Rauði kross­inn á Íslandi hefur hafið neyð­ar­söfnun vegna spreng­ing­anna sem urðu í Beirút höf­uð­borg Líbanon í gær og tekur þannig þátt í átaki Rauða kross hreyf­ing­ar­innar á heims­vísu.

Stað­fest er að 135 manns séu látin og yfir fimm þús­und særð en ótt­ast er að tölur um fjölda lát­inna og særðra muni hækka, því enn er margra sakn­að. Spít­alar í borg­inni urðu einnig sumir mjög illa úti og ljóst að mikið end­ur­bygg­ing­ar­starf er framundan í borg­inn­i.

Rauði kross­inn segir á vef­síðu sinni að ljóst sé að þörfin fyrir neyð­ar­að­stoð sé gríð­ar­leg, en yfir­völd í Líbanon hafa gefið það út að heim­ili yfir 300.000 manns séu óíbúð­ar­hæf eftir spreng­ing­arn­ar.

„Þá ber að hafa í huga að Líbanon er það ríki sem hýsir hæsta hlut­fall flótta­fólks í heimi miðað við höfða­tölu. Um fjórð­ungur íbúa er flótta­fólk og þar af er rúm 1,5 milljón manns frá Sýr­landi. Þessar ham­farir koma að auki ofan í COVID-19 far­ald­ur­inn og ótt­ast er að sú ringul­reið sem skap­ast hefur í kjöl­far spreng­ing­ar­innar kunni að valda aukn­ingu í smit­um, m.a. vegna þess hve illa gengur að sinna per­sónu­legu hrein­læti og við­hafa fjar­lægð­ar­tak­mörk,“ segir á vef Rauða kross­ins.

Hægt er að styrkja hjálp­ar­starf Rauða kross­ins um 2.900 kr. með því að senda SMS-ið HJALP í núm­erið 1900, en einnig má leggja inn á reikn­ing 0342-26-12, kt. 530269-2649.

For­seti Íslands sendi Líbönum kveðju

Guðni Th. Jóhann­es­son for­seti Íslands sendi Mich­ael Aoun for­seta Líbanons sam­úð­ar­kveðju sína og íslensku þjóð­ar­innar fyrr í dag. Hann sagði að hugur lands­manna væri nú með þeim sem sön­uðu ást­vina sinna og hefðu misst heim­ili vegna þessa skelfi­lega atburð­ar.

Einnig minnti hann á að íslensk stjórn­völd væru fús til að útvega aðstoð við björg­un­ar­að­gerðir í borg­inni, en Guð­laugur Þór Þórð­ar­son utan­rík­is- og þró­un­ar­mála­ráð­herra sagði hið sama í yfir­lýs­ingu í gær.