Hol­lensk lestar­fé­lög hafa sam­ein­ast um að ætla að knýja allt lest­ar­kerfi lands­ins með vind­orku eftir þrjú ár. Hol­lenska orku­fyr­ir­tækið Eneco hefur gengið að sam­komu­lagi við lestar­fé­lögin um að útbúa raf­orku­kerfið fyrir þessar breyt­ing­ar.

Nú þegar er helm­ingur alls lest­ar­kerf­is­ins, sem er 2.890 kíló­metra langt og þjón­ustar um 1,2 milljón manns á hverjum degi, knúið vind­orku. Verk­efnið sem ráð­ist verður í á næstu þremur árum miðar einnig að því að hraða inn­leið­ingu end­ur­nýj­an­legra orku­gjafa í öðrum Evr­ópu­lönd­um.

Lest­ar­k­efið í Hollandi þjón­ustar um það bil 1,2 milljón manns á hverjum degi. (Mynd: EPA)

Orkan verður fram­leidd í vind­orku­verum í Hollandi, Belgíu og nokkrum af Norð­ur­lönd­un­um. Síð­ustu ár hefur vind­orka hlotið byr undir báða vængi um allan heim. Sam­kvæmt upp­lýs­ingum Alþjóða orku­ráðs­ins hefur inn­leið­ing vind­orku í raf­orku­kerfi heims­ins auk­ist um að jafn­aði 24 pró­sent á hverju ári síðan árið 2000. Ráðið spáir því að ef áætl­anir haldi muni vind­orka verða 18 pró­sent allrar orku­fram­leiðslu heims­ins árið 2050.

Lest­ar­kerfið er ekki eina verk­efni orku­fyr­ir­tæks­ins Eneco því nýverið gekk fyr­ir­tækið frá samn­ingum við Google um að sjá gagna­veri hug­bún­að­ar­ris­ans banda­ríska fyrir raf­orku ein­göngu með vind­orku.

Aldrei meiri eft­ir­spurn eftir sól­ar­orku í Banda­ríkj­unum

Sam­tök um sól­ar­orku­iðn­að­inn í Banda­ríkj­unum (SEIA) segja að aldrei hafi verið jafn mikil eft­ir­spurn eftir raf­orku sem fram­leidd er með sól­ar­sell­um. Gríð­ar­leg upp­bygg­ing hefur verið á innviðum fyrir sól­ar­orku­fram­leiðslu vestra á síð­ustu miss­er­um. Á raf­orku­mark­að­inum komst sól­ar­orka í fyrsta sinn yfir 20 gíga­vött í júní. Þá hefur orðið 70 pró­sent vöxtur í sölu sól­ar­orku til heim­ila, að sögn SEIA.

SEIA vill að banda­rísk stjórn­völd lagi lög­gjöf lands­ins að nýsköpun í raf­orku­fram­leiðslu. (Mynd: EPA)

Lobbý­istar sól­ar­orku­iðn­að­ar­ins þrýsta nú á stjórn­völd að auka skatta­af­slátt á fjár­fest­ingar í sól­ar­orku svo þessi fram­leiðsla geti haldið áfram að vaxa. „Eft­ir­spurn eftir sól­ar­orku er nú meiri en nokkru sinni og þróun und­an­far­inna miss­era sýnir að Amer­íka verður að við­halda snjall­ri, árang­urs­rík­ari og fram­sýnni stefnu­mót­un,“ segir Rhone Resch, for­seti SEIA.

Sól­ar­orka á þó langt í land vest­an­hafs enda var orku­fram­leiðsla með sól­ar­orku aðeins 0,4 pró­sent af allri raf­orku í Banda­ríkj­un­um. Það er um það bil eitt pró­sent af þeirri raf­orku sem fram­leidd er með brennslu kola.