Búið er að fresta brott­vísun ungu flótta­barn­anna Ali, Kayan, Saja og Jadin og for­eldra þeirra frá Írak til Grikk­lands um óákveð­inn tíma. Þetta kemur fram í stöðu­upp­færslu Semu Erlu Serdar, ­stofn­anda Sol­­aris – hjálp­­­ar­­sam­­taka fyrir hæl­­is­­leit­endur og flótta­­fólk á Íslandi, á Face­­book-­­síðu hennar nú rétt í þessu. 

Hún segir að sú skýr­ing sem gefin hafi verið á því sé að brott­vís­unin strandi á grískum stjórn­völdum sem seg­ist ekki geta tekið á móti þeim vegna aðstæðna þar.

„Það þurfti sem­sagt grísk stjórn­völd til þess að stöðva ómann­úð­lega og grimmi­lega með­ferð íslenskra yfir­valda á börnum á flótta, sem voru búin að leigja einka­flug­vél undir þau, svo það sé alveg á hreinu! Börnin eru óhult í bili, en ég neita að trúa því að þeim verði til­kynnt um brott­vísun í þriðja skipt­ið,“ skrifar Sema Erla og bætir því við að slíkt ofbeldi muni aldrei líð­ast.

Þá telur hún að við þurfum öll að halda áfram að fylgj­ast mjög vel með stöðu mála og passa upp á að íslensk yfir­völd reyni ekki „að fram­kvæma for­kast­an­legar aðgerðir eins og þá sem stóð til að gera í þessu til­felli í skjóli næt­ur.“

Yfir­lýs­ing frá Útlend­inga­stofnun barst fjöl­miðlum klukkan 14:30.

Að gefnu til­efni vill Útlend­inga­stofnun koma því á fram­færi að grísk stjórn­völd hafa ekki hafnað því að taka við ein­stak­lingum sem hafa fengið alþjóð­leg vernd í Grikk­landi.

Stoð­deild rík­is­lög­reglu­stjóra und­ir­býr nú ferð til Grikk­lands með fjöl­skyldu og ein­stak­ling, sem var synjað um efn­is­lega með­ferð umsókna þeirra um alþjóð­lega vernd hér á landi vegna þess að þau njóta nú þegar alþjóð­legrar verndar í Grikk­land­i. 

Ferðin var á áætlun í þess­ari viku en hlut­að­eig­andi hefur verið til­kynnt að hún muni frest­ast. Sam­kvæmt upp­lýs­ingum frá stoð­deild er ástæðan sú að boð­leiðum fyrir end­ur­send­ing­ar­beiðnir í grísku stjórn­sýsl­unni hefur verið breytt og því liggur ekki fyrir sam­þykki frá réttu stjórn­valdi. End­ur­send­ing­ar­beiðni hefur nú þegar verið send þar til bæru stjórn­valdi til afgreiðslu.

Það er því ekki rétt að grísk stjórn­völd hafi hafnað því að taka aftur við ein­stak­lingum sem hafa fengið alþjóð­leg vernd í Grikk­landi vegna aðstæðna þar í landi.