Grískir bankar berj­ast nú fyrir lífi sínu, sam­kvæmt frá­sögnum helstu alþjóð­legu við­skipta­miðl­anna, en í dag hefur óvenju mikið fé verið tekið út úr bönk­un­um, sem er fram­hald af alvar­legu van­trausti í síð­ustu viku. Þá voru þrír millj­arðar evra teknir úr bönk­un­um,  jafn­virði tæp­lega 500 millj­arða króna, sem eykur á lausa­fjár­vanda þeirra á erf­iðum tíma, að því er fram kemur í umfjöllun breska rík­is­út­varps­ins BBC.

Skulda­vandi Grikkja er enn óleyst­ur, það er að stjórn­völd í Grikk­landi, undir for­ystu Syr­iza flokks­ins, hafa ekki náð sam­komu­lagi við lána­drottna um að lengja í lánum og fresta umfangs­miklum hag­ræð­ing­ar­að­gerð­um. Eitt af kosn­inga­lof­orðum Syr­iza var að end­ur­semja við lána­drottna og hætta taf­ar­laust við nið­ur­skurðar­á­form hjá hinu opin­bera, þar á meðal upp­sagnir þús­unda starfs­manna rík­is­ins.

Ekk­ert  hefur þó gengið hjá flokknum að ná þessu í gegn, þar sem fjár­mögn­un­ar­á­ætlun sem grísk stjórn­völd gerðu við Alþjóða­gjald­eyr­is­sjóð­inn, Evr­ópu­sam­bandið og aðra kröfu­hafa, byggði á því að rekstur rík­is­ins yrði end­ur­skipu­lagður með sárs­auka­fullri hag­ræð­ingu. Sam­tals var áætl­unin upp á 240 millj­arða evra, en skamm­tíma­skuld­bind­ing­ar, sem nú eru að valda mestum erf­ið­leik­um, eru upp á 7,2 millj­arða evra. Þar á meðal er gjald­dagi á láni upp á 1,6 millj­arða evra hinn 30. júní næst­kom­andi. Ef Grikkjum tekst ekki að end­ur­fjár­magna skuldir sínar fyrir þann tíma, og greiða lánið til baka í sam­ræmi við samn­ing­ar, þá býður fátt annað en gjald­þrot rík­is­sjóðs Grikk­lands, með til­heyr­andi efna­hags­hremm­ingum í Evr­ópu.

Alexis Tsipras, for­sæt­is­ráð­herra, sem hefur setið fundi um stöðu mála með rúss­neskum stjórn­völdum að und­an­förnu, hefur þó sagt að allt verði gert til þess að ná sam­komu­lagi um nýja rík­is­fjár­mála­á­ætlun fyrir þann tíma sem er til stefnu.

Meet­ing with the Russian del­egation. #SPIEF #Greece pic.twitt­er.com/­MY­VOf­bO9GD

— Alexis Tsipras (@tsipras_eu) June 19, 2015