Lands­fram­leiðsla Þýska­lands gæti vaxið um hálft pró­sentu­stig vegna þeirra tekna sem þýska líf­tækni­fyr­ir­tækið BioNTech fær vegna þró­unar á bólu­efni sínu gegn COVID-19 í sam­starfi við lyfj­aris­ann Pfiz­er. Fari svo gæti fyr­ir­tæk­ið, sem hefur færri en tvö þús­und starfs­menn, staðið að baki tölu­verðum hluta hag­vaxtar lands­ins í ár. Frá þessu greinir frétta­veitan Bloomberg.

Sebast­ian Dulli­en, hag­fræði­pró­fessor við tækni- og við­skipta­há­skól­ann í Berlín, var fyrstur til að greina frá þessu í Twitt­er-­þræði, sem sjá má hér að neð­an. Sam­kvæmt Dullien er BioNTech eitt af örfáum fyr­ir­tækjum sem hafa telj­andi áhrif á hag­vöxt stórra landa, sökum þess hversu hratt það hefur vaxið á einu ári og hversu stór hluti tekna þess koma frá Þýska­landi.

Í nýjasta árs­hluta­upp­gjöri BioNTech gerir fyr­ir­tækið ráð fyrir að fá 15,9 millj­arða evra í tekjur í ár, en það jafn­gildir um 80 pró­sent af lands­fram­leiðslu Íslands. Þar sem sala fyr­ir­tæk­is­ins var nán­ast engin í fyrra segir Dullien að nán­ast öll þessi upp­hæð skili sér í hag­vöxt Þýska­lands. Langstærsti hluti tekn­anna kemur til vegna sölu á bólefn­inu.

Verg lands­fram­leiðsla Þýska­lands í fyrra nam 3.332,23 millj­örðum evra. Því gæti líf­tækni­fyr­ir­tækið aukið hag­vöxt þar í landi um allt að hálft pró­sentu­stig í ár.

Sam­kvæmt hag­spá Eurostat, hag­stofu Evr­ópu­sam­bands­ins, er búist við að hag­vöxtur í Þýska­landi nemi 3,6 pró­sentum í ár og að verð­bólgan verði 2,8 pró­sent. Gangi þessar spár upp mætti því búast við að BioNTech verði að baki einum fjórt­ánda af hag­vexti Þýska­lands í ár.

Alls unnu um 1.600 manns hjá BioNTech í lok árs í fyrra. Sam­kvæmt frétt Bloomberg er bólu­efnið á góðri leið með að verða eitt mest selda lyf allra tíma. Fyr­ir­tækið hef­ur, ásamt Pfiz­er, skuld­bundið sig til að afhenda um 2,2 millj­arða skammta af lyf­inu á þessu ári og einn millj­arð á næstu árum.