Sund­laugar Reykja­vík­ur­borgar munu opna strax á mið­nætti á mánu­dag­inn og verða opnar allar nótt­ina. Þetta er gert til þess að skapa stemn­ingu, en líka til þess að koma í veg fyr­ir­ að það verði örtröð í sund­laug­unum á mánu­dags­morg­un, segir Stein­þór Ein­ars­son, ­skrif­stofu­stjóri rekstrar og þjón­ustu hjá ÍTR.

Laug­arnar mega vera á hálfum afköstum fyrst um sinn. Það þýðir að í stærstu laug borg­ar­inn­ar, Laug­ar­dals­laug, mega allt að 350 gestir vera á sama tíma, en not­ast verður við helm­ing­inn af skáp­unum sem eru í boði og laug­inni verður síðan skipt upp í sjö 50 manna svæði.

Fyrst um sinn mun 192 manns geta mætt á sama í Breið­holts­laug, 120 í Sund­höll­ina og Árbæj­ar­laug, 115 í Vest­ur­bæj­ar­laug og 110 í Graf­ar­vogs­laug, sam­kvæmt svari Stein­þór­s við fyr­ir­spurn Kjarn­ans. 

Hann segir einnig að 2. júní sé reiknað með að hækk­a ­leyfi­legan gesta­fjölda upp í 75 pró­sent af hámarks­fjöld­anum og að sund­laug­arn­ar verði komnar á full afköst 15. júní.

Stein­þór segir að unnið hafi verið að því að útfæra fyr­ir­komu­lag sund­ferða í sam­starfi við land­lækn­is­emb­ætt­ið og fleiri und­an­farnar vikur og nú séu skýrar leið­bein­ingar til, sem farið sé eft­ir. Hann segir það á ábyrgð hvers og eins sund­gestar að virða tveggja metra regl­una ofan í laug­unum eins og ann­ars staðar í sam­fé­lag­inu.

Stein­þór býst við því að opnun sund­laug­anna verði vel tek­ið, enda hafi sím­inn og tölvu­póst­ur­inn hjá honum „varla stopp­að“ und­an­farna tvo mán­uði vegna ­fyr­ir­spurna um hvort ekki fari að verða mögu­legt að baða sig í laug­unum á ný.

Allt að 200 manns mega fara Ásvalla­laug í Hafn­ar­firði

Kjarn­inn send­i líka fyr­ir­spurn á Hafn­ar­fjarð­arbæ til þess að fá að heyra hversu margir gætu dýft ­sér í hafn­firsku laug­arn­ar. Árdís Ármanns­dóttir sam­skipta­stjóri bæj­ar­ins seg­ir að unnið hafi verið að því að heim­færa til­mæli og við­mið yfir­valda á hvern stað fyrir sig.

„Hjá okkur þýðir þetta að í Ásvalla­laug getum við tekið á móti 200 manns frá og með mánu­degi og vöktum svo sér­stak­lega öll skil­greind ­rými á hverjum stað miðað við 50 manns. Í Sund­höll Hafn­ar­fjarðar verð­ur­ há­marks­fjöld­inn 32,“ segir Árdís.

Hún bætir við að vegna umfangs­mik­illa við­halds­fram­kvæmda við Suð­ur­bæj­ar­laug verði ekki hægt að opna þar fyrr en 25. maí. Þá er reiknað með að í mesta lagi 30 manns get­i farið í sund á sama tíma til að byrja með, á úti­svæði laug­ar­inn­ar.