Gagnaöflun skattrannsóknarstjóra um rekstur félags í Belís talin lögmæt

Landsréttur komst í lok janúar að þeirri niðurstöðu að skattrannsóknarstjóra hefði verið heimilt að sækja bókhaldsgögn um félag í Belís til endurskoðunarfyrirtækis í lok maí í fyrra. Málið virðist tengjast rannsókn embættisins á Samherjasamstæðunni.

Af efnisatriðum málsins má ráða að um sé að ræða gagnaöflun sem tengist rannsókn skattrannsóknarstjóra á Samherjasamstæðunni.
Af efnisatriðum málsins má ráða að um sé að ræða gagnaöflun sem tengist rannsókn skattrannsóknarstjóra á Samherjasamstæðunni.
Auglýsing

Starfs­menn emb­ættis skatt­rann­sókn­ar­stjóra komu í höf­uð­stöðvar íslensks bók­halds- og þjón­ustu­fyr­ir­tækis þann 19. maí í fyrra með beiðni um að fá afhent gögn um félag sem skráð er í Mið-Am­er­íku­rík­inu Belís. Tek­ist hefur verið á um það fyrir dóm­stólum hvort gagna­öfl­unin hafi verið lög­mæt. Nýleg nið­ur­staða Lands­réttar er að það hafi hún ver­ið.

Theo­dóra Emils­dótt­ir, settur skatt­rann­sókn­ar­stjóri, seg­ist í svari við fyr­ir­spurn Kjarn­ans ekki geta veitt neinar upp­lýs­ingar eða stað­fest­ingu á því um hvaða félög er að ræða, en efn­is­at­riði í úrskurðum Lands­réttar og Hér­aðs­dóms Reykja­víkur gefa þó til kynna að þarna sé fjallað um gagna­öflun sem teng­ist yfir­stand­andi rann­sókn skatt­rann­sókn­ar­stjóra á Sam­herj­a­sam­stæð­unni.

Í úrskurði Lands­réttar frá 25. jan­úar og úrskurði Hér­aðs­dóms Reykja­víkur frá 15. des­em­ber eru öll nöfn fyr­ir­tækja og ein­stak­linga afmáð, en þó má lesa að eig­andi félags­ins í Belís sé félag á Kýpur sem sé í eigu íslensks manns, sem sé með skatta­lega heim­il­is­festi á Spáni og hafi ekki verið með heim­il­is­festi á Íslandi í um 16 ár.

Skatt­rann­sókn­ar­stjóri lof­aði að skoða ekki gögnin fyrr en lög­mætið væri ljóst

Deilt hefur verið um heim­ild skatt­rann­sókn­ar­stjóra til þess að skoða bók­hald þessa eina fyr­ir­tækis í Belís frá því skömmu eftir að það fékkst afhent frá end­ur­skoð­and­anum í maí. 

Fram kemur í úrskurð­inum að nokkrum dögum eftir að skatt­rann­sókn­ar­stjóri fékk gögnin í hend­ur, eða 28. maí, hafi emb­ættið farið fram á að Belís-­fé­lagið og end­ur­skoð­and­inn veittu frek­ari gögn um rekst­ur­inn. Einnig var óskað var eftir því að eig­andi félags­ins kæmi til skýrslu­gjafar þann 11. júní.

Auglýsing

Félagið hafn­aði að afhenda frek­ari gögn, í svar­bréfi til skatt­rann­sókn­ar­stjóra 5. júní. Í bréf­inu frá lög­manni Belís-­fé­lags­ins var því einnig komið á fram­færi að end­ur­skoð­un­ar­fyr­ir­tækið mælt­ist til þess að skatt­rann­sókn­ar­stjóri end­ur­kall­aði beiðni sína eða bæri hana undir dóm­stóla. 

Þessu bréfi svar­aði skatt­rann­sókn­ar­stjóri 12. júní og sagð­ist hafa verið heim­ilt að afla umræddra gagna og taldi að rétt hefði verið staðið að öflun þeirra. Einnig sagði skatt­rann­sókn­ar­stjóri að eðli­legra væri að end­ur­skoð­un­ar­fyr­ir­tækið færi sjálft með kröfu sína fyrir dóm. 

