Hagn­aður fast­eigna-ol­íu- og smá­sölu­fyr­ir­tæk­is­ins Festar nam 1,7 millj­örðum króna á fyrstu níu mán­uðum árs­ins og er það 16 pró­sentum minna en á sama tíma­bili í fyrra. Hagn­að­ur­inn jókst tölu­vert í smá­sölu­hluta fyr­ir­tæk­is­ins, en dróst nokkuð saman í annarri starf­semi þess. 

Þetta kemur fram í nýbirtu upp­gjöri Festar fyrir þriðja árs­fjórð­ung, sem nær frá júlí til sept­em­ber. Fram­legð félags­ins á því tíma­bili var nokkuð hærri en á sama tíma í fyrra, eða um 3,3 pró­sent. Aftur á móti hafði hagn­aður félags­ins dreg­ist saman og var hann rúmum fimmt­ungi minni í ár heldur en í fyrra. 

Auk­inn hagn­aður hjá Krón­unni og Elko

Ef litið er til fyrstu níu mán­uði sést að allir þættir í starf­semi Festar skil­uðu hagn­aði. Hagn­að­ur­inn er þó mis­mik­ill og hefur hann breyst tölu­vert frá sama tíma­bili í fyrra. Betur hefur gengið í smá­sölu­rekstri félags­ins, en hagn­aður af rekstri Krón­unnar hefur auk­ist úr 552 millj­ónum krónum í 584 millj­ónir króna. 

Einnig stórjókst hagn­aður Elko úr 47 millj­ónum króna í fyrra í 348 millj­ónir króna í ár, en Egg­ert Þór Krist­ó­fers­son for­stjóri félags­ins segir rekstur raf­tækja­versl­un­ar­innar hafa verið langt umfram vænt­ing­ar. Enn fremur bendir Egg­ert á að aukn­ingin hafi átt sér stað, þrátt fyrir 70 pró­senta tekju­sam­drátt í raf­tækja­búð­inni í Leifs­stöð.

Minni hagn­aður hjá N1, fast­eigna­fé­lag­inu og lag­er­þjón­ustu

Aðra sögu er að segja um rekstur N1, en hagn­aður olíu­fé­lags­ins dróst saman úr tæpum 400 millj­ónum króna í fyrra í tæpar 30 millj­ónir í ár. Sam­drátt­inn má að mestu leyti rekja til tekju­falls í elds­neyt­is­versl­un, en þær dróg­ust saman um tæpan fimmt­ung. Þrátt fyrir það segir Egg­ert að rekstur N1 hafi gengið mjög vel í sum­ar, en að félagið hafi fundið mikið fyrir sam­komu­tak­mörk­unum í haust. 

Undir Festi er líka fast­eigna­fé­lag og Bakk­inn vöru­hót­el, sem sér um lag­er­þjón­ustu. Sam­kvæmt árs­fjórð­ungs­upp­gjör­inu hefur tekjum í þessum tveimur félögum stór­lækkað í ár, en þær voru helm­ingi minni en á sama tíma­bili í fyrra. Einnig hefur hagn­aður þeirra stór­lækk­að, úr 4,2 millj­örðum króna í fyrra niður í 130 millj­ónir króna í ár. Rekstr­ar­nið­ur­stöður þess­arra tveggja félaga er ekki sund­ur­greind frekar í upp­gjör­inu, þannig að óvíst er hvort annað þeirra hafi skilað tapi í ár.

Rekstr­ar­nið­ur­stöður Festar svipa til nið­ur­staðna smá­sölu-og olíu­fyr­ir­tæk­is­ins Haga, sem Kjarn­inn fjall­aði um í síð­ustu viku. Þar juk­ust tekjur í versl­unum fyr­ir­tæk­is­ins, en dróg­ust saman um rúm­lega fimmt­ung í elds­neyt­is­sölu.