Fimm hjúkr­un­ar­fræð­ingar á Lands­spít­ala eru smit­aðir af veirunni sem veldur COVID-19 sjúk­dómn­um. Fimm til við­bótar eru í sótt­kví. Þessu greindi Alma Möller land­læknir frá á blaða­manna­fundi í dag.

Þar kom einnig fram að 55 séu nú greindir smit­að­ir, sem eru sex fleiri en í gær. Tveir þeirra sem greinst hafa síð­ast­lið­inn sól­ar­hring smit­uð­ust inn­an­lands. Sótt­varn­ar­læknir sagði á fund­inum að það væri ánægju­legt að inn­lendum smitum væri ekki að fjölga mik­ið. 

Tveir af hjúkr­un­ar­fræð­ing­unum fimm sem hafa smit­ast gerðu það í skíða­ferð í Ölp­un­um. Annar þeirra mætti til starfa á gjör­gæslu Lands­spít­al­ans eftir þá ferð og er gert ráð fyrir að hinir hjúkr­un­ar­fræð­ing­arnir sem hafa verið greindir hafi smit­ast á starfs­staðn­um. Ekki er vitað til þess að neinir sjúk­lingar hafi smit­ast og sá hjúkr­un­ar­fræð­ingur sem mætti til vinnu sinnti ekki sjúk­lingum á meðan að hann dvaldi þar. 

á fund­inum kom fram heil­brigð­is­yf­ir­völd hafi þegar kannað hvort hægt yrði að kalla fólk með heil­brigð­is­mennt­un, sem starfar í öðrum geirum en heil­brigð­is­geir­an­um, til starfa ef með þarf. Meðal ann­ars þurfi að kanna rétt­ar­stöðu þeirra. Sama gildir um fólk með heil­brigð­is­menntun sem er komið á eft­ir­laun.