„Auðvitað verður þetta frábært sumar“

„Hvað heldur þú Alma, heldur þú að sumarið verði gott?“ Bjart var yfir þríeykinu á upplýsingafundi almannavarna í dag. Þó að ekki sé búið að tala við veðurfræðinga telur sóttvarnalæknir að við getum átt von á betra sumri í ár en í fyrra.

Þórólfur Guðnason, Alma Möller og Víðir Reynisson.
Þórólfur Guðnason, Alma Möller og Víðir Reynisson.
Auglýsing

„Aðeins svona á léttu nótunum,“ sagði Arnhildur Hálfdánardóttir fréttamaður á RÚV, á upplýsingafundi almannavarna í dag. „Hvernig verður sumarið? Verður hægt að halda stórar samkomur, halda hátíðir, fara til útlanda?“

Víðir Reynisson yfirlögregluþjónn sem mættur var á fundinn eftir tveggja vikna „sumarfrí“ svaraði að bragði: „Sumarið verður gott.“

Þórólfur Guðnason sóttvarnalæknir tók hlæjandi undir það. „Sumarið verður gott,“ endurtók hann. „Við höfum ekki talað við veðurfræðingana um það en ég held að við getum horft björtum augum fram á sumarið. Ef allt gengur eins og við erum að vonast til, það gengur vel í bólusetningunum, við komum til með að fá meira af bóluefni heldur en við gerðum ráð fyrir og vonandi kemur ekki bakslag þar, þá getum við létt töluvert á [aðgerðum] og átt betra sumar en við áttum í fyrra.“

Hann sagði það auðvitað mismunandi hvaða skilning fólk legði í „gott“ sumar en „ég held að það sé fyllsta ástæða til að vera bara mjög bjartsýnn á að okkur takist að létta verulega á með útbreiddari bólusetningum.“

Víðir snéri sér þá að Ölmu Möller landlækni og spurði: Hvað heldur þú Alma, heldurðu að sumarið verði gott?“

Hún hikaði ekki áður en hún svaraði og sagði: „Ég held það. Ég held að það verði gott veður og ég held líka að við verðum búin að bólusetja fleiri. Við sáum það í fyrra að veiran lág svolítið í láginni og hún gerir það væntanlega eftir árstíðum. Þannig að auðvitað verður þetta frábært sumar. En ég hugsa að flestir verði kannski að ferðast innanlands enda er það það besta í heimi.“

Víðir: „Sammála því“.

Auglýsing

Þau voru mætt öll þrjú á upplýsingafund á ný, þríeykið sem fyrir nákvæmlega ári síðan hafði leitt landsmenn í gegnum hæstu hæðir fyrstu bylgju faraldurs kórónuveirunnar. Þá var 641 maður í einangrun á landinu og 20 smit höfðu greinst þann dag, þó mun færri en nokkrum dögum áður þegar þau reyndust yfir 100 á einum sólarhring og hafa aldrei orðið fleiri.

Í gær greindist engin með kórónuveiruna innanlands. Áttatíu eru í einangrun.

Þó að létt hafi verið yfir þríeykinu er það svaraði spurningunni um sumarið voru ýmis alvarlegri mál rædd á fundi dagsins. Víðir byrjaði á að stappa stálinu í þjóðina og minnti á að sá árangur sem íslenskt samfélag hefði náð síðasta árið væri „ótrúlega flottur“. Sagði hann það vera forréttindi að hafa fengið að taka þátt í verkefninu og að fylgjast með viðbrögðum þjóðarinnar í þeim erfiðleikum sem á hafa dunið. „Aldrei hefur samfélagið verið nálægt því að bugast,“ sagði hann. „nú er vor í lofti og bjartari tímar framundan. Þurfum að halda áfram, halda áfram að þrauka. Íslenskt samfélag hefur staðið sig vel. Og ætlum að gera það áfram.“

Níutíu greindust innanlands á þremur vikum

Frá því aðgerðir innanlands voru hertar fyrir um þremur vikum (25. mars) hafa níutíu manns greinst innanlands. 70 prósent hafa verið í sóttkví við greiningu. Öll eru smitin af undirafbrigði breska afbrigðis veirunnar og má rekja þau öll til landamæranna, að sögn Þórólfs, og í flestum tilvikum til fólks sem hefur ekki farið eftir leiðbeiningum í sóttkví.

