Hertar sótt­varn­ar­að­gerðir munu taka gildi strax eftir helgi. Þá munu fleiri en tutt­ugu manns ekki koma saman í sama rými, með nokkrum und­an­tekn­ing­um. Einnig mun börum, spila­sölum og lík­ams­rækt­ar­stöðvum verða lok­að, en sund­laugar verða áfram opn­ar.

Þetta sagði Katrín Jak­obs­dóttir for­sæt­is­ráð­herra í við­tali við frétta­stofu Vísis rétt eftir rík­is­stjórn­ar­fund í ráð­herra­bú­staðnum fyrr í dag. Boðið var til fundar eftir að Þórólfur Guðna­son sótt­varn­ar­læknir skil­aði til­lögum sínum um hertar sótt­varn­ar­að­gerðir til þess að bregð­ast við útbreiðslu kór­ónu­veirunnar í morg­un. 

Sam­kvæmt Katrínu munu aðgerð­irnar verða form­lega kynntar innan næsta sól­ar­hrings, en búist er við að þær taki gildi strax eftir helgi. Hún sagði til­lög­urnar snú­ast aðal­lega að frek­ari fjölda­tak­mörk­un­um, en þar verði almennt miðað við að ekki fleiri en 20 manns megi koma sam­an.

Hins vegar bætir Katrín við að fleiri und­an­tekn­ingar muni gilda frá þessum tak­mörk­unum en þegar þær voru settar á fyrr í vor, til að mynda verði ákveðnar sér­reglur um útfar­ir. Aðgerð­irnar muni einnig snú­ast að lokun ýmissa staða, líkt og  bara, spila­sala og lík­ams­rækt­ar­stöðva. Hins vegar megi sund­laugar áfram verða opn­ar, þó með færri gestum en áður.

Sam­kvæmt Katrínu er nauð­syn­legt að bregð­ast hart við frek­ari útbreiðslu veirunn­ar, en mik­ill fjöldi nýrra smita auk lágs hlut­falls smita sem greind eru í sótt­kví sé mikið áhyggju­efn­i. 

61 nýtt til­felli af COVID-19 greind­ist í dag, en í 39 til­fellum var um að ræða fólk sem var utan sótt­kvíar við grein­ingu. Ekki hafa fleiri greinst utan sótt­kvíar síðan í fyrstu bylgju far­ald­urs­ins í vor.

Fréttin hefur verið upp­færð.