Aðgerða­stjórn almanna­varna á Vest­fjörðum hef­ur, í ljósi nýrra smitrakn­inga á norð­an­verðum Vest­fjörð­um, ákveðið að herða aðgerðir til varnar COVID-19 á Suð­ur­eyri, Flat­eyri, Þing­eyri og Súða­vík. Þar verður leik- og grunn­skólum lokað frá og með morg­un­deg­inum og sam­komu­bann miðað við fimm manns. Þá mega ekki fleiri en 30 manns fara inn í stærri versl­an­ir.

Áður hafði verið gripið til sömu aðgerða í Bol­ung­ar­vík og á Ísa­firði og eru þær enn í gildi, en tugir smita hafa greinst á norð­an­verðum Vest­fjörðum und­an­farna daga, þar af fimm ný smit síð­asta sól­ar­hring sem nú er verið að rekja. Einnig er verið að bíða eftir að nokkur fjöldi sýna af svæð­inu komi úr grein­ingu.

„Fólk sem finnur til ein­kenna á að halda sig heima og hafa sam­band við Heil­brigð­is­stofnun Vest­fjarða í síma 450 4500 eða á heilsu­ver­a.­is. Tekin eru sýni alla virka daga á Ísa­firði kl. 10-11, en fyrst þarf að fá sam­band við lækni. Spurn­ingum um sjúk­dóm­inn sjálfan er mörgum svarað á covid.­is. Frek­ari upp­lýs­ingar um þessar reglur verða veittar í net­fang­inu yfir­stjorn-l­vf@logregl­an.is og á Face­book-­síðu Lög­regl­unnar á Vest­fjörð­u­m,“ segir í til­kynn­ingu frá almanna­varna­deild rík­is­lög­reglu­stjóra.

Þung staða hjá Heil­brigð­is­stofnun Vest­fjarða

Nokkur smit hafa greinst á hjúkr­un­ar­heim­il­inu Bergi í Bol­ung­ar­vík und­an­farna daga og þar hefur starfs­fólk þurft að fara í sótt­kví, sem leitt hefur til mönn­un­ar­vanda hjá heil­brigð­is­stofn­un­inni, sem einnig vantar fólk til starfa á bráða­deild.

Bæði sjúkra­liðar og hjúkr­un­ar­fræð­ingar hafa verið hvattir til þess að bjóða sig tíma­bundið fram til starfa á norð­an­verðum Vest­fjörð­um. Fram kom á dag­legum upp­lýs­inga­fundi almanna­varna í dag að nægi­legur fjöldi sjúkra­liða hefði þegar boðið sig fram, en að enn vant­aði hjúkr­un­ar­fræð­inga.