Enginn greindist innanlands í gær en fimm á landamærunum. Síðastliðnar þrjár vikur hafa rúmlega þrjátíu greinst með virkt smit þar – um helmingur í fyrri skimun og þar með um helmingur í þeirri seinni.

Tveir liggja á Landspítalanum með COVID-19. Annar þeirra er á gjörgæslu og í öndunarvél. Það er maður um sjötugt sem kom með flugi til landsins.

Þórólfur sagði vel hafa gengið að stöðva þær hópsýkingar sem voru í uppsiglingu innanlands fyrir þremur vikum.

Bólusetningar ganga vel og nú hafa tæplega 70 þúsund manns fengið að minnsta kosti eina sprautu og tæplega 30 þúsund eru fullbólusettir. „Við getum sagt að við erum á nokkuð góðum stað í faraldrinum þessa stundina og mikilvægt að standa saman til að varðveita þennan árangur,“ og ítrekaði mikilvægi aðgerða á landamærunum og persónubundnar sóttvarnir í því sambandi. „Á þann máta munum við komast út úr faraldrinum.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Tómas A. Tómasson og Kolbrún Baldursdóttir
Aðalsmenn og almenningur á Íslandi
Kjarninn 16. september 2021
Þorkell Sigurlaugsson og Sigmar Vilhjálmsson sitja báðir í undirbúningsnefnd hins nýja félags.
Unnið að stofnun nýrra hagsmunasamtaka lítilla og meðalstórra fyrirtækja
Atvinnufjélaginu er ætlað að vera málsvari fyrir hagsmuni einyrkja og lítilla og meðalstórra fyrirtækja í íslensku atvinnulífi. Þörfin á slíkum samtökum atvinnurekenda er sögð mikil af hálfu stofnenda.
Kjarninn 16. september 2021
Tryggvi Rúnar Brynjarsson
Í Dal hinna föllnu
Kjarninn 16. september 2021
Sif Sigmarsdóttir
Hvernig viljum við lifa?
Kjarninn 16. september 2021
Arnhildur Hálfdánardóttir fékk fjölmiðlaverðlaun umhverfis- og auðlindaráðuneytisins í fyrra fyrir þáttaröðina Loftslagsþerapían. Hún er þar með síðasti handhafi þeirra verðlauna.
Hætta að veita fjölmiðlaverðlaun á degi íslenskrar náttúru
Algjör sprenging hefur orðið í umfjöllun fjölmiðla um loftslags- og umhverfismál og því telur umhverfis- og auðlindaráðuneytið ekki lengur þörf á að verðlauna miðla sérstaklega fyrir slíkan fréttaflutning.
Kjarninn 16. september 2021
Sif Konráðsdóttir
Áratugur Árósasamnings
Kjarninn 16. september 2021
Katrín Jakobsdóttir forsætisráðherra í Forystusætinu á RÚV í gærkvöldi.
Framlög til barnabótakerfisins aukin og fleiri fá þær, en raunvirði bóta hefur lítið hækkað
Staðreyndavakt Kjarnans skoðar fullyrðingu Katrínar Jakobsdóttur um að ríkisstjórn hennar hafi aukið við barnabótakerfið og tryggt að það nái til fleiri en það gerði fyrir fjórum árum síðan.
Kjarninn 15. september 2021
Bjarni Benediktsson og Katrín Jakobsdóttir.
Rúm 40 prósent vilja að Katrín verði áfram forsætisráðherra
Í niðurstöðum könnunar á vegum ÍSKOS kemur í ljós að langflestir vilja að Katrín Jakobsdóttir verði áfram forsætisráðherra. Athygli vekur að Bjarni Benediktsson nýtur minni stuðnings í embættið en Sjálfstæðisflokkurinn nýtur í könnunum.
Kjarninn 15. september 2021
Meira úr sama flokkiInnlent