Bjarni Bene­dikts­son, fjár­mála- og efna­hags­ráð­herra, svar­aði því ekki efn­is­lega hvort rík­is­stjórnin sé farin að end­ur­skoða áætl­anir sínar um komu ferða­manna hingað til lands í ár í ljósi þess hvernig hlutir hafa atvikast síð­ustu dag, þegar hann var spurður um það í óund­ir­búnum fyr­ir­spurnum í dag.

Opin­berar áætl­anir rík­is­stjórn­ar­innar gera ráð fyrir að hingað til lands komi 720 þús­und ferða­menn í ár. Bjarni líkti þess í stað heims­far­aldr­inum við það að klífa fjall og að nú sæist glitta í tind­inn. „Það á að fylla okkur bjart­sýni. Við eigum ekki að tala eins og að eins og við séum að fara aft­urá­bak.“

Jón Stein­dór Valdi­mars­son, þing­maður Við­reisn­ar, spurði Bjarna hvort að fyr­ir­liggj­andi aðstæð­ur; að veiran væri komin aftur á kreik með til­heyr­andi tak­mörk­unum á fólk og fyr­ir­tæki hér­lendis sem erlend­is, að verð­bólga væri enn að vaxa (hún er nú 4,3 pró­sent) og að atvinnu­leysi væri gríð­ar­lega mikið (það er nú 12,5 pró­sent) köll­uðu ekki á að það þyrfti að fara að búa sig undir „hina verstu sviðs­mynd“. 

Jón Stein­dór skil­greindi þá sviðs­mynd þannig að ferða­manna­sum­arið myndi ekki koma og að það yrði heldur ekk­ert ferða­manna­haust. 

Í fyr­ir­liggj­andi fjár­mála­á­ætlun rík­is­stjórn­ar­innar fyrir árin 2022-2026 er meðal ann­ars byggt á því að meg­in­þorri lands­manna og íbúa helstu við­skipta­landa verði bólu­settur um mið­bik þessa árs. Á þeim grunni gerir þjóð­hags­spá Hag­stof­unnar ráð fyrir fjölgun ferða­manna sem drífi áfram efna­hags­batann, en gert er ráð fyrir að ferða­menn sem heim­sæki Ísland verði 720 þús­und í ár og fjölgi um 80 pró­sent á næsta ári, 2022, og verði þá 1,3 millj­ónir alls. Á metár­inu 2018 voru ferða­menn sem heim­sóttu Ísland 2,3 millj­ónir og árið 2019 voru þeir rétt tæp­lega tvær millj­ón­ir. 

­Bjarni sagð­ist ekki getað svarað spurn­ingu Jóns Stein­dórs öðru­vísi en svo að stjórn­völd væru að miða sínar áætl­anir við bestu upp­lýs­ingar á hverjum tíma. „Að fást við svona heims­far­aldur er eins og að klífa fjall. Þetta er mjög hátt fjall. Við vissum varla hversu hátt það var þegar við lögðum af stað. Og í slíkum leið­angri þá þarf maður stundum að taka hlé og fara í búð­ir. Nú erum við farin að sjá tind­inn, loks­ins.“

Þar vís­aði fjár­mála- og efna­hags­ráð­herra til þeirra straum­hvarfa sem væru að verða víða vegna bólu­setn­ing­ar. Í Bret­landi hefði til að mynda tek­ist að bólu­setja eina milljón manns á einum sól­ar­hring og um mitt ár 2021 standi til að meg­in­þorri full­orð­inna Íslend­inga verði bólu­sett­ir. „Við erum að fara inn í árs­fjórð­ung sem er eins og loka­at­lagan að toppi fjalls­ins.“ Bjarni telur að allt annar veru­leiki muni taka við á seinni hluta yfir­stand­andi árs og það eigi að kalla fram bjart­sýni.