Boeing hefur ákveðið að for­stjóri fyr­ir­tæk­is­ins og ­stjórn­ar­for­maður þess fái engar launa­greiðslur það sem eftir lifir árs­ins. Þá hefur einnig verið ákveðið að að fresta arð­greiðslum fyr­ir­tæk­is­ins og hætta end­ur­kaupum á eigin bréf­um.

Þetta eru meðal aðgerða sem stjórn fyr­ir­tæk­is­ins hef­ur á­kveðið að grípa til vegna áhrifa COVID-19 far­ald­urs­ins.

David Cal­houn og Larry Kellner voru ráðnir for­stjóri og ­stjórn­ar­for­maður Boeing í des­em­ber á síð­asta ári í kjöl­far fár­viðr­is­ins sem ­skap­að­ist vegna 737 MAX-­véla fyr­ir­tæk­is­ins. Til stóð að Cal­houn fengi 1,4 millj­ónir Banda­ríkja­dala, tæp­lega 200 millj­ónir íslenskra króna, í árs­laun og átti auk þess að fá ríku­legar bón­us­greiðslur tengdar frammi­stöðu fyr­ir­tæk­is­ins. Kellner átti að fá 250 þús­und dali árlega í þókn­un, eða um 35 millj­ón­ir ­ís­lenskra króna.

Í til­kynn­ingu frá Boeing segir að gripið verði til allra ­mögu­lega ráð­staf­ana til að halda fyr­ir­tæk­inu í rekstri í gegnum þær efna­hags­þreng­ing­ar ­sem standi fyrir dyr­um. Stjórnin heitir því einnig að styðja við alla ­starfs­menn og við­skipta­vini.

Stjórnin greip til þess­ara aðgerða eftir að Nikki Haley, ­sendi­herra Banda­ríkj­anna hjá Sam­ein­uðu þjóð­un­um, sagði af sér stjórn­ar­setu í fyr­ir­tæk­in­u. Tók hún þá ákvörðun til að mót­mæla þeim hug­myndum ann­arra stjórn­ar­manna að biðja um 60 millj­arða dala, um 140 millj­arða króna, rík­is­að­stoð.

Fyrr í vik­unni sagði Don­ald Trump, for­seti Banda­ríkj­anna, að það yrði að „vernda Boeing“ en gagn­rýndi í sömu mund end­ur­kaup á eigin bréf­um, þ.e. þann gjörn­ing þegar fyr­ir­tæki kaupa bréf af hlut­höf­um, greiða fyrir í reiðufé og hækka þannig virði eft­ir­stand­andi bréfa.