Stjórn Íslands­banka, sem er að öllu leyti í eigu rík­is­ins, hefur ákveð­ið, í ljósi óvissu af völdum for­dæma­lausra aðstæðna á fjár­mála­mörk­uð­um, að greiða ekki út arð til hlut­hafa á árinu 2019. „Jafn­framt verður lagt til við aðal­fund að stjórn bank­ans fái heim­ild til að kalla til sér­staks hlut­hafa­fundar síðar á þessu ári þar sem til­laga um greiðslu arðs af hagn­aði fyrri rekstr­ar­ára kann að vera lögð fram.“ 

Þetta kemur fram í til­kynn­ingu sem Íslands­banki sendi Kaup­höll Íslands í dag. Þar segir enn fremur að eig­in­fjár­staða bank­ans sé sterkt og með þess­ari ákvörðun sé bank­inn „enn betur í stakk búinn að takast á við þær áskor­anir sem framundan eru.“ Íslands­banki ætl­aði að greiða út 4,2 millj­arða króna í arð í ár.

Banka­ráð Lands­bank­ans, sem er í 98 pró­sent eigu íslenska rík­is­ins, reið á vaðið á föstu­dag og til­kynnti að það myndi leggja til við aðal­fund bank­ans að fresta arð­greiðslu. Upp­haf­lega stóð til að greiða 9,45 millj­arða króna út úr bank­anum í arð. 

Frétta­blaðið greindi frá því að Arion banki hefði frestað boð­aðri tíu millj­arða króna arð­greiðslu til hlut­hafa að fjár­hæð sam­tals tíu millj­arðar króna um tvo mán­uði. Í til­kynn­ingu sem Arion banki sendi frá sér á föstu­dag kom fram að bank­anum hafi borist skrif­legar beiðnir frá hlut­höf­um, sem ráða yfir meira en þriðj­ungi hluta­fjár, um frestun ákvörð­unar á greiðslu arðs á aðal­fundi en hann fer fram 17. mars næst­kom­and­i. 

Blaðið sagð­ist hafa heim­ildir fyrir því að frum­kvæðið um að fresta arð­greiðsl­unni hefði komið frá banda­ríska vog­un­ar­sjóðs­ins Taconic Capital, stærsta hlut­hafa Arion banka með rúm­lega 23,5 pró­senta hlut.