Stjórnarþingmaður segist hættur „meðvirkni“ með sóttvarnaraðgerðum

Brynjar Níelsson þingmaður Sjálfstæðisflokks talar á afgerandi hátt gegn sóttvarnaráðstöfunum stjórnvalda í dag og segir að COVID-19 valdi ekki nægilegu neyðarástandi til að réttlæta aðgerðirnar, sem séu stærstu skref í átt til alræðis í Íslandssögunni.

Brynjar Níelsson þingmaður Sjálfstæðisflokksins.
Brynjar Níelsson þingmaður Sjálfstæðisflokksins.
Auglýsing

Brynjar Níels­son þing­maður Sjálf­stæð­is­flokks­ins gagn­rýnir það sem hann kallar „al­ræði sótt­varna“ á Íslandi í aðsendri grein sem birt­ist á Vísi í dag. Hann segir að hann sé orð­inn „sann­færð­ari en áður að við og flest önnur ríki höfum ekki brugð­ist rétt við í bar­átt­unni við veiruna.“

Þing­mað­ur­inn seg­ist telja væn­legra til árang­urs að afmarka aðgerðir til að vernda þá sem eru í hættu, gefa út almenn til­mæli um að hver passi sig og und­ir­búa heil­brigð­is­kerfið undir aukið álag vegna veirunn­ar. Hann ­segir að rík­is­valdið hér á landi hafi stigið „stærri skref til alræðis en nokkru sinni fyrr í okkar sögu“ með þeim sótt­varn­ar­að­gerðum sem hefur verið beitt til þess að reyna að hemja útbreiðslu veirunnar inn­an­lands.

„Allir þurfa svo að ganga í takt og við­ur­lögin ef út af bregður er opin­ber smán­un. Öll gagn­rýni er kaf­færð með hræðslu­á­róðri,“ skrifar Brynjar og segir allt þetta með ein­dæm­um. Nú sé svo komið að „með­virkni“ hans með sótt­varn­ar­að­gerð­unum sé lok­ið.

Auglýsing

Í grein­inni segir hann þó einnig að það hvar­fli ekki að sér að gera lítið úr veirunni og áhrifum hennar á gam­alt fólk og veik­burða, sem geti jafn­vel verið ban­væn, en um leið segir hann veiruna þó ekki hafa í för með sér „slíkt neyð­ar­á­stand sem rétt­læti að setja blóð­tappa í þjóð­ar­lík­amann með svona almennum og íþyngj­andi tak­mörk­un­um.“

„Til að tak­marka frelsið svona mikið þarf meira neyð­ar­á­stand“

Brynjar segir að þær aðgerðir sem ráð­ist hafi verið í hafi ekki skilað þeim árangri sem að er stefnt og athygli ráða­manna hafi dreifst um víðan völl.

„Í stað þess að vernda þá sem eru í alvar­legri hættu hefur öll áherslan verið á dag­legan hræðslu­á­róð­ur, dreif­ingu á vill­andi töl­fræði og til­raunum til að stýra öllu, stóru og smáu, í sam­fé­lag­in­u,“ skrifar þing­mað­ur­inn, sem segir í nið­ur­lagi greinar sinnar að hann viti „auð­vitað ekki frekar en aðrir hvað er alltaf rétt að gera í stöð­unni hverju sinn­i“, en tím­inn muni kannski leiða það í ljós.

„Ég vil samt búa í frjálsu sam­fé­lagi. Til að tak­marka frelsið svona mikið þarf meira neyð­ar­á­stand en þessa veira veldur og það sem er enn mik­il­væg­ara þá mega tak­mark­anir og þving­anir ekki hafa verri áhrif á líf okkar og heilsu til lengri tíma en veiran sjálf. Mér finnst þetta sjón­ar­mið rök­rétt og eðli­legt og þurfi ekki að kalla á útskúfun eða aðra opin­bera smán­un,“ skrifar Brynj­ar.

Heil­brigð­is­ráð­herra kallar eftir lausnum, ekki bara gagn­rýni

Þau sjón­ar­mið sem Brynjar viðrar í grein sinni hafa verið nokkuð til umræðu und­an­farnar vik­ur, ekki síst eftir að hin svo­kall­aða Great Barr­ington-­yf­ir­lýs­ing leit dags­ins ljós í byrjun októ­ber­mán­að­ar, en meg­in­inntakið í henni er að verja eigi við­kvæma hópa en leyfa öðrum að byrja að lifa eðli­legu lífi á ný, án taf­ar, þar sem aðgerð­irnar gegn veirunni séu að valda sam­fé­lögum meiri skaða en far­ald­ur­inn sjálf­ur.

Sig­ríður Á. And­er­sen sam­flokks­kona Brynjars hefur talað á svip­uðum nót­um, sagt að opin­berar sótt­varna­ráð­staf­anir gangi of langt og hafi jafn­vel áhrif sem séu skað­legri en far­ald­ur­inn sjálf­ur, auk mik­illa skerð­inga á borg­ara­legum rétt­indum fólks.

Hún og Svan­dís Svav­ars­dóttir heil­brigð­is­ráð­herra ræddu einmitt um þessi mál í þing­sal fyrir helgi og þá kall­aði Svan­dís eftir því að Sig­ríður útskýrði betur hvernig hún vildi bregð­ast við útbreiðslu far­ald­urs­ins. 

