Dagur B. Egg­erts­son borg­ar­stjóri segir for­dæma­lausar aðstæður vera uppi í Reykja­vík, á Íslandi og raunar í heim­inum öllum vegna Covid-19 og við­bragða við henni. Þetta kemur fram í stöðu­upp­færslu hans á Face­book í dag.

Hann greinir jafn­framt frá því að neyð­ar­stjórn borg­ar­innar fundi dag­lega og fari yfir stöð­una. „Í gær fund­aði ég með almanna­vörnum til að fara yfir und­ir­bún­ing sam­komu­banns og áhrif þess og útfærslu. Þetta verk­efni er á höndum sótt­varn­ar­læknis og almanna­varna en vit­an­lega skipta sveit­ar­fé­lögin og starf­semi þeirra lyk­il­máli,“ skrifar hann.

Traust­vekj­andi að finna fyrir fag­mennsku og yfir­vegun

Þá bendir hann á að ákvarð­anir um sam­komu­bann séu sam­kvæmt lögum teknar af heil­brigð­is­ráð­herra að til­lögu sótt­varn­ar­lækn­is. Það sé traust­vekj­andi að finna þá fag­mennsku og yfir­vegun sem ráði ríkjum í öllum við­brögðum og staðan sé metin dag frá degi til að hægt sé að taka réttar ákvarð­anir og tíma­setja þær rétt.

„­Ljóst er að nýj­ustu tíð­ind­in, flug­bann Trump for­seta mun hafa miklar og djúp­stæðar afleið­ingar fyrir Ísland, ferða­þjón­ust­una og stöðu efna­hags­mála, til við­bótar við önnur áhrif veirunn­ar. Ég gerði borg­ar­ráði í morgun grein fyrir þeirri vinnu sem unnin er af hálfu neyð­ar­stjórnar sem er fjöl­breytt og yfir­grips­mik­il. Hún snertir bæði við­búnað í þjón­ustu borg­ar­innar en líka for­varnir og skipu­lagn­ingu á næstu skref­um. Jarð­skjálft­inn mikli á Reykja­nesi reið yfir í miðjum borg­ar­ráðs­fundi. Það er ekki eitt, það er allt,“ skrifar Dag­ur.

Munum kom­ast í gegnum þetta

Hann segir að almanna­varn­ar­ráð höf­uð­borg­ar­svæð­is­ins muni hitt­ast í fyrra­mál­ið. Sveit­ar­fé­lögin á höf­uð­borg­ar­svæð­inu hafi gætt þess að taka öll skref að und­an­förnu í góðum takti.

„Ég finn fyrir mik­illi sam­stöðu hvar­vetna í þessum verk­efn­um, milli ríkis og borg­ar, milli sveit­ar­fé­laga, innan yfir­stjórn­ar, innan allrar starf­semi borg­ar­inn­ar, meðal starfs­fólks og íbúa, og þvert á alla póli­tík.

Við höfum áður kom­ist í hann krapp­ann. Þetta er for­dæma­laust en við munum fara í gegnum þetta líka og koma stand­andi nið­ur, með sam­taka­mætti, fag­mennsku og yfir­veg­un, en um leið með þeim kjarki sem þarf til að taka nauð­syn­legar ákvarð­an­ir,“ skrifar hann að lok­um.