Unnið er að því á skrif­stofum sótt­varna­læknis að smíða reglur eða leið­bein­ingar um notkun and­lits­gríma og ættu slíkar reglur að vera kynntar síðar í dag eða í fyrra­mál­ið, sam­kvæmt svari Jóhanns K. Jóhanns­sonar sam­skipta­stjóra almanna­varna­deildar rík­is­lög­reglu­stjóra við fyr­ir­spurn Kjarn­ans.

Grímu­skylda við ákveðnar aðstæður verður nýr veru­leiki á Íslandi frá og með morg­un­deg­in­um. Greint hefur verið frá því í dag að and­lits­grímur hafi rokið út úr þeim versl­unum sem selja þær frá því að til­kynnt var að næstu vikur hið minnsta ætti að bera grímu í almenn­ings­sam­göng­um; í strætó, inn­an­lands­flugi og ferju­sigl­ing­um.

Á blaða­manna­fundi yfir­valda í dag komu þó ekki fram upp­lýs­ingar eða leið­bein­ingar um hvers konar grímur væri best að nota, en ein­ungis sagði að grím­urnar ættu að ná yfir bæði munn og nef. Einnota grímur hafa flogið út úr apó­tekum og fleiri versl­unum sem þær selja, en einnig er víða hægt að kaupa taugrím­ur. 

Í minn­is­blaði sótt­varna­læknis þar sem grímu­skyldan var lögð til við ákveðnar aðstæður segir að þær grímur sem not­aðar eru utan heil­brigð­is­þjón­ustu ættu „að lág­marki að upp­fylla kröfur sem fram koma í vinnu­stofu­sam­þykkt evr­ópsku ­staðla­sam­tak­anna CEN.“

Leið­bein­ingar frá WHO

Mis­mun­andi leið­bein­ingar um notkun þess­ara ólíku teg­unda and­lits­gríma á tímum kór­ónu­veirunnar hafa þegar verið gefnar út af Alþjóða heil­brigð­is­mála­stofn­un­inni (WHO) og eru aðgengi­legar á ensku á vef stofn­un­ar­inn­ar. 

Áhersla er þar lögð á hrein­læti, en til dæmis er mik­il­vægt er að þvo sér vel um hendur áður en bæði tau- og einnota grímur eru settar á and­lit­ið. Einnig ætti fólk að gæta var­úðar þegar það losar sig við einnota grímur og passa að þær fari í lok­aðar rusla­tunn­ur.

WHO gaf út skýr­ing­ar­mynd­band fyrr í sumar þar sem útskýrt er við hvaða aðstæður æski­legt er að nota hverja teg­und fyrir sig, en sér­stak­lega er mælt með einnota grímum fyrir heil­brigð­is­starfs­menn, þá sem eru með ein­kenni veirunn­ar, auk eldra fólks og þá sem eru með und­ir­liggj­andi sjúk­dóma og eru í áhættu­hópi vegna COVID.

Stofn­unin segir taugrímur við­eig­andi fyrir þá sem ekki hafa nein ein­kenni COVID-19 í aðstæðum á borð við þær sem kalla á grímunotk­unin hér á landi, þ.e. í aðstæðum þar sem ekki er hægt að tryggja nægi­leg fjar­lægð­ar­mörk á milli fólks.