„Nið­ur­stöður könn­unar á starfs­um­hverfi og vinnu­staða­menn­ingu Alþingis eru slá­andi og kalla á afger­andi við­brögð af hálfu for­seta Alþing­is.“ Þetta kemur fram í bréfi þing­flokks­for­manns Við­reisn­ar, Hönnu Katrínar Frið­riks­son, til Stein­gríms J. Sig­fús­sonar for­seta Alþingis sem sent var til hans í dag.

Í könn­un­inni sem fram­­kvæmd var fyrr á árinu kemur fram að fimmtán þing­­menn hafi orðið fyrir ein­elti í starfi eða í tengslum við starf sitt, eða 35,7 pró­­sent þeirra 42 þing­­manna sem tóku afstöðu til spurn­ing­­ar­inn­ar.

Alls 20 pró­­sent af þeim 153 starfs­­mönnum á Alþingi sem svör­uðu könn­un­inni sögð­ust hafa orðið fyrir ein­elti í starfi sínu og 18,4 pró­­sent þátt­tak­enda sögðu að þeir hefðu ein­hvern­ tím­ann orðið fyrir kyn­bund­inni áreitni á starfs­­tíma sínum á Alþingi eða í tengslum við starf sitt þar.

Aðför að lýð­ræð­inu

Í bréfi Hönnu Katrínar segir að könn­unin sýni að óásætt­an­legur fjöldi þing­manna, starfs­fólks Alþingis og starfs­fólks þing­flokka hafi upp­lifað ein­elti og kyn­ferð­is­legt eða kyn­bundið áreiti í starfi sínu. Þessi staða sé ekki ein­göngu óboð­leg þeim ein­stak­lingum sem um ræð­ir, heldur sverti ímynd Alþingis og hafi hamlandi áhrif á getu og vilja fólks til þess að starfa á vett­vangi stjórn­mál­anna. Það síð­ast­nefnda sé alvar­leg aðför að lýð­ræð­inu.

„Fram hefur komið að jafn­réttis­nefnd Alþingis er ætlað að ræða eft­ir­fylgni könn­un­ar­inn­ar. Af hálfu Við­reisnar vil ég leggja áherslu á að þeirri vinnu sé hraðað eins og kostur er. Jafn­framt sé þess gætt að eiga sam­starf við þá flokka sem sæti eiga á Alþingi um nauð­syn­legar breyt­ingar á vinnu­að­stæðum og vinnu­staða­menn­ingu. End­ur­skoðun á þing­skap­ar­lögum hlýtur að vera undir í þeirri vinnu.

Til við­bótar við það að bæta starfs­um­hverfi á Alþingi til fram­búð­ar, er mik­il­vægt að koma strax til móts við þá sem nú upp­lifa ein­elti eða áreiti í starfi sínu. Af því til­efni má nefna að Við­reisn samdi fyrir ári við Hag­vang um að taka í notkun þjón­ustu Sið­ferð­is­gátt­ar­innar fyrir skráða félaga og starfs­fólk Við­reisn­ar. Sið­ferð­is­gáttin er vett­vangur til að koma á fram­færi kvört­unum eða ábend­ingum um ein­elti, áreiti, ofbeldi eða van­líðan í starfi til óháðs aðila sem kemur þeim í réttan far­veg. Reynslan af þessum stuðn­ingi er jákvæð og ekki úr vegi að jafn­réttis­nefnd Alþingis skoði svip­aða nálg­un,“ segir í bréf­inu.