„Hvað er það sem hátt­virtur þing­maður leggur til? Það hefur aldrei komið fram. Leggur hátt­virtur þing­maður til að við förum ekki að ráðum sótt­varna­læknis í glímunni við COVID-19? Hvað er það sem við­kom­andi þing­maður leggur til? Það dugar nefni­lega ekki að tala bara á móti ein­hverju. Maður ber ábyrgð hérna í þessum þing­sal sem þing­mað­ur,“ sagði ráð­herra. 

Svandís Svavarsdóttir heilbrigðisráðherra. Mynd: Bára Huld Beck.



Bent hefur verið á það í umræðu um sjón­ar­mið af þeim meiði að best sé að vernda við­kvæma hópa fyrir veirunni á meðan að slakað verði á almennum aðgerðum sem gangi yfir alla, að stór hluti íslensku þjóð­ar­innar telj­ist í áhættu­hóp gagn­vart sýk­ingu af völdum veirunn­ar. 

Þau Alma Möller land­lækn­ir, Þórólfur Guðna­son sótt­varna­læknir og Víðir Reyn­is­son yfir­lög­reglu­þjónn skrif­uðu í aðsendri grein í Frétta­blaðið að aldr­aðir og aðrir áhættu­hópar væru minnst fimmt­ungur Íslend­inga, laus­lega áætl­að. Þau sögðu einnig að leið Great Barr­ington-hóps­ins kynni að „vera nán­ast ófram­kvæm­an­leg,“ ef vilji væri til þess að halda innviðum heil­brigð­is­kerf­is­ins starf­andi.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Þórdís Kolbrún Reykfjörð Gylfadóttir er utanríkisráðherra.
Inga Hrefna nýr aðstoðarmaður Þórdísar Kolbrúnar
Utanríkisráðherra er nú komin með tvo aðstoðarmenn. Alls má ríkisstjórnin ráða 27 aðstoðarmenn. Laun og starfs­­kjör aðstoð­­ar­­manna ráð­herra mið­­ast við kjör skrif­­stofu­­stjóra í ráðu­­neytum sam­­kvæmt ákvörð­unum kjara­ráðs.
Kjarninn 12. ágúst 2022
Jón Gunnarsson er dómsmálaráðherra.
Leggur til að sameina héraðsdómstóla landsins í eina stofnun
Jón Gunnarsson dómsmálaráðherra er með áform um að sameina þá átta héraðsdómstóla sem eru í landinu í eina stofnun. Forsenda sameiningarinnar er að sameinaður dómstóll hafi starfsstöðvar á landsbyggðinni.
Kjarninn 12. ágúst 2022
Kolafarmi frá Suður-Afríku skipað upp í pólskri höfn í sumar.
Pólverjum er vandi á höndum
Stærsti framleiðandi kola í Evrópu utan Rússlands er í vanda staddur eftir að hafa bannað innflutning á rússneskum kolum vegna innrásarinnar í Úkraínu.
Kjarninn 12. ágúst 2022
Kristján Loftsson forstjóri Hvals hf. virðir hér fyrir sér dauðan hval í Hvalfirði í júlímánuði.
Lögregla væntir þess að Hvalur hf. skili dróna svissneska ríkisútvarpsins í dag
Teymi frá svissneska ríkisfjölmiðlafyrirtækinu SRG SSR flaug dróna yfir hvalstöð Hvals hf. fyrr í vikunni. Starfsmenn Hvals hf. hirtu af þeim drónann og lögreglan á Akranesi hefur krafið fyrirtækið um að skila dróna Svisslendinganna.
Kjarninn 12. ágúst 2022
Hildur Björnsdóttir oddviti Sjálfstæðisflokksins í Reykjavík.
Hildur varði 9,3 milljónum í prófkjörsslaginn og átti eina og hálfa milljón afgangs
Hildur Björnsdóttir oddviti Sjálfstæðisflokksins átti 1,5 milljónir eftir í kosningasjóði sínum þegar prófkjör Sjálfstæðisflokksins í borginni var um garð gengið. Það fé ætlar hún að færa félagi sem hún sjálf stjórnar, en það heitir Frelsisborgin.
Kjarninn 12. ágúst 2022
Skúli Mogensen hefur byggt upp mikla ferðaþjónustu í Hvammsvík i Hvalfirði.
Áformin einkennist af „einhvers konar firringu“
Zephyr Iceland, sem áformar vindorkuver í Hvalfirði, „forðast að snerta á kjarna málsins“ í matsáætlun á framkvæmdinni. Kjarninn er sá að mati Skúla Mogensen, eiganda sjóbaðanna í Hvammsvík, að áformin einkennast af „einhvers konar firringu“.
Kjarninn 12. ágúst 2022
Vatnsyfirborð Rínarfljóts hefur lækkað stöðugt síðustu vikur.
Hættuástand að skapast í Rínarfljóti – Munu skipin geta siglt?
Vatnsyfirborð Rínarfljóts gæti á næstu dögum orðið hættulega lágt að mati þýskra yfirvalda. Sífellt erfiðara er að flytja vörur um ána, m.a. kol og bensín. Gríðarmiklir þurrkar hafa geisað víða í Evrópu með margvíslegum afleiðingum.
Kjarninn 11. ágúst 2022
Langreyður dregin á land í Hvalfirði með sprengiskutulinn enn í sér.
Fiskistofa mun taka upp veiðiaðferðir Hvals hf.
Ný reglugerð um verulega hert eftirlit með hvalveiðum hefur verið sett og tekur gildi þegar í stað. Veiðieftirlitsmenn munu héðan í frá verða um borð í veiðiferðum Hvals hf.
Kjarninn 11. ágúst 2022
Meira úr sama flokkiInnlent