Af þeim ell­efu sem greindust inn­an­lands með COVID-19 í gær voru sex í sótt­kví. Fimm greindust með veiruna á landa­mær­unum i gær.

Eftir gær­dag­inn eru 385 manns í sótt­kví og 124 í ein­angr­un.

Fyrir viku hóf smitum inn­an­lands skyndi­lega að fjölga og meiri­hluti þeirra sem greinst hefur var þegar orð­inn full­bólu­settur við grein­ingu. Þórólfur Guðna­son sótt­varna­læknir sagði á upp­lýs­inga­fundi fyrir helgi að bólu­efni væru „klár­lega“ að veita minni vernd en hann hafði von­ast eft­ir.

Bólu­setn­ingar eru nær hvergi í heim­inum jafn útbreiddar og á Íslandi og ríf­lega 70 pró­sent full­orð­inna eldri en sextán ára eru full­bólu­sett­ir.

Þórólfur sagði einnig fyrir helgi að hann ynni að minn­is­blaði til ráð­herra vegna fjölg­unar smita. Hann sagði m.a. koma til greina að allir fram­vísi nei­kvæðu PCR-­prófi við kom­una til lands­ins, líka bólu­sett­ir.

Bólu­settir hafa ekki þurft að fara í skimun á landa­mærum við kom­una til lands­ins frá síð­ustu mán­aða­mót­um. Þórólfur hefur sagt ómögu­legt að skima alla sem koma, slíkur sé fjöld­inn.

Fréttin hefur verið upp­færð þar sem almanna­varnir sendu síð­degis í gær leið­rétt­ingu á tölum um smitin sem birtar voru um morg­un­inn.