn í VÍS á svip­uðum tíma.  Svan­hildur Nanna vék úr sæti stjórn­ar­for­manns VÍS árið 2018 þegar greint var frá því að hún og Guð­mundur væru til rann­­sóknar hjá emb­ætti hér­­aðs­sak­­sókn­­ara fyrir meint umboðs­svik, meint skattsvik, mög­u­­leg mút­u­brot og brot á lögum um pen­inga­þvætti þegar olíu­­­fé­lagið Skelj­ungur og tengd félög voru keypt og seld á árunum 2008 til 2013. Það mál er enn til rann­sókn­ar.

Auglýsing
Tveir vara­menn hafa sest í stjórn Sýnar frá síð­asta aðal­fundi, en Heiðar Guð­jóns­son, stærsti einka­fjár­festir­inn í félag­inu, færði sig úr sæti stjórn­ar­for­manns og í stól for­stjóra í fyrra. 

Sýn varð til þegar Fjar­­­­­skipti, móð­­­­­ur­­­­­fé­lag Voda­fone á Íslandi, breytti nafni sínu á aðal­­­­­fundi sínum í mars 2018. Nokkrum mán­uðum áður, nánar til­­­­­­­­­tekið í des­em­ber 2017, höfðu Fjar­­­­­skipti sam­einað fjöl­miðla­­­­­starf­­­­­semi inn í rekstur félags­­­­­ins sem fól í sér meðal ann­­­­­ars Stöð 2, Stöð2 Sport, Vísi, Bylgj­una, FM957 og Xið 977. Mið­l­ana höfðu Fjar­­­­­skipti keypt af 365 mið­l­­­­­um. Nafna­breyt­ingin var fram­­­­­kvæmd svo að heitið væri meira lýsandi fyrir starf­­­­­semi hins sam­ein­aða félags.

Því er um að ræða eitt stærsta fjöl­miðla­fyr­ir­tæki lands­ins sem rekur meðal ann­ars frétta­stofu fyrir sjón­varp og útvarp og frétta­vef­inn Vísi.is, annan af mest sóttu frétta­vefum lands­ins.

Krefj­andi rekstur síð­ustu miss­eri

Tekjur fjar­­skipta- og fjöl­miðla­­fé­lags­ins Sýnar á fyrstu níu mán­uðum árs­ins 2019 voru 14,9 millj­­arðar króna, sem er 454 millj­­ónum krónum lægri tekjur en félagið hafði á sama tíma­bili árið áður. Hagn­aður Sýnar fyrir fjár­­­magns­­gjöld, afskriftir og skatta var 4,1 millj­­arður króna og lækk­­aði um 153 millj­­ónir króna á milli ára. 

Hagn­aður Sýnar var hins veg­­ar  384 millj­­ónir króna á fyrstu níu mán­uðum árs­ins 2019.  Lyk­ilá­­­­­stæða þess að Sýn skil­aði hagn­aði er að á fyrsta árs­fjórð­ungi var bók­­­­­færður sölu­hagn­aður vegna sam­runa P/F Hey, dótt­­­­­ur­­­­­fé­lags Sýnar hf. í Fær­eyjum og Nema, dótt­­­­­ur­­­­­fé­lag Tjald­urs, gekk í gegn á fjórð­ungnum og er 49,9 pró­­­­­sent hlutur Sýnar hf. í nýju sam­ein­uðu félagi færður sam­­­­­kvæmt hlut­­­­­deild­­­­­ar­að­­­­­ferð og því ekki hluti af sam­­­­­stæð­u­­­­­reikn­ings­skilum Sýnar hf. frá byrjun þessa árs. Alls nam bók­­­­­færður sölu­hagn­aður vegna þessa 817 millj­­­­­ónum króna. 

Án þessa bók­­færða sölu­hagnað vegna þeirrar sölu væri tap Sýnar á fyrstu níu mán­uðum árs­ins 2019 433 millj­­ónir króna. Til sam­an­­burðar skil­aði félagið 326 milljón króna hagn­aði á sama tíma­bili 2018. 

Í jan­úar greindi Sýn frá því að félagið hefði fært niður við­skipta­vild, sem það hafði eign­ast við kaup á áður­nefndum fjöl­miðlum frá 365 miðl­um, um 2,5 millj­arða króna. 

Hluta­bréfa­verð í Sýn hefur hækkað umtals­vert það sem af er ári og um tæp­lega 30 pró­sent á síð­ustu þremur mán­uð­um. Árs­upp­gjör félags­ins vegna árs­ins 2019 verður birt í næstu viku, þann 26. febr­ú­ar.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hanna Katrín Friðriksson, þingmaður Viðreisnar, bað um skýrsluna á sínum tíma.
Vill fá að vita af hverju upplýsingar um fjárfestingar útgerðarfélaga voru felldar út
Í lok ágúst var birt skýrsla sem átti að sýna krosseignatengsl eða ítök útgerðarfélaga í einstökum fyrirtækjum, en að mati þess þingmanns sem bað um hana gerði hún hvorugt. Síðar kom í ljós að mikilvægar upplýsingar voru felldar út fyrir birtingu.
Kjarninn 4. desember 2021
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Kynferðisleg áreitni og ofbeldi í álverunum og verklag þeirra
Alls hafa 27 tilkynningar borist álfyrirtækjunum þremur, Fjarðaáli, Norðuráli og Rio Tinto á síðustu fjórum árum. Kjarninn kannaði þá verkferla sem málin fara í innan fyrirtækjanna.
Kjarninn 4. desember 2021
Inga Sæland er hæstánægð með nýja vinnuaðstöðu Flokks fólksins og ljóst er á henni að það skemmir ekki fyrir að Miðflokkurinn neyðist til að kveðja vinnuaðstöðuna vegna mjög dvínandi þingstyrks.
Inga Sæland tekur yfir skrifstofur Miðflokksins og kallar það „karma“
„Hvað er karma, ef það er ekki þetta?“ segir Inga Sæland um flutninga þingflokks Flokks fólksins yfir í skrifstofuhúsnæði Alþingis þar sem níu manna þingflokkur Miðflokksins, sem í dag er einungis tveggja manna, var áður til húsa.
Kjarninn 3. desember 2021
Pawel Bartoszek
Samráðið er raunverulegt
Kjarninn 3. desember 2021
Meira úr sama flokkiInnlent