Logi Ein­ars­son for­maður Sam­fylk­ing­ar­innar seg­ir, í ára­móta­greinum sem hann ritar í bæði Morg­un­blaðið og Frétta­blaðið í dag, að Vinstri grænum og Fram­sókn­ar­flokki sé „vor­kunn“ að standa frammi fyrir brýnum úrlausn­ar­efnum með „óá­byrgum sam­starfs­flokki í rík­is­stjórn sem skilur ekki gildi sam­stöðu, sam­á­byrgðar og sam­hjálp­ar.“

Í báðum greinum biður Logi þessa flokka um að hafa í huga að aðrir val­kostir eru í boði við stjórn lands­ins. Í Morg­un­blað­inu gagn­rýnir for­maður Sam­fylk­ing­ar­innar bæði þing­menn og ráð­herra Sjálf­stæð­is­flokks sér­stak­lega fyrir fram­göngu sína í sótt­varna­mál­um.

„Nær algjör og aðdá­un­ar­verð sam­staða almenn­ings á Íslandi að und­an­förnu á sér eins skýra and­stæðu og hugs­ast getur í full­komnu ábyrgð­ar­leysi Sjálf­stæð­is­flokks­ins, sem hefur leikið tveimur skjöldum og hlaup­ist undan ráð­stöf­unum eigin rík­is­stjórn­ar,“ skrifar Logi.

Hann, rétt eins og aðrir í for­ystu Sam­fylk­ing­ar­innar hefur úti­lokað að flokk­ur­inn komi að rík­is­stjórn­ar­sam­starfi með Sjálf­stæð­is­flokki eftir næstu alþing­is­kosn­ing­ar, sem eru á dag­skrá í sept­em­ber á kom­andi ári.

Logi skrifar í Morg­un­blaðið að þing­menn flokks­ins Sjálf­stæð­is­flokks­ins hafi „ham­ast gegn settum sótt­varna­regl­um“ og þá hafi „ráð­herra­liðið gengið á undan með vondu for­dæmi og þver­brotið þær, ítrek­að.“

„Mark­vis­st“ grafið undan trausti og til­trú

Logi segir það eitt að hlaupa á sig og gera mis­tök, en „eitt­hvað annað og alvar­legra að gera svona mik­ið, svona mark­vis­st, til að grafa undan trausti og til­trú almenn­ings á nauð­syn­legum aðgerðum í þágu almanna­varna.“

Hann ritar að „ábyrgð­ar­til­finn­ingin virð­ist lítil sem eng­in“ og að svo virð­ist sem lítið sé hugsað til þeirra sem hafi lagt mikið á sig í fram­línu­störfum eða þeirra sem hafa misst lífs­við­ur­værið vegna sótt­varnar eða ann­arra sem far­ald­ur­inn hafi snert á einn eða annan máta.

„Þetta eru ekki við­horf sem við þurfum á að halda þegar upp­bygg­ing sam­fé­lags­ins hefst á ný,“ skrifar Logi í Morg­un­blað­ið. Í Frétta­blaðið skrifar hann að val­kost­irnir verði skýr­ir, „ann­að­hvort enn ein vand­ræða­stjórnin með Sjálf­stæð­is­flokknum eða græn félags­hyggju­stjórn“.