Stjórn­völd biðla til Íslend­inga erlend­is, sem tvö af fjórum eft­ir­far­andi atriðum eiga við, að íhuga heim­ferð til Íslands. Atriðin þrjú eru að vera yfir 60 ára gam­all, vera með und­ir­liggj­andi sjúk­dóm, vera fjarri vinum og fjöl­skyldu eða eiga ekki rétt á heil­brigð­is­þjón­ustu í land­inu þar sem við­kom­andi dvelst eða heil­brigð­is­kerfið þar annar ekki álag­inu.

Hvatn­ing­unni er beint sér­stak­lega til Íslend­inga sem annað hvort eru á ferða­lagi erlendis eða dvelj­ast þar tíma­bundið og eiga rétt á heil­brigð­is­þjón­ustu á Ísland­i. 

Í til­kynn­ingu á vef utan­rík­is­ráðu­neyt­is­ins segir að sér­stök athygli sé vakin á því að fólk sem sýnir sjúk­dóms­ein­kenni gæti átt á hættu að vera synjað um inn­ritun í flug og því er óráð­legt að bíða of lengi. „Sótt­varna­læknir hefur meðal ann­ars skil­greint Spán sem svæði með mikla smitá­hættu og búast má við að álag verði tals­vert á heil­brigð­is­kerfið þar í landi. Íslend­ingar sem koma frá Spáni skulu fara í sótt­kví í fjórtán daga eftir heim­komu. Þetta tekur til allra hluta Spán­ar, þ.m.t. Kanarí­eyja (Gran Can­aria ,Tenerife og aðrar eyj­ar).“

Verið að sækja Íslend­inga til Tenerife og Kanarí

Þetta er önnur form­lega hvatn­ingin sem íslensk stjórn­völd senda til Íslend­inga sem eru á ferða­lagi erlendis til að flýta heim­­för. Sú fyrri, sem var almenn og ekki beint að ákveðnum hópum var send á laug­ar­dag. Í henni var haft eftir Guð­laugi Þór Þórð­ar­syni utan­rík­is­ráð­herra að víða ættu Íslend­ingar á hættu að verða inn­­lyksa eða lenda í sótt­­­kví við erf­iðar aðstæð­­ur. „Ekki er víst hvaða aðgang og rétt­indi Íslend­ingar munu hafa að heil­brigð­is­­þjón­­ustu auk þess sem heil­brigð­is­­kerfi í mörgum ríkjum anna ekki álag­i[...]Í því ljósi höfum við ákveðið að ráða Íslend­ingum gegn ferða­lögum erlendis og þeim sem eru á ferða­lagi erlendis að íhuga að snúa heim fyrr en ella.“

Ljóst er að erf­ið­ara verður með hverjum deg­inum að koma sér á milli landa, enda bæði þorri Evr­ópu og Banda­ríkin búin að loka landa­mærum sínum og setja á ferða­bann. Fyrir vikið hafa flest flug­fé­lög dregið veru­lega úr fram­boði sínu og búist er við því að far­þega­flug á svæð­unum muni leggj­ast að stóru leyti af í nán­ustu fram­tíð.  

Á ferða­þjón­ustu­frétta­vefnum Túrista er greint frá því að ferða­skrif­stofan Úrval-Út­sýn sé að senda þrjár þotur til Spánar í dag þriðju­dag til að sækja far­þega sem eiga pant­aða heim­ferð til Íslands á næstu dög­um. Tvær þotur fara til Tenerife og ein til Las Palmas á Kanarí.

Þar er haft eftir Þór­unni Reyn­is­dótt­ur, for­stjóra Úrval-Út­sýn, að farið heim kosti þá sem eiga bókað far með Úrval-Út­sýn ekki neitt auka­lega. Sama gildi um far­þega syst­ur­fyr­ir­tækja ferða­skrif­stof­unn­ar, Plús­ferða og Sum­ar­ferða. 

Mögu­lega verða þó laus sæti fyrir fleiri far­þega frá Tenerife og þau verða þá til seld á heima­síðu Úrval-Út­sýn.