Íslenska nýsköp­un­ar­fyr­ir­tækið Crowbar Prot­ein hygg­ist hefja fram­leiðslu á skor­dýra­prótein­stykki sínu Jungle Bar og hafa til þess opnað fyrir hóp­fjár­mögnun á Kickstarter. Þetta er fyrsta ­evr­ópska orku­stykkið sem fram­leitt verður úr skor­dýra­hrá­efni.

Þeir Búi Bjarmar Aðal­steins­son, vöru­hönn­uð­ur, og Stefán Atli Thorodd­sen, við­skipta­fræð­ing­ur, hafa und­an­farið ár gert til­raunir og þróað vör­una með sér­fræð­ing­um, meðal ann­ars með þátt­töku í StartUp Reykja­vík og Gul­legg­inu.

Útkoma vinnu Crowbar Prot­ein síð­ast­liðið ár er Jungle Bar sem fram­leitt er úr krybbu­hveiti (skor­dýra­hrá­efni vör­unn­ar) döðl­um, sesam-, graskers- og sól­blóma­fræjum og súkkulaði. Krybbu­hveitið er sér­stak­lega fram­leitt í Banda­ríkj­unum til mann­eldis úr krybbum sem hafa verið þurk­aðar og mal­aðar í fínt hveiti.

Þeir félagar segja kostir skor­dýra til mat­væla­fram­leiðslu vera marga. Helstu ástæð­urnar fyrir þeirra fram­leiðslu eru „að skor­dýr eru gríð­ar­lega nær­ing­ar­rík,“ eins og segir í kynn­ing­ar­efni á vef Crowbar Prot­ein. Einnig má rækta skor­dýr á sjálf­bæran og umhverf­is­vænan hátt.

Opnað var fyrir fjár­mögnun 10. apríl og verður opið fyrir styrk­veit­ingar í mán­uð. Þegar hafa safn­ast rúm­lega 6.000 doll­arar af 15.000 doll­ara mark­mið­inu sem Búi og Stefán settu sér. Þeir sem leggja til fjár­magn fá vör­una senda, þeim mun meira sem lagt er til því fleiri stykki fást send. Fyrstu stykk­in eru áætluð í júní.

„Hún [hóp­fjár­mögn­un­in] hefur gengið vonum fram­ar,“ ­sagði Búi Bjarmar í sam­tali við Kjarn­ann. „40 pró­sent kom­inn á fyrstu dög­un­um. Það er draumastart,“  Þegar hefur einn aðili styrkt verk­efnið um 1.000 doll­ara og fær fyrir vikið skor­dýra­skotna fimm rétta mál­tíð í boði Búa Bjarmars og Stef­áns Atla.

Jungle Bar er gert úr döðl­um, sesam-, graskers- og sól­blóma­fræjum auk súkkulaði og krybbu­hveit­is­ins.