Gríð­ar­lega gott veður var um helg­ina víðs­vegar um landið og bar eitt­hvað á því að fólk hóp­aði sig sam­an. Víðir Reyn­is­son yfir­lög­reglu­þjónn sagði á dag­legum upp­lýs­inga­fundi almanna­varna í dag að þau hefðu ákveðnar áhyggjur af þessu en að erfitt væri að grípa til ein­hverra sér­stakra aðgerða.

„Við auð­vitað höldum áfram að tala um að við erum ennþá að benda fólki á að virða tveggja metra regl­una og að vera ekki að safn­ast saman í stóra hópa,“ segir hann.

Höfða til skyn­sem­innar

Nú eru bráðum tvær vikur síðan „4. maí-­til­lög­urn­ar“ voru kynntar og segir Víðir að þau hafi fundið fyrir því að þær til­lögur hafi losað ýmis­legt í hegðun fólks. „Þegar við sjáum hvort við fáum ein­hverjar hækk­andi tölur þá þurfum við auð­vitað að grípa til aðgerða en núna erum við bara að höfða til skyn­semi fólks.“

Víðir segir enn fremur að auð­vitað vilji þau að fólk fari út, njóti lífs­ins og nýti veðr­ið. „Það er nú ekki á hverjum degi sem við fáum svona daga eins og við vorum með um helg­ina. Það er bara æðis­legt að sjá hvað margir not­uðu tæki­fær­ið.“

Á sama tíma hvetur hann fólk til þess að fara var­lega.