Emb­ættið lýsti því þó yfir að gögnin yrðu ekki skoðuð fyrr en búið væri að leysa úr ágrein­ingi um lög­mæti beiðn­ar­inn­ar, sem nú hefur verið gert.

Grunur á að raun­veru­legum yfir­ráðum hafi verið leynt

Í úrskurði Lands­réttar má lesa að rann­sókn skatt­rann­sókn­ar­stjóra bein­ist að bók­haldi og skatt­skilum íslensks félags og að því félagi hafi verið til­kynnt bréf­lega 19. maí í fyrra að rann­sókn væri hafin á skatt­skilum þess. Sú rann­sókn bein­ist meðal ann­ars að ætl­aðri skatt­skyldu vegna hagn­aðar þessa félags í Belís á árunum 2013-2017. 

Í grein­ar­gerð sem skatt­rann­sókn­ar­stjóri sendi Lands­rétti og vísað er til í úrskurð­inum kemur fram að grunur leiki á því að íslenska félagið hafi leynt raun­veru­legu eign­ar­haldi eða stjórn­un­ar­legum yfir­ráðum sínum á Belís-­fé­lag­inu, sem væri skráð í lág­skatta­ríki.





Með því hefði íslenska félagið komið Belís-­fé­lag­inu undan skatt­skyldu hér á landi vegna tekna á rekstr­ar­ár­unum 2013-2016. Sam­kvæmt úrskurði Lands­réttar er það mat skatt­rann­sókn­ar­stjóra að gögn­in, sem nú hefur komið í ljós að aflað var með lög­mætum hætti, kunni að hafa „veru­lega þýð­ingu“ við rann­sókn máls­ins.

Áhöld hafa áður verið uppi um það hvort erlendum félögum innan Sam­herj­a­sam­stæð­unnar hafi sumum hverjum í reynd verið stjórnað frá Íslandi, af íslenskum ein­stak­ling­um.

Þetta var til dæmis álita­efni í máli Seðla­banka Íslands gegn Sam­herja, en að mati bank­ans var þónokkrum félögum sam­stæð­unnar í reynd stjórnað frá Íslandi og því hefðu erlendu félögin átt að skila gjald­eyri til lands­ins eins og inn­lendir aðil­ar.

„Þó að þetta væri sölu­­fé­lag sem velti millj­­örðum þá var eng­inn sem tók upp sím­ann og tók við sölupönt­un,“ sagði Jóhannes Karl Sveins­son lög­maður Seðla­bank­ans fyrir Hér­aðs­dómi Reykja­víkur í sept­em­ber­mán­uði, um félagið Katla Seafood Limited, sem eitt sinn var skráð í Belís í Mið-Am­er­íku en síðar á Kýp­ur.

Eins og Kjarn­inn sagði frá um helg­ina virð­ist það hvaða ákvarð­anir í rekstri erlendra félaga Sam­herj­a­sam­stæð­unnar voru teknar á Íslandi og hverjar í útlöndum einnig skipta máli í rann­sókn emb­ættis hér­aðs­sak­sókn­ara.

Hér­aðs­sak­sókn­ari fékk í byrjun des­em­ber bók­hald Sam­herj­a­sam­stæð­unnar afhent frá end­ur­skoð­un­ar­skrif­stof­unni KPMG með dóms­úr­skurði. Emb­ættið fékk einnig upp­lýs­ingar um vinnslu einnar skýrslu sem KPMG vann fyrir Sam­herja á árunum 2013 og 2014 og fól í sér grein­ingu á skipu­lagi sam­stæð­unnar á þeim tíma.

Sam­­kvæmt drögum að skýrslu frá sér­­fræð­ingum KPMG, sem byggði m.a. á við­­tölum við starfs­­fólk Sam­herj­­a­­sam­­stæð­unn­­ar, var for­­stjór­inn og stjórn­­­ar­­for­­mað­­ur­inn Þor­­steinn Már Bald­vins­­son nær ein­ráður í fyr­ir­tæk­inu og með alla þræði í hendi sér.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Sólveig Anna Jónsdóttir
Villimenn við borgarhliðið: Kreppa íslensku verkalýðshreyfingarinnar I
Kjarninn 16. ágúst 2022
Meira úr sama flokkiInnlent