Nokkuð ósam­ræmi er í fréttum um heilsu og líðan Don­ald Trump Banda­ríkja­for­seta eftir að hafa verið greindur með COVID-19 fyrir tveimur dögum síðan og lagður inn á sjúkra­hús í gær­kvöldi. For­set­inn segir sjálfur að honum líði vel og taka læknar hans undir þau orð. Hins vegar segja aðrir heim­ild­ar­menn að ástand hans síð­asta sól­ar­hring­inn hafi verið var­huga­vert og að hann hafi fengið súr­efn­is­gjöf áður en hann var lagður inn.

Associ­ated Press fjall­aði um frétta­til­kynn­ingu frá læknum Hvíta húss­ins um heilsu­far for­set­ans fyrr í dag. Trump greindi frá því sjálfur aðfara­nótt föstu­dags að hann hafi verið greindur með COVID-19, en lækn­arnir sögðu hann hafa sýnt ein­kenni veirunnar á fimmtu­dags­eft­ir­mið­degi. í gær­kvöldi var for­set­inn svo lagður inn á Walter Reed her­sjúkra­hús­ið.

Hins vegar bættu lækn­arnir við að Trump væri á bata­vegi og að honum liði vel núna. For­set­inn væri þó enn með hósta og stíflað nef, en ein­kenni hans væru væg­ari en áður. Hann hafi einnig verið hita­laus í sól­ar­hring.

Aðspurður hvort for­set­inn hafi fengið súr­efn­is­gjöf sagði Sean Con­ley, einn lækn­anna að hann þurfi ekki á henni að halda núna, en forð­að­ist þó að svara hvort hann hafi fengið súr­efn­is­gjöf eftir að hafa verið greindur með veiruna.

Ónafn­greindur heim­ild­ar­maður Associ­ated Press sagði þó að Trump hafi fengið súr­efni í gær áður en hann var lagður inn á sjúkra­hús. Mark Mea­dows, aðstoð­ar­maður Trump, sagði einnig að heilsu­far hans í gær hafi verið „mjög var­huga­vert“ og að næstu tveir sól­ar­hringar myndu skera úr um hvort hann yrði lengur á sjúkra­hús­inu eða ekki.

Trump er sjálfur nógu hress fyrir Twitt­er, en hann þakk­aði starfs­fólki sjúkra­húss­ins fyrir störf sín í færslu á sam­fé­lags­miðl­inum fyrr í dag. Enn fremur bætti hann við að honum sé farið að líða vel með þeirra hjálp. Twitt­er-­færsl­una má sjá hér að neð­an. 

Trump sagði frá grein­ing­unni stuttu eftir að fjöl­miðlar komust að því að einn aðstoð­ar­manna hans, Hope Hicks, hafi greinst með jákvætt sýni fyrir kór­ónu­veirunn­i. 

Sam­kvæmt frétt Associ­ated Press hefur rík­is­stjórn Trump enn ekki gefið upp ýmsar upp­lýs­ingar varð­andi heilsu hans. Ekki er enn vitað nákvæm­lega hver ein­kenni for­set­ans eru eða hvaða mæl­ingar hafa verið teknar á hon­um. Einnig er þar getið að fjöl­miðlar upp­lýstu fyrst um smit Hicks, ekki Hvíta hús­ið.