Guð­mundur Ingi Guð­brands­son, vara­for­maður Vinstri­hreyf­ing­ar­innar - græns fram­boðs og umhverf­is­ráð­herra, ætlar að sækj­ast eftir fyrsta sæti á lista flokks­ins í Suð­vest­ur­kjör­dæmi. Guð­mundur hefur gegnt ráð­herra­emb­ætti utan þings síðan árið 2017. Árið 2019 var hann kjör­inn vara­for­maður VG.

Það stefnir því allt í odd­vitaslag í kjör­dæm­inu því nú þegar hefur Ólafur Þór Gunn­ars­son, þing­maður flokks­ins, til­kynnt að hann sæk­ist eftir því að leiða lista flokks­ins í kjör­dæm­inu í kom­andi kosn­ing­um. Ólafur var annar á lista flokks­ins í kjör­dæm­inu í síð­ustu kosn­ing­um, þá var odd­viti Rósa Björk Brynj­ólfs­dóttir sem nú hefur skipt um flokk. Ólafur starf­aði áður sem öldr­un­­ar­læknir og sat í bæj­­­ar­­stjórn Kópa­vogs frá 2006-2017.

 Guð­mundur er stofn­fé­lagi í VG og hefur því verið í hreyf­ing­unni frá 1999. Í til­kynn­ingu frá honum seg­ist hann hafa fylgt VG að málum frá upp­hafi, „ekki síst vegna áherslu á umhverf­is- og nátt­úru­vernd, mann­rétt­indi og rétt­lát­ara sam­fé­lag.“ Þá séu stór verk­efni fram undan í íslensku sam­fé­lagi sem hann langar að taka þátt í á vett­vangi stjórn­mál­anna, þar á meðal atvinnu­leysi sem vinna þarf bug á og upp­bygg­ing í kjöl­far kór­ónu­veiru­far­ald­urs­ins. Hann segir lofts­lags­vána vera stóru áskorun okkar tíma og að sem ráð­herra hafi hann lagt áherslu á að koma lofts­lags­málum aftur á kort­ið.

 

Í til­kynn­ing­unni seg­ist Guð­mundur vilja sjá Ísland þró­ast sem rétt­lát­ara sam­féag þar sem efna­meira fólk leggur meira til sam­fé­lags­ins. „Við þurfum að byggja á þeim skrefum sem stigin hafa verið á þessu kjör­tíma­bili, eins og með þrepa­skiptu skatt­kerfi, leng­ingu fæð­ing­ar­or­lofs og nýjum úrræðum í hús­næð­is­mál­um. Jafn­rétt­is- og mann­rétt­inda­mál eru mér einnig að sjálf­sögðu ofar­lega í huga, ekki síst kven­frelsi og rétt­indi hinsegin fólks.“